DistrictsKarnatakaLatestMain PostMandya

35 ವರ್ಷಗಳ ಪ್ರೀತಿ, 65ನೇ ವರ್ಷದಲ್ಲಿ ಸಪ್ತಪದಿ – ಅಜ್ಜ-ಅಜ್ಜಿಯ ಪ್ರೇಮ್ ಕಹಾನಿ

ಮಂಡ್ಯ: ಮೈಸೂರಿನ ಹೆಬ್ಬಾಳದ ಚಿಕ್ಕಣ್ಣ ಅವರ ಸೋದರತ್ತೆ ಮಗಳಾದ ಜಯಮ್ಮ ಅವರ ಮೇಲೆ 35 ವರ್ಷಗಳ ಹಿಂದೆ ಪ್ರೀತಿ ಚಿಗುರಿತ್ತು. ಆದರೆ ಚಿಕ್ಕಣ್ಣನ ಪ್ರೀತಿಗೆ ಜಯಮ್ಮ ಹಾಗೂ ಕುಟುಂಬಸ್ಥರು ಒಪ್ಪಿರಲಿಲ್ಲ. ಹೀಗಾಗಿ ಜಯಮ್ಮ ಅವರನ್ನು ಬೇರೊಬ್ಬರಿಗೆ ಕೊಟ್ಟು ಮದುವೆ ಮಾಡಲಾಗಿತ್ತು.

ಆದರೆ ಇತ್ತ ಚಿಕ್ಕಣ್ಣ ಯಾರನ್ನು ಮದುವೆಯಾಗದೇ ಜಯಮ್ಮಳಿಗಾಗಿ ಇಷ್ಟು ವರ್ಷಗಳ ಕಾಲ ಕಾದಿದ್ದರು. ಇದೀಗ ಜಯಮ್ಮ ಕಳೆದ ನಾಲ್ಕೈದು ವರ್ಷಗಳಿಂದ ತನ್ನ ಗಂಡನ ಜೊತೆ ಮನಸ್ಥಾಪ ಬಂದ ಕಾರಣ ದೂರ ಉಳಿದಿದ್ದರು. ಇದೀಗ ಹಳೆಯ ಪ್ರಿಯತಮ ಚಿಕ್ಕಣ್ಣ ಅವರ ಪ್ರೀತಿಯನ್ನು ಜಯಮ್ಮ ಒಪ್ಪಿಕೊಂಡಿದ್ದಾರೆ. ಹೀಗಾಗಿ ಇಂದು ಈ ಜೋಡಿ ಮಂಡ್ಯ ಜಿಲ್ಲೆಯ ಪಾಂಡವಪುರ ತಾಲೂಕಿನ ಮೇಲುಕೋಟೆಯಲ್ಲಿ ನವಜೀವನಕ್ಕೆ ಕಾಲಿಟ್ಟಿದೆ. ಇದನ್ನೂ ಓದಿ: ಒಂದೇ ಮುಹೂರ್ತದಲ್ಲಿ ಅಕ್ಕ, ತಂಗಿಯನ್ನ ವರಿಸಿದ ವರ -ವೈರಲ್ ಆಯ್ತು ಮದುವೆ ಫೋಟೋ

ಈ ಮೂಲಕ ಇಷ್ಟು ವರ್ಷಗಳಿಂದ ತಮ್ಮ ಪ್ರಿಯತಮೆಗಾಗಿ ಕಾದಿದ್ದ ಚಿಕ್ಕಣ್ಣನ ಪ್ರೀತಿಗೆ ಜಯ ಸಿಕ್ಕಿದ್ದು, ಪ್ರಿಯತಮೆಯನ್ನು 35 ವರ್ಷಗಳ ಬಳಿಕ ಮದುವೆಯಾದ ಚಿಕ್ಕಣ್ಣನ ಸಂತಸಕ್ಕೆ ಪಾರವೇ ಇರಲಿಲ್ಲ. ಇದನ್ನೂ ಓದಿ: ಆಫ್ರಿಕಾದಿಂದ ಬಂದವರಲ್ಲಿ, ಬೆಂಗಳೂರಿಂದ ಎಲ್ಲೂ ಹೋಗದವರಲ್ಲಿ ಕಾಣಿಸಿತು ಒಮಿಕ್ರಾನ್!

Leave a Reply

Your email address will not be published. Required fields are marked *

Back to top button