ಧಾರವಾಡ: ಮಹಿಳೆಯೊಬ್ಬಳು ಹಣಕ್ಕಾಗಿ ತನ್ನೊಂದಿಗೆ ಅಕ್ರಮ ಸಂಬಂಧ ಹೊಂದಿದ್ದ ಯುವಕ ವಿರುದ್ಧವೇ ನಗರದ ವಿದ್ಯಾಗಿರಿ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ಪೊಲೀಸರು ಆತನನ್ನು ಬಂಧಿಸಿದ್ದಾರೆ.
ಧಾರವಾಡದ ನಗರದ ಕಾಲೊನಿಯಲ್ಲಿದ್ದ ಮಹಿಳೆ ನೀಡಿದ ಆಧಾರದಲ್ಲಿ ಪೊಲೀಸರು ಚಿತ್ರದುರ್ಗ ಮೂಲದ ಆರೋಪಿ ವಿಜಯ್‍ಕುಮಾರ್ ನನ್ನು ಬಂಧಿಸಿದ್ದಾರೆ. ಬಂಧನಕ್ಕೂ ಮುನ್ನ ವಿಜಯಕುಮಾರ್ ಸೆಲ್ಫಿ ಕ್ಯಾಮೆರಾ ಮೂಲಕ ಫೇಸ್‍ಬುಕ್ ಲೈವ್ ನಲ್ಲಿ ತನ್ನ ಸಮಸ್ಯೆ ಹೇಳಿಕೊಂಡಿದ್ದ. ಆತನ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಿಜಯ್‍ಕುಮಾರ್ ಹೇಳಿದ್ದು ಏನು?
ನಾನು ಧಾರವಾರಡದ ಮಹಿಳೆಯ ಜೊತೆಗೆ ಅನೈತಿಕ ಸಂಬಂಧ ಹೊಂದಿದ್ದೆ. ಆಕೆ ಹಣ ನೀಡುವಂತೆ ನನಗೆ ಪೀಡಿಸುತ್ತಿದ್ದಳು. ಮಹಿಳೆಯಿಂದ ತಪ್ಪಿಸಿಕೊಂಡು ಹೈದ್ರಾಬಾದ್‍ಗೆ ಬಂದಿದ್ದೆ. ಆದರೆ ಈಗ ಆಕೆ ನನ್ನ ಮೇಲೆ ವಿದ್ಯಾಗಿರಿ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿದ್ದಾಳೆ. ನನಗಿಂತ ಮೊದಲು ಮಹಿಳೆ ನಾಲ್ವರೊಂದಿಗೆ ಅಕ್ರಮ ಸಂಬಂಧ ಹೊಂದಿ, ಅವರಿಗೆ ಹಣ ನೀಡುವಂತೆ ಒತ್ತಾಯಿಸಿದ್ದಳು. ಅವರು ಹಣ ನೀಡಲು ಒಪ್ಪದಿದ್ದಾಗ ಅವರ ವಿರುದ್ಧವೂ ಪ್ರಕರಣ ದಾಖಲು ಮಾಡಿದ್ದಳು.
ಪೊಲೀಸರು ನನ್ನ ಪತ್ತೆಗಾಗಿ ಮುಂದಾಗಿದ್ದಾರೆ. ಹೀಗಾಗಿ ನಾನು ಆಕೆಗೆ ಫೋನ್ ಮಾಡಿ ಕೇಳಿದಾಗ, ಏನು ಇಲ್ಲ ಚಿಕ್ಕ ವಿಚಾರಣೆ ಅಷ್ಟೇ, ಬಂದು ಹೋಗು ಎಂದು ಹೇಳಿದ್ದಾಳೆ. ಧಾರವಾಡಕ್ಕೆ ಹೋದ ಮೇಲೆ ಏನಾಗುತ್ತದೆ ಅಂತಾ ತಿಳಿಯುತ್ತಿಲ್ಲ. ಪ್ರಕರಣ ವಿಚಾರಣೆ ವೇಳೆ ಸಾಮಾಜಿಕ ಜಾಲತಾಣದ ಗೆಳೆಯರು ಈ ವಿಡಿಯೋ ತಲುಪಿಸಬೇಕು ಎಂದು ಹೇಳಿಕೊಂಡಿದ್ದನು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictvnews
