ಇಟಾನಗರ: ಬಾಲಿವುಡ್ ನಟ ವಿಕ್ಕಿ ಕೌಶಾಲ್ ಯೋಧರಿಗಾಗಿ ಚಪಾತಿ ಮಾಡಿಕೊಟ್ಟು ಅವರ ಜೊತೆ ಕಾಲ ಕಳೆದಿದ್ದಾರೆ.
ವಿಕ್ಕಿ ಅರುಣಾಚಲ ಪ್ರದೇಶದಲ್ಲಿರುವ ತವಾಂಗ್ನ ಇಂಡೋ-ಚೀನಾ ಬಾರ್ಡರ್ ಗೆ ಭೇಟಿ ನೀಡಿದ್ದರು. ಈ ವೇಳೆ ಅವರು ಯೋಧರಿಗಾಗಿ ಚಪಾತಿ ಮಾಡುತ್ತಿರುವ ಫೋಟೋವನ್ನು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಾಕಿ ಅದಕ್ಕೆ, “ಮೊದಲ ಬಾರಿಗೆ ಚಪಾತಿ ಮಾಡುತ್ತಿದ್ದೇನೆ. ಅದು ಸೇನೆಗಾಗಿ ಮಾಡುತ್ತಿರುವುದು ಖುಷಿ ಇದೆ” ಎಂದು ಪೋಸ್ಟ್ ಮಾಡಿದ್ದಾರೆ.
ಗುರುವಾರ ವಿಕ್ಕಿ ಕೌಶಾಲ್ ಯೋಧರ ಜೊತೆ ಕ್ಲಿಕ್ಕಿಸಿಕೊಂಡ ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ಹಾಕಿ ತವಾಂಗ್ಗೆ ಆಗಮಿಸುತ್ತಿರುವ ಬಗ್ಗೆ ಮಾಹಿತಿ ನೀಡಿದ್ದರು. ಸದ್ಯ ವಿಕ್ಕಿ ಚಪಾತಿ ಮಾಡುತ್ತಿರುವ ಫೋಟೋ ನೋಡಿ ‘ಪರ್ಫೆಕ್ಟ್ ಪತಿ’, ‘ನನ್ನನ್ನು ಮದುವೆಯಾಗಿ’ ಎಂದು ಕಮೆಂಟ್ ಮಾಡುತ್ತಿದ್ದಾರೆ.
ಕೊನೆಯದಾಗಿ ವಿಕ್ಕಿ ಕೌಶಾಲ್ ‘ಉರಿ- ದಿ ಸರ್ಜಿಕಲ್ ಸ್ಟೈಕ್’ ಚಿತ್ರದಲ್ಲಿ ನಟಿಸಿದ್ದರು. ಈಗ ಅವರು ಭಾರತೀಯ ಸೇನೆಯ ಮೇಜರ್ ವಿಹಾನ್ ಸಿಂಗ್ ಶೇರ್ಗಿಲ್ ಅವರ ಜೀವನಚರಿತ್ರೆಯಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಯಾಮಿ ಗೌತಮ್, ಪರೇಶ್ ರವಲ್ ಹಾಗೂ ಮೋಹಿತ್ ರೈನಾ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ.
