ಬೆಳಗಾವಿ: ವೀರಸೌಧದಲ್ಲಿ ಗಾಂಧಿ ಪ್ರತಿಮೆಗೆ ಗೌರವ ಸಮರ್ಪಿಸಿ ಕಾಂಗ್ರೆಸ್ ಬಸ್ ಯಾತ್ರೆ (Congress Bus Yatre) ಗೆ ಚಾಲನೆ ಕೊಡಲಾಯಿತು. ಈ ವೇಳೆ ಬೆಳಗಾವಿ – ಖಾನಾಪುರ ಕಾಂಗ್ರೆಸ್ ರಸ್ತೆಯಲ್ಲಿ ಕೈಯಲ್ಲಿ ಪೊರಕೆ ಹಿಡಿದು ಕೈ ನಾಯಕರಾದ ಡಿಕೆಶಿ, ಸಿದ್ದರಾಮಯ್ಯ ರಸ್ತೆ ಸ್ವಚ್ಛಗೊಳಿಸಿದರು.

bus

ತಾಲೂಕಿನ ಟಿಳಕವಾಡಿ ವೀರಸೌಧದಲ್ಲಿ ಗಾಂಧಿ ಪ್ರತಿಮೆಗೆ ಮಾಲಾರ್ಪನೆ ಮಾಡುವ ಮೂಲಕ ಕಾಂಗ್ರೆಸ್ ಬಸ್ ಯಾತ್ರೆ ಚಾಲನೆ ನೀಡಲಾಯಿತು. ಈ ವೇಳೆ ರಾಜ್ಯ ಕಾಂಗ್ರೆಸ್ ನಾಯಕರಿಗೆ ರಾಜ್ಯ ಕಾಂಗ್ರೆಸ್ ಉಸ್ತುವಾರಿ ರಣದೀಪ್‍ ಸಿಂಗ್ ಸುರ್ಜೇವಾಲಾ (Randeep Singh Surjewala) ಸಾಥ್ ನೀಡಿದರು. ಇದನ್ನೂ ಓದಿ: 3 ಬೈಕ್‍ನಲ್ಲಿ 14 ಮಂದಿ- ಸ್ಟಂಟ್ ಮಾಡುತ್ತಿದ್ದ ಯುವಕರಿಗೆ ಕಾದಿತ್ತು ಪೊಲೀಸರಿಂದ ಶಾಕ್

ಕಾಂಗ್ರೆಸ್ ನ ಬಸ್ ಯಾತ್ರೆ ಹಿನ್ನೆಲೆ ಕಾಂಗ್ರೆಸ್ ರಸ್ತೆ (Congress Road) ಅರ್ಧಗಂಟೆ ಸಂಪೂರ್ಣ ಸ್ಥಗಿತವಾಗಿತ್ತು. ಈ ವೇಳೆ ವಾಹನ ಸವಾರರು ಸಾರ್ವಜನಿಕರ ಪರದಾಡಿದರು. ಚಿಕ್ಕೋಡಿಯತ್ತ ಕಾಂಗ್ರೆಸ್ ನಾಯಕರು ಬಸ್‍ನಲ್ಲಿ ಪ್ರಯಾಣ ಬೆಳೆಸಿದರು. ಇತ್ತ ಬಸ್ಸಿನಲ್ಲಿ ಕೆಪಿಸಿಸಿ ಅಧ್ಯಕ್ಷ ಡಿಕೆಶಿ (DK Shivakumar), ವಿಪಕ್ಷ ನಾಯಕ ಸಿದ್ದರಾಮಯ್ಯ (Siddaramaiah) ಅಕ್ಕಪಕ್ಕ ಕುಳಿತು ಪ್ರಯಾಣ ಬೆಳೆಸಿದರು.