ವೆಬ್ ಸೈಟ್‍ನಲ್ಲಿ ಯುವತಿಯರ ಫೋಟೋ ಅಪ್ಲೋಡ್ ಮಾಡಿ ವಂಚನೆ- ಐವರ ಬಂಧನ

ಬೆಂಗಳೂರು: ಈಗಂತೂ ಹದಿಹರೆಯದ ಹುಡುಗಿಯರಿಂದ ಹಿಡಿದು 60 ಪ್ಲಸ್ ಆದ ಮುದುಕಿಯರ ತನಕ ಎಲ್ಲರೂ ಸೋಶಿಯಲ್ ಮೀಡಿಯಾ (Social Media) ಬಳಸ್ತಾರೆ. ನಾವೆಷ್ಟು ಸೂಪರ್ ಅಂತಾ ತೋರಿಸಿಕೊಳ್ಳೋಕೆ ಅಂದದ ಫೋಟೋಗಳನ್ನು ಅಪ್ಲೋಡ್ ಮಾಡಿ ಲೈಕ್ಸ್, ಕಾಮೆಂಟ್‍ಗಳನ್ನು ನೋಡಿ ಖುಷಿ ಪಟ್ಟಿರ್ತಾರೆ. ಆದರೆ ನಿಮ್ಮ ಆ ಫೋಟೋಗಳು ಹೇಗೆಲ್ಲಾ ವ್ಯಾಪಾರ ಆಗುತ್ತವೆ ಅನ್ನೋದನ್ನು ಕೇಳಿದ್ರೆ ನೀವೂ ಶಾಕ್ ಆಗಿಬಿಡ್ತೀರಿ.

SADDUGUNTE POLICE 1

ಬೆಂಗಳೂರಿನ ಸುದ್ದಗುಂಟೆ ಪಾಳ್ಯ ಪೊಲೀಸ (Suddagunte Palya Police) ರು, ಇಂಥದೊಂದು ಇಂಟರೆಸ್ಟಿಂಗ್ ಪ್ರಕರಣವನ್ನು ಪತ್ತೆ ಮಾಡಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಸಿಗುವ ಚೆನ್ನಾಗಿರುವ ಯುವತಿಯರ ಫೋಟೋಗಳನ್ನು ಸೇವ್ ಮಾಡಿಕೊಳ್ಳುವ ಆರೋಪಿಗಳು, ಹೈಫೈ ವೇಶ್ಯಾವಾಟಿಕೆಗೆ ಪ್ರಸಿದ್ಧವಾದ ಲೊಕ್ಯಾಂಟೊ ವೆಬ್ ಸೈಟ್ ನಲ್ಲಿ ಅಪ್ಲೋಡ್ ಮಾಡುತ್ತಿದ್ದರು. ಇದನ್ನೂ ಓದಿ: ಅಕ್ರಮ ಸಂಬಂಧ ನಿರಾಕರಿಸಿದ್ದಕ್ಕೆ ಮಹಿಳೆಗೆ ಚಾಕು ಇರಿದ ಆಟೋ ಚಾಲಕ

Suddaguntepalya Police Station

ಆ ಫೋಟೋವನ್ನು ನೋಡಿದ ಕೆಲ ಗ್ರಾಹಕರು, ಆ ಅಕೌಂಟ್ ಗೆ ಪ್ರತಿಕ್ರಿಯೆ ನೀಡುತ್ತಿದ್ದರು. ಅಡ್ವಾನ್ಸ್ ಹಣವಾಗಿ (Advance Money) ಇಂತಿಷ್ಟು ಹಣ ಅಂತಾ ಹಾಕಿಸಿಕೊಳ್ತಿದ್ದ ಆರೋಪಿಗಳು, ನಂತರ ಆ ಅಕೌಂಟ್ ನ ಬ್ಲಾಕ್ ಮಾಡಿ ಬಿಡುತ್ತಿದ್ದರು. ಮತ್ತೆ ಅದೇ ಹುಡುಗಿಯರ ಫೋಟೋಗಳನ್ನು ಬೇರೆ ಗ್ರಾಹಕರಿಗೆ ಕಳಸುಹಿಸಿ ಇದೇ ರೀತಿ ಲಕ್ಷಾಂತರ ರೂಪಾಯಿ ವಂಚನೆ ಮಾಡುತ್ತಿದ್ದರು. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿದ್ದ ಸುದ್ದಗುಂಟೆ ಪೊಲೀಸರು, ಮಂಜುನಾಥ್, ಮಲ್ಲಿಕಾರ್ಜುನಯ್ಯ, ಮಂಜುನಾಥ್, ಮೋಹನ್, ಹನುಮೇಶ್ ಮತ್ತು ರಾಜೇಶ್ ಅನ್ನೋರನ್ನು ಬಂಧಿಸಿದ್ದಾರೆ.