ಒಂದೇ ತಿಂಗಳಿನಲ್ಲಿ ರೈಲ್ವೇ ಇಲಾಖೆಯಿಂದ ದಾಖಲೆಯ ದಂಡ ವಸೂಲಿ

Public TV
1 Min Read
Indian Railway Train

ನವದೆಹಲಿ: ಒಂದೇ ತಿಂಗಳಿನಲ್ಲಿ ಟಿಕೆಟ್ ಇಲ್ಲದೆ ಹಾಗೂ ಅನಿಯಮಿತ ಪ್ರಯಾಣಿಕರಿಂದ ಈ ಬಾರಿ ರೈಲ್ವೇ ಇಲಾಖೆಯು ದಾಖಲೆಯ ದಂಡ ವಸೂಲಿ ಮಾಡಿದೆ.

ರೈಲ್ವೇ ಅಧಿಕಾರಿಗಳು ಏಪ್ರಿಲ್ ನಿಂದ ಮೇ ವೆರೆಗೆ ನಿಯಮ ಉಲ್ಲಂಘಿಸಿ ಪ್ರಯಾಣಿಸುತ್ತಿದ್ದ ಪ್ರಯಾಣಿಕರಿಂದ ಬರೋಬ್ಬರಿ 42.15 ಕೋಟಿ ರೂ. ದಂಡ ಪಡೆದಿದ್ದಾರೆ. ಈ ಮೊತ್ತ ಕಳೆದ ಬಾರಿಗಿಂತ 2.25% ಹೆಚ್ಚಾಗಿದೆ ಎಂದು ಕೇಂದ್ರ ರೈಲ್ವೇ ಇಲಾಖೆ ತಿಳಿಸಿದೆ.

ಟಿಕೆಟ್ ಇಲ್ಲದೆ ಪ್ರಯಾಣಿಸುವ ಹಾಗೂ ನಿಯಮ ಉಲ್ಲಂಘಿಸಿ ಪ್ರಯಾಣಿಸುತ್ತಿದ್ದ ಪ್ರಕರಣಗಳು ಕಳೆದ ಬಾರಿಗಿಂತ 4.70% ಹೆಚ್ಚಳವಾಗಿದೆ. 2018ರ ಫೆಬ್ರವರಿ-ಏಪ್ರಿಲ್ ಅವಧಿಯಲ್ಲಿ 7.25 ಲಕ್ಷ ಪ್ರಕರಣಗಳು ದಾಖಲಾಗಿದ್ದವು. ಆದರೆ ಈ ಬಾರಿ 7.59 ಲಕ್ಷ ಪ್ರಕರಣಗಳು ದಾಖಲಾಗಿದ್ದು, 42.15 ಕೋಟಿ ರೂ. ದಂಡ ಇಲಾಖೆ ಕೈ ಸೇರಿದೆ.

7.59 ಲಕ್ಷ ಪ್ರಕರಣಗಳಲ್ಲಿ 1,517 ಪ್ರಕರಣಗಳು ರಿಸರ್ವೇಶನ್ ಟಿಕೆಟ್ ವರ್ಗಾವಣೆ ಪತ್ತೆಯಾಗಿದ್ದು, ಅವರಿಂದ 12.77 ಲಕ್ಷ ರೂ. ದಂಡ ಪಡೆಯಲಾಗಿದೆ ಎಂಬುದಾಗಿ ವರದಿಯಾಗಿದೆ.

Share This Article
Leave a Comment

Leave a Reply

Your email address will not be published. Required fields are marked *