ಭುವನ ಸುಂದರಿ ಆಗುವುದು ಸಾಮಾನ್ಯ ಮಾತಲ್ಲ. ಕೇವಲ ದೇಹಸಿರಿ ಮಾತ್ರವಲ್ಲ, ಅವರ ಬುದ್ದಿಮತ್ತೆಯನ್ನೂ ತೂಕಕ್ಕಿಟ್ಟು ಅಳೆಯಲಾಗುತ್ತದೆ. ಹಾಗಾಗಿ ಭುವನ ಸುಂದರಿಯರು ಏಳು ಮಲ್ಲಿಗೆಯ ತೂಕದವರಾಗಿರುತ್ತಾರೆ. ಸದಾ ಬಳುಕುವ ಬಳ್ಳಿಯಂತೆಯೇ ಇರಬೇಕೆಂದು ಬಯಸುತ್ತಾರೆ. ಇದನ್ನೂ ಓದಿ: ‘ದಿ ಕಾಶ್ಮೀರ್ ಫೈಲ್ಸ್’ ರಿಯಲ್ ಸ್ಟೋರಿ : ಅಕ್ಕಿ ಡ್ರಮ್ ನಲ್ಲಿ ಕೊಲ್ಲಲ್ಪಟ್ಟ ನಿಜವಾದ ಕಾಶ್ಮೀರಿ ಪಂಡಿತ ಇವರು
2021ರ ಭುವನ ಸುಂದರಿ ಹರ್ನಾಜ್ ಸಂಧು ಈ ಹಿಂದೆ ತಮ್ಮ ಸೌಂದರ್ಯದ ಬಗ್ಗೆ ಮಾತನಾಡುತ್ತಾ, ‘ನಾನು ಸೌಂದರ್ಯಕ್ಕೆ ತುಂಬಾ ಮಹತ್ವ ಕೊಡುತ್ತೇನೆ. ಒಂದು ಕೆ.ಜಿ ತೂಕ ಹೆಚ್ಚಾದರೂ ನನಗೆ ಟೆನ್ಷನ್ ಆಗುತ್ತದೆ’ ಎಂದು ಹೇಳಿಕೊಂಡಿದ್ದರು. ಅಷ್ಟರ ಮಟ್ಟಿಗೆ ಅವರಲ್ಲಿ ಬ್ಯುಟಿ ಕಾನ್ಸಿಯಸ್ ಇತ್ತು. ಇದನ್ನೂ ಓದಿ: ರಣಬೀರ್ ಕಪೂರ್ಗೆ ಪತ್ನಿ ಆಗ್ತಾರಾ ನ್ಯಾಷಿನಲ್ ಕ್ರಶ್ ರಶ್ಮಿಕಾ ಮಂದಣ್ಣ?
ಇಂತಹ ಭುವನ ಸುಂದರಿಯು ಇದೀಗ ತೂಕದ ಕಾರಣಕ್ಕಾಗಿ ಟ್ರೋಲ್ ಆಗಿದ್ದಾರೆ. ಮೊನ್ನೆಯಷ್ಟೇ ನಡೆದ ಫ್ಯಾಶನ್ ಶೋನಲ್ಲಿ ಆಕರ್ಷಕ ಉಡುಪು ಧರಿಸಿ ಭಾಗಿಯಾಗಿದ್ದರು. ಶೋ ಸ್ಟಾಪರ್ ಆಗಿ ಗಾಂಭೀರ್ಯದಿಂದ ಹೆಜ್ಜೆ ಹಾಕಿದ್ದರು. ಅವರು ತೊಟ್ಟಿದ್ದ ಕಾಸ್ಟ್ಯೂಮ್ ಎಲ್ಲರ ಗಮನ ಸೆಳೆದಿತ್ತು. ಆದರೆ, ಸೆರೆ ಹಿಡಿಯಲಾಗಿದ್ದ ಫೋಟೋ ಮತ್ತು ವಿಡಿಯೋಗಳು ಸೋಷಿಯಲ್ ಮೀಡಿಯಾಗೆ ಆಹಾರವಾಗಿ ಬಿಟ್ಟವು. ಇವರ ನಡಿಗೆ ಕಂಡ ನೆಟ್ಟಿಗರು ‘ಹರ್ನಾಜ್ ದಪ್ಪಗಾಗಿದ್ದಾರೆ. ಇಷ್ಟೊಂದು ತೂಕ ಏರಿಕೆ ಆಗಲು ಕಾರಣವೇನು? ಸಮಸ್ಯೆ ಏನು’ ಹೀಗೆ ನಾನಾ ರೀತಿಯಲ್ಲಿ ಪ್ರಶ್ನೆಗಳನ್ನು ಮಾಡಿದ್ದಾರೆ. ಇದನ್ನೂ ಓದಿ: ರಶ್ಮಿಕಾ ವೀಡಿಯೋ ನೋಡಿ ಸುಸ್ತಾದ ಅಭಿಮಾನಿಗಳು – ಕೊಡಗಿನ ಬೆಡಗಿಯ ಜಿಮ್ ಕಸರತ್ತು
ಆದರೆ, ಹರ್ನಾಜ್ ಈ ಬಗ್ಗೆ ಯಾವುದೇ ಪತ್ರಿಕ್ರಿಯೆಯನ್ನೂ ನೀಡಿಲ್ಲ. ವಿಡಿಯೋ ಮತ್ತು ಫೋಟೋಗಳು ವೈರಲ್ ಆಗಿದ್ದು ಅವರ ಗಮನಕ್ಕೂ ಬಂದಿದ್ದರೂ, ತಣ್ಣಗೆ ನಕ್ಕು ಸುಮ್ಮನಾಗಿದ್ದಾರೆ. ಅವರು ಸುಮ್ಮನಿದ್ದರೂ, ನೆಟ್ಟಿಗರು ಮಾತ್ರ ಪ್ರಶ್ನೆ ಮೇಲೆ ಪ್ರಶ್ನೆ ಮಾಡುವುದರ ಮೂಲಕ ಅವರನ್ನು ಟ್ರೋಲ್ ಮಾಡಿ, ಕಾಲೆಳೆಯುತ್ತಿದ್ದಾರೆ.