ಬೆಂಗಳೂರು: ಹಿರಿಯ ನಟ ಸುಂದರ್ ರಾಜ್ ಅವರ ಪುತ್ರಿ ನಟಿ ಮೇಘನಾ ರಾಜ್ ಅವರ ಸಿನಿಮಾದ ಡೈಲಾಗ್‍ವೊಂದು ಇದೀಗ ವಿವಾದಕ್ಕೆ ಕಾರಣವಾಗಿದೆ.
ಜಿಂದಾ ಸಿನಿಮಾದಲ್ಲಿ `ಗಂಡಸರು ಕಚಡಾ ನನ್ ಮಕ್ಳು’ ಅಂತಾ ಅವಹೇಳನಾಕಾರಿ ಪದ ಬಳಕೆ ಮಾಡಿರುವ ಹಿನ್ನೆಲೆಯಲ್ಲಿ ಕನ್ನಡಪರ ಸಂಘಟನೆ ಕಾರ್ಯಕರ್ತರು ಪ್ರತಿಭಟನೆ ನಡೆಸಿದ್ದಾರೆ.
ಈ ಅವಹೇಳನಾಕಾರಿ ಪದ ಬಳಕೆಗೆ ಕ್ಷಮೆ ಕೋರಬೇಕೆಂದು ಪ್ರತಿಭಟನಾಕಾರರು ಪಟ್ಟು ಹಿಡಿದಿದ್ದು, ಸದ್ಯ ಪ್ರತಿಭಟನಾಕಾರರನ್ನು ನಟಿ ಮೇಘನಾ ರಾಜ್ ಸಮಾಧಾನಪಡಿಸುತ್ತಿದ್ದಾರೆ. ಭಾನುವಾರದಿಂದಲೇ ಮೇಘನಾ ರಾಜ್ ಮನೆ ಮುಂದೆ ಪ್ರತಿಭಟನೆ ನಡೆಯುತ್ತಿದೆ. ಜನ್ಮಭೂಮಿ ರಕ್ಷಣಾ ಪಡೆ ನೇತೃತ್ವದಲ್ಲಿ ಈ ಪ್ರತಿಭಟನೆ ನಡೆಯುತ್ತಿದೆ.
ಮುಸ್ಸಂಜೆ ಮಹೇಶ್ ನಿರ್ದೇಶನದಲ್ಲಿ ಜಿಂದಾ ಸಿನಿಮಾ ಮೂಡಿ ಬರುತ್ತಿದ್ದು, ಇದೇ ಜೂನ್ ತಿಂಗಳಲ್ಲಿ ತೆರೆಗೆ ಬರಲಿದೆ.
