ಬೆಂಗಳೂರು: ಗುಜರಾತ್ನಲ್ಲಿ ನಡೆದ ವಿಧಾನಸಭಾ ಚುನಾವಣೆಯ ಸಕ್ಸಸ್ ಇದೀಗ ಕರ್ನಾಟಕದಲ್ಲೂ (Karnataka) ಪ್ರಯೋಗವಾಗಿ ಆರಂಭವಾಗಿದೆ. ಪ್ರಧಾನಿ ನರೇಂದ್ರ ಮೋದಿ (Narendra Modi) ಬಂದಾಗಲೆಲ್ಲ ರೋಡ್ ಶೋ (Roadshow) ಹವಾ ಕ್ರಿಯೇಟ್ ಮಾಡಲು ಮಾಸ್ಟರ್ ಪ್ಲ್ಯಾನ್ ನಡೆದಿದೆ.
ಹುಬ್ಬಳ್ಳಿಯಲ್ಲಿ ನಿನ್ನೆ ಬರೀ ಸ್ಯಾಂಪಲ್ ಆಗಿದ್ದು, ಇನ್ಮುಂದೆ ಕರ್ನಾಟಕದಲ್ಲಿ ಫುಲ್ ಶೋ ಗೇಮ್ ಪಕ್ಕಾ ಎನ್ನಲಾಗಿದೆ. ಅಂದಹಾಗೆ ಅಷ್ಟಕ್ಕೂ ರೋಡ್ ಶೋನಿಂದಾಗುವ ಲಾಭ ಏನು? ಗುಜರಾತ್ನಲ್ಲಿ ಆದ ಲಾಭ ಏನು? ಎಂಬ ಪ್ರಶ್ನೆಗಳಿಗೆ ಬಿಜೆಪಿ (BJP) ಸಕ್ಸಸ್ ಉತ್ತರ ನೀಡುತ್ತೆ. ಗುಜರಾತ್ನಲ್ಲಿ ದಾಖಲೆಯ ಗೆಲುವು ಬರೆಯಲು ಮೋದಿ ರೋಡ್ ಶೋ ಕೂಡ ಕಾರಣ ಅಂತೆ. ಸೂರತ್, ಅಹಮದಾಬಾದ್ಗಳಲ್ಲಿ ನಡೆಸಿದ ಆ ರೋಡ್ ಶೋಗಳಿಂದ ಬಿಜೆಪಿಗೆ ಬಂಪರ್ ಬೆಳೆ ಬಂದಿದೆ ಎನ್ನುತ್ತಿದ್ದಾರೆ ರಾಜ್ಯ ಬಿಜೆಪಿ ನಾಯಕರು. ಇದನ್ನೂ ಓದಿ: ಮೋದಿ ಅಂದ್ರೆ ತುಂಬಾ ಪ್ರೀತಿ, ಹಾರ ತೆಗೆದುಕೊಂಡಾಗ ಕೈ ತಾಕಿದ್ದು ಖುಷಿಯಾಯ್ತು: ಕುನಾಲ್ ಸಂತಸ
ಸೂರತ್ನಲ್ಲಿ ಬರೋಬ್ಬರಿ 25 ಕಿ.ಮೀ ರೋಡ್ ಶೋ ನಡೆಸಿದ್ದ ಮೋದಿ 16 ಕ್ಷೇತ್ರಗಳನ್ನು ಕವರ್ ಮಾಡಿದ್ರು. ಅಹಮದಾಬಾದ್ನಲ್ಲಿ 4 ಗಂಟೆಗಳ ಕಾಲ 50 ಕಿ.ಮೀ ರೋಡ್ ಶೋ ನಡೆಸಿ ಹವಾ ಮೂಡಿಸಿದ್ದ ಮೋದಿ, ಬಳಿಕ ಸೂರತ್ ಭಾಗದಲ್ಲಿ 16 ಕ್ಷೇತ್ರಗಳಲ್ಲಿ 16 ಕ್ಷೇತ್ರಗಳನ್ನು ಗೆದ್ದು ಬಿಜೆಪಿ ದಾಖಲೆ ಬರೆದಿತ್ತು. ಅಹಮದಾಬಾದ್ ಭಾಗದಲ್ಲಿ 21 ಕ್ಷೇತ್ರಗಳಲ್ಲಿ 19 ಕ್ಷೇತ್ರಗಳನ್ನ ಬುಟ್ಟಿಗೆ ಹಾಕಿಕೊಳ್ಳಲು ಯಶಸ್ವಿಯಾಗಿತ್ತು. ಇದನ್ನೂ ಓದಿ: ಒಂದೇ ಕಡೆ ನಿಂತ್ರೆ ಬಲವಿಲ್ಲ; ಎರಡು ಕ್ಷೇತ್ರಗಳಲ್ಲಿ ಸ್ಪರ್ಧಿಸಬೇಕು – ಸಿದ್ದುಗೆ ರಾಜಕೀಯ ಭವಿಷ್ಯ ನುಡಿದ ಮನೆ ದೇವರು
Great euphoria in Hubballi. Have a look… pic.twitter.com/MlY6ie5NlG
— Narendra Modi (@narendramodi) January 12, 2023
ಹಾಗಾಗಿ ಗುಜರಾತ್ ಮಾದರಿ ಎಲೆಕ್ಷನ್ ರೋಡ್ ಶೋಗೆ ಪ್ಲ್ಯಾನ್ ಮಾಡಿರುವ ಬಿಜೆಪಿ ಹೈಕಮಾಂಡ್. ರಾಜ್ಯಕ್ಕೆ ಮೋದಿ ಬರುವಾಗಲೆಲ್ಲ ರೋಡ್ ಶೋಗಳನ್ನು ಫಿಕ್ಸ್ ಮಾಡುವ ಬಗ್ಗೆ ಸಂದೇಶ ರವಾನಿಸಿದೆ. ಜನವರಿ 19ಕ್ಕೆ ಮತ್ತೆ ರಾಜ್ಯಕ್ಕೆ ಆಗಮಿಸುವ ಮೋದಿಯಿಂದ ನಡೆಯುತ್ತಾ ಮತ್ತೊಂದು ರೋಡ್ ಶೋ? ಎಂಬ ಕುತೂಹಲ ಇದೆ. ಯಾದಗಿರಿ, ಕಲಬುರಗಿ ಸಿಟಿಗಳಲ್ಲಿ ರೋಡ್ ಶೋ ಆಯೋಜನೆ ಸಾಧಕ ಬಾಧಕಗಳ ಬಗ್ಗೆ ಲೆಕ್ಕಚಾರ ನಡೆದಿದೆ.
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
