Public TV - Latest Kannada News, Public…
ಟೆಹ್ರಾನ್: ಇರಾನ್ (Iran) ಮೇಲೆ ಅಮೆರಿಕ (US Strikes) ಮತ್ತೆ ದಾಳಿ ನಡೆಸಿದೆ. ಹಾರ್ಮುಜ್ ಜಲಸಂಧಿಯಲ್ಲಿರುವ ಲಾರಕ್ ದ್ವೀಪದಲ್ಲಿ ಅಮೆರಿಕ ಇರಾನಿನ ಎರಡು ಉಡಾವಣಾ ವ್ಯವಸ್ಥೆಗಳನ್ನು ಹೊಡೆದುರುಳಿಸಿದೆ.
ಜುಲೈ ಅಂತ್ಯದ ನಂತರ ಇರಾನಿನ ಪ್ರದೇಶದ ಮೇಲೆ ಅಮೆರಿಕದ ಮೊದಲ ದಾಳಿ ಇದಾಗಿದೆ. ದಾಳಿಗೆ ಪ್ರತೀಕಾರ ತಿರಿಸಿಕೊಳ್ಳುವುದಾಗಿ ಇರಾನ್ ಪ್ರತಿಜ್ಞೆ ಮಾಡಿದೆ. ಇದನ್ನೂ ಓದಿ: ನೇಪಾಳ-ಟಿಬೆಟ್ ಗಡಿಯಲ್ಲಿ ಭೀಕರ ಪ್ರವಾಹ; 788 ಮಂದಿ ಸಾವು, 2,500ಕ್ಕೂ ಹೆಚ್ಚು ನಾಪತ್ತೆ
ಯುಎಸ್ ಪಡೆಗಳು ಲಾರಕ್ ದ್ವೀಪದಲ್ಲಿ ಎರಡು ಇರಾನಿನ ಲಾಂಚರ್ಗಳನ್ನು ಹೊಡೆದುರುಳಿಸಿವೆ ಎಂದು ನಾನು ದೃಢೀಕರಿಸಬಲ್ಲೆ. ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ ಪಡೆಗಳು ಹಾರ್ಮುಜ್ ಜಲಸಂಧಿಗೆ ಸಮುದ್ರ ಗಣಿಗಳೊಂದಿಗೆ ರಾಕೆಟ್ಗಳನ್ನು ಉಡಾಯಿಸಲು ಸಿದ್ಧತೆ ನಡೆಸುತ್ತಿರುವುದನ್ನು ಗಮನಿಸಲಾಗಿತ್ತು ಎಂದು ಅಮೆರಿಕದ ಅಧಿಕಾರಿ ಉಲ್ಲೇಖಿಸಿದ್ದಾರೆ.
ಲಾರಕ್ ದ್ವೀಪವು ಹಾರ್ಮುಜ್ ದ್ವೀಪದ ದಕ್ಷಿಣಕ್ಕೆ ಮತ್ತು ಕೆಶ್ಮ್ ದ್ವೀಪದ ಪೂರ್ವದಲ್ಲಿದೆ. ಟೆಹ್ರಾನ್ನಿಂದ, ಲಾರಕ್ ಇರಾನಿನ ರಾಜಧಾನಿಯ ಆಗ್ನೇಯಕ್ಕೆ ಸರಿಸುಮಾರು 1,100 ಕಿ.ಮೀ ದೂರದಲ್ಲಿದೆ.
ಆಯಕಟ್ಟಿನ ಮಹತ್ವದ ಜಲಮಾರ್ಗಕ್ಕೆ ಸಮುದ್ರ ಗಣಿಗಳಿಗೆ ರಾಕೆಟ್ಗಳನ್ನು ಹಾರಿಸಲು ಇರಾನ್ನ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ ಸದಸ್ಯರು ಲಾಂಚರ್ಗಳನ್ನು ಸಿದ್ಧಪಡಿಸುತ್ತಿರುವುದನ್ನು ಅಮೆರಿಕ ಪಡೆಗಳು ಪತ್ತೆಹಚ್ಚಿದ್ದವು. ಅದರ ಬೆನ್ನಲ್ಲೇ ಭಾನುವಾರ ಈ ದಾಳಿಗಳು ನಡೆದಿವೆ ಎಂದು ಅಧಿಕಾರಿ ತಿಳಿಸಿದ್ದಾರೆ. ಇದನ್ನೂ ಓದಿ: ನೇಪಾಳ ಬೆನ್ನಲ್ಲೇ ಅಮೆರಿಕದಲ್ಲೂ ಭೀಕರ ಪ್ರವಾಹ; 20 ಮಂದಿ ನಾಪತ್ತೆ
