ಇಸ್ಲಾಮಾಬಾದ್: ಮಧ್ಯಪ್ರಾಚ್ಯದಲ್ಲಿ ಯುದ್ಧವನ್ನು ಕೊನೆಗೊಳಿಸಲು ಪಾಕಿಸ್ತಾನದಲ್ಲಿ (Pakistan) ನಡೆಯುತ್ತಿರುವ ಮಾತುಕತೆಗಳು ಸ್ಥಗಿತಗೊಂಡಿರುವುದಕ್ಕೆ ಅಮೆರಿಕದ (America) ಅಸಮಂಜಸ ಬೇಡಿಕೆಗಳು ಕಾರಣ ಎಂದು ಇರಾನ್ (Iran) ಹೇಳಿದೆ.
ಇರಾನ್ ಜನರ ರಾಷ್ಟ್ರೀಯ ಹಿತಾಸಕ್ತಿಗಳನ್ನು ರಕ್ಷಿಸುವ ಸಲುವಾಗಿ ಇರಾನ್ ನಿಯೋಗವು 21 ಗಂಟೆಗಳ ಕಾಲ ನಿರಂತರವಾಗಿ ಮತ್ತು ತೀವ್ರವಾಗಿ ಮಾತುಕತೆ ನಡೆಸಿತು. ಇರಾನ್ ನಿಯೋಗದ ವಿವಿಧ ಉಪಕ್ರಮಗಳ ಹೊರತಾಗಿಯೂ, ಅಮೆರಿಕದ ಕಡೆಯ ಅಸಮಂಜಸ ಬೇಡಿಕೆಗಳು ಮಾತುಕತೆಗಳ ಪ್ರಗತಿಯನ್ನು ತಡೆಯಿತು. ಹೀಗಾಗಿ, ಮಾತುಕತೆಗಳು ಕೊನೆಗೊಂಡವು ಎಂದು ಇರಾನ್ ರಾಜ್ಯ ಪ್ರಸಾರಕ ತಿಳಿಸಿದೆ. ಇದನ್ನೂ ಓದಿ: ಇರಾನ್-ಅಮೆರಿಕ ಸಂಧಾನ ಮಾತುಕತೆ ವಿಫಲ – ‘ಕಹಿ ಸುದ್ದಿ’ ಎಂದ ಯುಎಸ್ ಉಪಾಧ್ಯಕ್ಷ
ಮಾತುಕತೆಗಳು ಒಂದೇ ಅಧಿವೇಶನದೊಳಗೆ ಒಪ್ಪಂದಕ್ಕೆ ಬರಬಹುದೆಂದು ಯಾರೂ ನಿರೀಕ್ಷಿಸಿರಲಿಲ್ಲ ಎಂದು ಇರಾನ್ ವಿದೇಶಾಂಗ ಸಚಿವಾಲಯ ಹೇಳಿದೆ. ಸ್ವಾಭಾವಿಕವಾಗಿ, ಆರಂಭದಿಂದಲೂ ನಾವು ಒಂದೇ ಅಧಿವೇಶನದಲ್ಲಿ ಒಪ್ಪಂದಕ್ಕೆ ಬರುತ್ತೇವೆ ಎಂದು ನಿರೀಕ್ಷಿಸಬಾರದಿತ್ತು. ಯಾರಿಗೂ ಅಂತಹ ನಿರೀಕ್ಷೆ ಇರಲಿಲ್ಲ ಎಂದು ಸಚಿವಾಲಯದ ವಕ್ತಾರ ಎಸ್ಮಾಯಿಲ್ ಬಕೈ ಹೇಳಿದ್ದಾರೆ.
ನಮ್ಮ ಮತ್ತು ಪಾಕಿಸ್ತಾನದ ನಡುವಿನ ಸಂಪರ್ಕಗಳು ಹಾಗೂ ಈ ಪ್ರದೇಶದ ನಮ್ಮ ಇತರ ಸ್ನೇಹಿತರ ನಡುವಿನ ಸಂಪರ್ಕಗಳು ಮುಂದುವರಿಯುತ್ತವೆ ಎಂಬ ವಿಶ್ವಾಸ ಇರಾನ್ಗೆ ಇದೆ ಎಂದಿದ್ದಾರೆ. ಜಾಗತಿಕ ತೈಲದ ಐದನೇ ಒಂದು ಭಾಗದಷ್ಟು ಸಾಗಣೆಯ ನಿರ್ಣಾಯಕ ಜಲಮಾರ್ಗವಾದ ಹಾರ್ಮುಜ್ ಜಲಸಂಧಿಯ ಸುತ್ತ ಮತ್ತು ಪರಮಾಣು ಸಾಮಗ್ರಿಗಳನ್ನು ತೆಗೆಯುವುದು ಸೇರಿದಂತೆ ಯುದ್ಧದಲ್ಲಿ ಪಡೆಯಲು ಸಾಧ್ಯವಾಗದ ರಿಯಾಯಿತಿಗಳನ್ನು ಅಮೆರಿಕ ಬಯಸಿದೆ ಎಂದು ಇರಾನ್ ತಿಳಿಸಿದೆ. ಇದನ್ನೂ ಓದಿ: Explainer| ದಲ್ಲಾಳಿ ಕೆಲಸಕ್ಕೆ ಪಾಕಿಸ್ತಾನವನ್ನೇ ಟ್ರಂಪ್ ಆಯ್ಕೆ ಮಾಡಿದ್ದು ಯಾಕೆ?
