ನವದೆಹಲಿ: ಸನ್ನಿ ಲಿಯೋನ್ ಹಾಗೂ ಆಕೆಯ ಪತಿ ವೆಬರ್ ಹೆಣ್ಣು ಮಗುವೊಂದನ್ನು ದತ್ತು ಪಡೆದಿದ್ದಾರೆ. 21 ತಿಂಗಳ ಪುಟ್ಟ ಮಗು ನಿಶಾ ಈಗ ಸನ್ನಿ ಹಾಗೂ ವೆಬರ್ ದಂಪತಿ ಮನೆಗೆ ಹೊಸ ಸದಸ್ಯಳಾಗಿದ್ದಾಳೆ.
ಮಗುವಿಗೆ ನಿಶಾ ಕೌರ್ ವೆಬರ್ ಎಂದು ಹೆಸರಿಡಲಾಗಿದೆ. ಮೊದಲಿಗೆ ನಟಿ ಶೆರ್ಲಿನ್ ಚೋಪ್ರಾ ಈ ವಿಷಯವನ್ನ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡು ಸನ್ನಿ ದಂಪತಿಗೆ ಶುಭ ಹಾರೈಸಿದ್ರು. ಸನ್ನಿ ಕೂಡ ಇದಕ್ಕೆ ಪ್ರತಿಕ್ರಿಯಿಸಿ ಧನ್ಯವಾದ ಅಂದ್ರು. ಸನ್ನಿ ಲಿಯೋನ್ ಹಾಗೂ ಡೇನಿಯಲ್ ವೆಬರ್ 2011ರಲ್ಲಿ ವಿವಾಹವಾಗಿದ್ದು ನಿಶಾ ಇವರ ಮೊದಲ ಮಗುವಾಗಿದೆ.
ಮಹಾರಾಷ್ಟ್ರದ ಲಾತೂರ್ನಲ್ಲಿರೋ ಅನಾಥಾಶ್ರಮವೊಂದಕ್ಕೆ ಸನ್ನಿ ದಂಪತಿ 2 ವರ್ಷಗಳ ಹಿಂದೆ ಭೇಟಿ ನೀಡಿದ್ದರು. ಈ ವೇಳೆ ಮಗುವನ್ನ ದತ್ತು ಪಡೆಯಲು ಅರ್ಜಿ ಸಲ್ಲಿಸಿದ್ದರು. ನಾನು ಮಗುವೊಂದನ್ನ ದತ್ತು ಪಡೆಯುವ ಬಗ್ಗೆ ಯಾವತ್ತೂ ಯೋಚಿಸಿರಲಿಲ್ಲ. ಆದ್ರೆ ಅನಾಥಾಶ್ರಮಗಳಲ್ಲಿ ಜನರು ಮಾಡುತ್ತಿರುವ ಕೆಲಸ ಕಂಡು ನನ್ನ ಮನಸ್ಸು ಬದಲಾಯಿತು ಎಂದು ಸನ್ನಿ ಪತಿ ಡೇನಿಯಲ್ ವೆಬರ್ ಹೇಳಿದ್ದಾರೆ. ಮಗುವಿನ ಮೂಲ ಹೆಸರು ನಿಶಾ ಆಗಿದ್ದು, ನಾವು ಅದನ್ನು ಬದಲಾಯಿಸದಿರಲು ನಿರ್ಧರಿಸಿದೆವು ಎಂದು ಸನ್ನಿ ಹೇಳಿದ್ದಾರೆ.
ಸನ್ನಿ ಲಿಯೋನ್ 2012ರಲ್ಲಿ ಜಿಸ್ಮ್ 2 ಚಿತ್ರದ ಮೂಲಕ ಬಾಲಿವುಡ್ಗೆ ಎಂಟ್ರಿ ನೀಡಿದ್ರು. ನಂತರ ರಾಗಿಣಿ ಎಮ್ಎಮ್ಎಸ್-2, ಏಕ್ ಪಹೇಲಿ ಲೀಲಾ ಹಾಗೂ ಮಸ್ತಿಝಾದೆ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇತ್ತೀಚೆಗೆ ಶಾರೂಖ್ ಖಾನ್ ಅಭಿನಯದ ರಯೀಸ್ ಚಿತ್ರದಲ್ಲಿ ಸನ್ನಿ ಲೈಲಾ ಮೈ ಮೈಲಾ ಹಾಡಿಗೆ ಹೆಜ್ಜೆ ಹಾಕಿದ್ರು. ಸನ್ನಿಯ ಮುಂಬರುವ ಚಿತ್ರ ಬಾದ್ಶಾಹೋ ಮತ್ತು ತೇರಾ ಇಂತಿಜಾರ್. ಹಾಗೆ ಸನ್ನಿ ಶೀಘ್ರದಲ್ಲೇ ಸ್ಪ್ಲಿಟ್ಸ್ವಿಲ್ಲಾ ಎಂಬ ರಿಯಾಲಿಟಿ ಶೋವೊಂದನ್ನ ನಡೆಸಿಕೊಡಲಿದ್ದಾರೆ.
So #happy for @sunnyleone and #danielweber who have welcomed into their lives a little #angel ,… https://t.co/BNtSkp95Ij
— Sherlyn Chopra (शर्लिन चोपड़ा)???????? (@SherlynChopra) July 20, 2017
Thank you so much! So sweet of you! https://t.co/YjCwhm5UZl
— Sunny Leone (@SunnyLeone) July 20, 2017