ಕೇಪ್‍ಟೌನ್: ನನ್ನ ತಂಗಿಯ ಜೊತೆ ಮಲಗಿದ್ದಕ್ಕೆ ಆತನನ್ನು ತಂಡದಿಂದ ಹೊರಗಿಟ್ಟೆ ಎಂದು ದಕ್ಷಿಣ ಆಫ್ರಿಕಾ ತಂಡದ ನಾಯಕ ಫಾಫ್ ಡುಪ್ಲೆಸಿಸ್ ಹೇಳಿದ್ದಾರೆ.
ಸೌತ್ ಆಫ್ರಿಕಾದಲ್ಲಿ ನಡೆಯುತ್ತಿರುವ ಎಂಝಾಂಸಿ ಸೂಪರ್ ಲೀಗ್ (ಎಂಎಸ್‍ಎಲ್)ನಲ್ಲಿ ಪಾರ್ಲ್ ರಾಕ್ಸ್ ತಂಡದ ನಾಯಕನಗಿರುವ ಫಾಫ್ ಡುಪ್ಲೆಸಿಸ್ ಅವರು, ರಾಕ್ಸ್ ತಂಡದ ಆಟಗಾರ ಹರ್ಡಸ್ ವಿಲ್ಜೋಯೆನ್ ಅವರನ್ನು ಆಡವ 11ರ ಬಳಗದಿಂದ ಕೈ ಬಿಟ್ಟದ್ದು ಯಾಕೆ ಎಂದು ಕೇಳಿದಾಗ ಆತ ನನ್ನ ತಂಗಿಯ ಜೊತೆ ಮಲಗಿದ್ದ ಅದಕ್ಕೆ ತಂಡದಿಂದ ಕೈಬಿಟ್ಟೆ ಎಂದು ಹೇಳಿದ್ದಾರೆ.
One change – Viljoen is not playing today because he's lying in bed with my sister as they got married yesterday – Faf du Plessis
????
#MSLT20 #NMBGvPR #PRvNMBG pic.twitter.com/IOlXZEn7nH— FANTASY CRICKET TIPS ???? (@FantasyCricTeam) December 8, 2019
ಪಾರ್ಲ್ ರಾಕ್ಸ್ ಮತ್ತು ನೆಲ್ಸನ್ ಮಂಡೇಲಾ ಬೇ ಜೈಂಟ್ಸ್ ನಡುವೆ ಭಾನುವಾರ ನಡೆದ ಪಂದ್ಯದ ಟಾಸ್ ವೇಳೆ, ಟಾಸ್ ಸೋತ ನಂತರ ಮಾತನಾಡಿದ್ದ ಫಾಫ್ ಡುಪ್ಲೆಸಿಸ್ ಅವರು ಅಡುವ 11ರ ಬಳಗದಲ್ಲಿ ಹರ್ಡಸ್ ವಿಲ್ಜೋಯೆನ್ ಯಾಕೆ ಕೈಬಿಟ್ಟಿದ್ದೀರ ಎಂದು ಕೇಳಿದಾಗ, ಆತ ನಿನ್ನೆ ನನ್ನ ತಂಗಿಯ ಜೊತೆ ಬೆಡ್ ಮೇಲೆ ಮಲಗಿದ್ದ ಅದಕ್ಕೆ ನಾನು ಅವನನ್ನು ಆಡುವ 11ರ ಬಳಗದಿಂದ ಕೈಬಿಟ್ಟೆ ಎಂದು ತಿಳಿಸಿದ್ದಾರೆ.
ಅಸಲಿಗೆ ಫಾಫ್ ಡು ಪ್ಲೆಸ್ಸಿಸ್ ಅವರು ಈ ರೀತಿ ಹೇಳಲು ಒಂದು ಕಾರಣ ಕೂಡ ಇದೆ. ಯಾಕೆಂದರೆ ಹರ್ಡಸ್ ವಿಲ್ಜೋಯೆನ್ ಅವರು 2019ರ ಏಪ್ರಿಲ್‍ನಲ್ಲಿ ಡುಪ್ಲೆಸಿಸ್ ಅವರ ತಂಗಿ ರೆಮಿ ರೈನ್ನರ್ಸ್ ಅವರ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಈ ಜೋಡಿಗೆ ಕಳೆದ ಶನಿವಾರ ವಿವಾಹವಾಗಿದೆ. ಈ ಕಾರಣದಿಂದ ಫಾಫ್ ಡುಪ್ಲೆಸ್ಸಿಸ್ ಅವರು ವ್ಯಂಗ್ಯವಾಗಿ ಈ ರೀತಿಯ ಹೇಳಿಕೆ ನೀಡಿದ್ದಾರೆ.
Viljoen di wedding! ????
Best wishes on this wonderful journey @Hardus_Vilj and Rhemi Rynners, as you build your new innings together ♥
????: @faf1307 pic.twitter.com/U9Jn1g57OC
— Punjab Kings (@PunjabKingsIPL) December 8, 2019
ಹರ್ಡಸ್ ವಿಲ್ಜೋಯೆನ್ ಅವರು ಬಲಗೈ ವೇಗಿ ಆಗಿದ್ದು, ಇಂಡಿಯಾನ್ ಪ್ರೀಮಿಯರ್ ಲೀಗ್ (ಐಪಿಎಲ್)ನಲ್ಲೂ ಕೂಡ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಪರವಾಗಿ ಆಡುತ್ತಾರೆ. ಸೌತ್ ಆಫ್ರಿಕಾ ಪರ 2016 ರಲ್ಲಿ ಇಂಗ್ಲೆಂಡ್ ವಿರುದ್ಧ ಕೇವಲ ಒಂದು ಟೆಸ್ಟ್ ಪಂದ್ಯವನ್ನು ಅವರು ಆಡಿದ್ದಾರೆ. ಇದನ್ನು ಬಿಟ್ಟರೆ ಪಾಕಿಸ್ತಾನ ಸೂಪರ್ ಲೀಗ್‍ನಲ್ಲೂ ಹರ್ಡಸ್ ವಿಲ್ಜೋಯೆನ್ ಅವರು ಮಿಂಚಿದ್ದರು.
ಹರ್ಡಸ್ ವಿಲ್ಜೋಯೆನ್ ಅವರ ವಿವಾಹಕ್ಕೆ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡವು ಶುಭಕೋರಿದ್ದು, ಜೀವನದಲ್ಲಿ ಹೊಸ ಇನ್ನಿಂಗ್ಸ್ ಅನ್ನು ಆರಂಭಿಸಿದ ಹರ್ಡಸ್ ವಿಲ್ಜೋಯೆನ್ ರೆಮಿ ರೈನ್ನರ್ಸ್ ಅವರಿಗೆ ಶುಭಾಶಯಗಳು ಎಂದು ತಮ್ಮ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಬರೆದುಕೊಂಡಿದೆ.
