ಟಿ20 ವಿಶ್ವಕಪ್ ಆಯ್ಕೆಗೆ ಇನ್ನೊಂದು ಚಾನ್ಸ್ ಕಲ್ಪಿಸಿಕೊಡಬಹುದು ಐಪಿಎಲ್?

ದುಬೈ: ಈಗಾಗಲೇ ಅಕ್ಟೋಬರ್ ನವೆಂಬರ್‌ನಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್‍ಗೆ ಭಾರತ ತಂಡವನ್ನು ಆಯ್ಕ ಮಾಡಲಾಗಿದೆ. ಆದರೂ ಕೂಡ ಐಪಿಎಲ್‍ನಲ್ಲಿ ಮಿಂಚಿದರೆ ಇನ್ನೊಂದು ಅವಕಾಶ ಕೂಡಿ ಬರಬಹುದು? ಹೇಗೆ ಅಂತೀರಾ ಮುಂದೆ ಓದಿ.

ಈಗಾಗಲೇ ದುಬೈನಲ್ಲಿ 14ನೇ ಆವೃತ್ತಿ ಐಪಿಎಲ್ ಸೆಕೆಂಡ್ ಇನ್ನಿಂಗ್ಸ್ ಆರಂಭಗೊಂಡಿದೆ. ಐಪಿಎಲ್ ಮುಗಿದ ತಕ್ಷಣ ಇದೇ ಮೈದಾನದಲ್ಲಿ ಚುಟುಕು ಸಮರ ಟಿ20 ವಿಶ್ವಕಪ್ ನಡೆಯಲಿದೆ. ಈಗಾಗಲೇ ಎಲ್ಲಾ ದೇಶಗಳು ಕೂಡ ತಂಡವನ್ನು ಪ್ರಕಟಿಸಿದೆ. ಭಾರತ ಕೂಡ 15 ಸದಸ್ಯರ ತಂಡವನ್ನು ಪ್ರಕಟಿಸಿದೆ. ಆದರೆ ಕೆಲ ಪ್ರತಿಭಾನ್ವಿತ ಆಟಗಾರರಿಗೆ ತಂಡದಲ್ಲಿ ಸ್ಥಾನ ಸಿಕ್ಕಿಲ್ಲ. ಇದೀಗ ಐಪಿಎಲ್‍ನಿಂದಾಗಿ ಅವರಿಗೆ ಇನ್ನೊಂದು ಅವಕಾಶ ಸಿಕ್ಕರೂ ಸಿಗಬಹುದು. ಹೌದು ಆಟಗಾರರು 2 ತಿಂಗಳ ಕಾಲ ಐಪಿಎಲ್‍ನಲ್ಲಿ ಆಡುತ್ತಿದ್ದಾರೆ. ಈ ಸಂದರ್ಭ ಆಟಗಾರರು ಗಾಯಲುವಾದರೆ ಆಗ ಐಪಿಎಲ್ ಪ್ರದರ್ಶನ ನೋಡಿ ಬದಲಿ ಆಟಗಾರರ ಆಯ್ಕೆಗೆ ಅವಕಾಶ ಬರಬಹುದು. ಇದನ್ನೂ ಓದಿ: ಕೋಲ್ಕತ್ತಾಗೆ 7 ವಿಕೆಟ್‍ಗಳ ಭರ್ಜರಿ ಜಯ – 4ನೇ ಸ್ಥಾನಕ್ಕೆ ಜಿಗಿತ

ಟೀಂ ಇಂಡಿಯಾ ಟಿ20 ವಿಶ್ವಕಪ್‍ಗೆ ತಂಡ ಪ್ರಕಟಗೊಂಡಿದೆ. ಆದರೂ ಆಯ್ಕೆಗೊಂಡಿಲ್ಲ ಎಂದವರಿಗೆ ಅವಕಾಶ ಮಾತ್ರ ಕೊನೆಯಾಗಿಲ್ಲ. ಹಾಗಾಗಿ ಈ ಬಾರಿಯ ಐಪಿಎಲ್ ಪ್ರಮುಖವಾಗಿದೆ. ಪ್ರತಿಷ್ಠಿತ ಟೂರ್ನಿಯಲ್ಲಿ ಭಾಗವಹಿಸುವಾಗ ಪ್ರತಿಯೊಬ್ಬ ಆಟಗಾರ ಕೂಡ ಪೂರ್ಣ ಪ್ರಮಾಣದಲ್ಲಿ ಫಿಟ್ ಆಗಿ ಭಾಗವಹಿಸುವುದು ಮುಖ್ಯ. ಹಾಗಾಗಿ, ಐಪಿಎಲ್‍ನಲ್ಲಿ ಒಂದು ವೇಳೆ ಟಿ20 ತಂಡಕ್ಕೆ ಆಯ್ಕೆ ಆದ ಆಟಗಾರ ಗಾಯಗೊಂಡರೆ ಆತನ ಬದಲಿಗೆ ಆಟಗಾರರ ಆಯ್ಕೆ ತೆರೆದುಕೊಳ್ಳುತ್ತದೆ. ಆಗ ಐಪಿಎಲ್‍ನ ಪ್ರದರ್ಶನ ಮುಖ್ಯವೆನಿಸುವುದರಲ್ಲಿ ಅನುಮಾನವಿಲ್ಲ. ಇದನ್ನೂ ಓದಿ: ಆರ್​ಸಿಬಿ ಕ್ಯಾಪ್ಟನ್ ರೇಸ್‍ನಲ್ಲಿ ಕನ್ನಡಿಗ ದೇವದತ್ ಪಡಿಕ್ಕಲ್