ಬಿಟೌನ್ ನಲ್ಲಿ ಅತೀ ಹೆಚ್ಚು ಸುದ್ದಿ ಆಗುವ ನಟಿ ರಾಷ್ಟ್ರ ಪ್ರಶಸ್ತಿ ವಿಜೇತೆ ಕಂಗನಾ ರಣಾವತ್. ಮೊನ್ನೆಯಷ್ಟೇ ಯಶಸ್ವಿಯಾಗಿ ‘ಲಾಕ್ ಅಪ್’ ರಿಯಾಲಿಟಿ ಶೋ ಮುಗಿಸಿರುವ ಅವರು ಸದ್ಯ ‘ಧಾಕಡ್’ ಸಿನಿಮಾ ರಿಲೀಸ್ ಆಗುತ್ತಿರುವುದರಿಂದ ಅದರ ಪ್ರಚಾರ ಕಾರ್ಯದಲ್ಲಿ ತೊಡಗಿದ್ದಾರೆ. ಈ ಸಮಯದಲ್ಲಿ ಕೇಳಲಾದ ಪ್ರಶ್ನೆಯೊಂದಕ್ಕೆ ಅವರು ನೇರವಾಗಿಯೇ ಉತ್ತರಿಸಿ ಕಂಗನಾ ಏನು ಅನ್ನುವುದನ್ನು ತೋರಿಸಿದ್ದಾರೆ. ಇದನ್ನೂ ಓದಿ : ವಿಜಯ್ ದೇವರಕೊಂಡ ಹೊಸ ಗರ್ಲ್ ಫ್ರೆಂಡ್ ಅನನ್ಯ ಪಾಂಡೆ? : ಮುನಿಸಿಕೊಂಡ್ರಾ ರಶ್ಮಿಕಾ ಮಂದಣ್ಣ
ಧಾಕಡ್ ಸಿನಿಮಾದಲ್ಲಿ ಕಂಗನಾ ಹೊಸ ಬಗೆಯ ಪಾತ್ರ ಮಾಡಿದ್ದಾರೆ. ಅದೊಂದು ರೀತಿಯಲ್ಲಿ ರಗಡ್ ವ್ಯಕ್ತಿತ್ವ ಇರುವಂತಹ ಪಾತ್ರವಾಗಿದೆ. ಹುಡುಗರನ್ನು ಹೊಡೆಯುವುದು, ಚುಡಾಯಿಸುವಂತಹ ಕ್ಯಾರೆಕ್ಟರ್ ಅದಾಗಿದೆಯಂತೆ. ಹಾಗಾಗಿಯೇ ಪತ್ರಕರ್ತರೊಬ್ಬರು ಪತ್ರಿಕಾಗೋಷ್ಠಿಯಲ್ಲಿ ನೇರವಾಗಿಯೇ ಕಂಗನಾಗೆ ಪ್ರಶ್ನೆ ಮಾಡಿದ್ದಾರೆ. ತುಸು ಸಿಡುಕಿನ ವ್ಯಕ್ತಿತ್ವದ ನಟಿ, ಅಷ್ಟೇ ಬೋಲ್ಡ್ ಆಗಿಯೇ ಪ್ರಶ್ನೆಗೆ ಉತ್ತರಿಸಿದ್ದಾರೆ. ಇದನ್ನೂ ಓದಿ : ಕಾಂಗ್ರೆಸ್ನಿಂದಲೇ ಟ್ರೋಲ್ಗೆ ಕರೆ – ನನ್ನನ್ನು ನಾನೇ ಟ್ರೋಲ್ ಮಾಡ್ಕೋತಿನಿ ಎಂದ ರಮ್ಯಾ
ಕಂಗನಾ ರಣಾವತ್ ಕ್ಯಾಮೆರಾಗೆ ಎದುರುಗೊಂಡಾಗೊಮ್ಮೆ ಪತ್ರಕರ್ತರು ಕೇಳುವ ಮೊದಲ ಪ್ರಶ್ನೆ ನೀವ್ಯಾಕೆ ಇನ್ನೂ ಮದುವೆ ಆಗಿಲ್ಲ ಎನ್ನುವುದೇ ಆಗಿರುತ್ತದೆ. ಸಿನಿಮಾ ಪ್ರಚಾರದ ಪತ್ರಿಕಾಗೋಷ್ಠಿಯಲ್ಲೂ ಅಂಥದ್ದೊಂದು ಪ್ರಶ್ನೆ ಕೇಳಿಬಂತು. ಆದರೆ, ಅದು ಬೇರೆಯ ರೀತಿಯದ್ದೇ ಆಗಿತ್ತು. ಹಾಗಾಗಿ ಕಂಗನಾ ರಣಾವತ್, ಪತ್ರಕರ್ತರ ಮೇಲೆ ಮುಗಿ ಬಿದ್ದರು. ನನ್ನ ಮದುವೆ ಆಗದೇ ಇರುವುದಕ್ಕೆ ಕಾರಣ ನೀವೇ ಎಂದು ಮಾಧ್ಯಮದವರ ಮೇಲೆ ಗೂಬೆ ಕೂರಿಸಿದರು. ಇದನ್ನೂ ಓದಿ : ದಿ ಕಾಶ್ಮೀರ್ ಫೈಲ್ಸ್ ವಿವಾದ : ಶಶಿ ತರೂರು ಮತ್ತು ಅನುಪಮ್ ಖೇರ್ ಜಟಾಪಟಿ
ಪತ್ರಿಕಾಗೋಷ್ಠಿಯಲ್ಲಿ ‘ಮೇಡಂ, ಧಾಕಡ್ ಸಿನಿಮಾದ ನಿಮ್ಮ ಪಾತ್ರಕ್ಕೂ ಮತ್ತು ನಿಮ್ಮ ನಿಜ ಜೀವನಕ್ಕೂ ಹೋಲಿಕೆ ಆಗುತ್ತಿದೆ ಎಂದು ಅನಿಸುತ್ತಿದೆಯಾ?’ ಎಂದು ಕೇಳಿ ಬಂದ ಪ್ರಶ್ನೆಗೆ, ‘ನಾನು ಯಾವ ಹುಡುಗರನ್ನೂ ಹೊಡೆಯುವುದಿಲ್ಲ. ನಾನು ಹುಡುಗರನ್ನು ಹೊಡೆಯುತ್ತೇನೆ. ಹುಡುಗರನ್ನು ಕಂಡರೆ ಈಕೆ ಆಗಲ್ಲ ಅಂತೆಲ್ಲ ಗಾಸಿಪ್ ಹಬ್ಬಿಸಿದರು. ಈ ಕಾರಣಕ್ಕಾಗಿ ನನ್ನ ಮದುವೆಯೇ ಆಗಲಿಲ್ಲ’ ಎಂದು ದಿಟ್ಟ ಉತ್ತರವನ್ನು ನೀಡಿದರು. ಇದನ್ನೂ ಓದಿ : ಮಗುವಿಗಾಗಿ ಪ್ಲ್ಯಾನ್ ಮಾಡಿದ್ದಾರಂತೆ ದೀಪಿಕಾ ಪಡುಕೋಣೆ, ರಣವೀರ್ ಸಿಂಗ್
ಹುಡುಗರನ್ನು ಕಂಡರೆ ಕಂಗನಾಗೆ ತುಂಬಾ ಗೌರವವಂತೆ. ಯಾವತ್ತೂ ಅವರು ಬೇರೆಯವರ ಜೊತೆ ಒರಟಾಗಿ ನಡೆದುಕೊಂಡಿಲ್ಲವಂತೆ. ಆದರೂ, ಕಂಗನಾ ಮೇಲೆ ಸಲ್ಲದ ಆರೋಪಗಳನ್ನು ಹೊರಿಸುತ್ತಲೇ ಇರುತ್ತಾರೆ ಎಂದು ಬೇಸರಿಸಿಕೊಂಡಿದ್ದಾರೆ ಕಂಗನಾ.
