ಬಾಗಲಕೋಟೆ: ಜಿಲ್ಲೆಯ ಗುಡೂರ ಎಸ್ಸಿ ಸಿ ಗ್ರಾಮದಲ್ಲಿ ಶ್ರವಣ ಶ್ರಾವಣದ ಪ್ರಯಕ್ತ ಶರಣ ಚರಿತಾಮೃತದ ಮಹಾಮಂಗಲೋತ್ಸವ ಹಾಗೂ ಬಸವಾದಿ ಶಿವಶರಣರ ವಚನ ಗ್ರಂಥಗಳ (Vachana Book) ಅಡ್ಡಪಲ್ಲಕ್ಕಿ (Adda Pallakki) ಮೆರವಣಿಗೆ ಬಹಳ ವಿಜೃಂಭಣೆಯಿಂದ ಜರುಗಿತು.
ಗ್ರಾಮದ ಶ್ರೀವೀರಶೈವ ಸಮಾಜದ ವತಿಯಿಂದ ಹಮ್ಮಿಕೊಂಡಿದ್ದ ಪುರಾಣ ಮಹಾಮಂಗಲೋತ್ಸವ ಹಾಗೂ ಬಸವಾದಿ ಶಿವಶರಣರ ವಚನ ಗ್ರಂಥಗಳ ಅಡ್ಡಪಲ್ಲಕ್ಕಿ ಮಹೋತ್ಸವವು ಸರ್ವ ಭಕ್ತರ ಸಮ್ಮುಖದಲ್ಲಿ ನೆರವೇರಿಸಲಾಯಿತು. ಸಂಪ್ರದಾಯಿಕ ಪೂಜಾ ವಿಧಾನಗಳ ನಂತರ ಅಡ್ಡಪಲ್ಲಕ್ಕಿ ಮೆರವಣಿಗೆ ಸಾಗಿತು. ಇದನ್ನೂ ಓದಿ: ಎನ್‌ಡಿಎ ಕೂಟ ಸೇರಿದ ಜೆಡಿಎಸ್‌ – ದೋಸ್ತಿ ಲೆಕ್ಕಾಚಾರ ಏನು? ಸೀಟ್ ಹಂಚಿಕೆ ಸೂತ್ರ ಏನು?
Advertisement
Advertisement
ಜಗದ್ಗುರು ಮೈಸೂರು ವಿಜಯಮಹಾಂತೇಶ್ವರ ಕೃಪಾಪೋಷಿತ ರೋಣದ ಸಂಗನಬಸವ ಅನುಭವ ಮಂಟಪದಿಂದ ಹೊರಟ ಮೆರವಣಿಗೆ ಅಕ್ಕಮಹಾದೇವಿ ದೇವಾಲಯಕ್ಕೆ ಬಂದು ನಂತರ ಮೈಸೂರು ವಿಜಯಮಹಾಂತ ಮಹಾಸ್ವಾಮಿಗಳವರ ದಿವ್ಯ ಸಾನಿಧ್ಯದಲ್ಲಿ ಪ್ರಾರಂಭವಾದ ಮರವಣಿಗೆ ಬಸ್ ನಿಲ್ದಾಣ, ಹುಲ್ಲೇಶ್ವರ ದೇವಾಲಯ, ಹುಂಚಿ ಕಟ್ಟಿ, ವಿಜಯ ಮಹಾಂತೇಶ ಬ್ಯಾಂಕ್, ಕಾಯಿಪಲ್ಯ ಮಾರುಕಟ್ಟೆ, ಪ್ಯಾಟಿ ಬಸವೇಶ್ವರ ದೇವಾಲಯದ ಮಾರ್ಗವಾಗಿ ಸಂಗನಬಸವ ಅನುಭಾವ ಮಂಟಪ ತಲುಪಿತು.
Advertisement
ವ್ಯಾಪಾರಸ್ಥರು ತಮ್ಮ ಮಳಿಗೆಗಳಿಗೆ ರಜೆ ಘೋಷಿಸಿ ಪಲ್ಲಕ್ಕಿ ಉತ್ಸವದಲ್ಲಿ ಪಾಲ್ಗೊಂಡಿದ್ದರು. ಮಹಿಳೆಯರ ಡೊಳ್ಳು ಕುಣಿತ, ಭಾಜಾ ಭಜಂತ್ರಿ, ರಾಜೂರಿನ ಕಾಲಕಾಲೇಶ್ವರ ಭಜನಾ ಮಂಡಳಿಯ ಭಜನಾ ನೃತ್ಯವು ಗಮನ ಸೆಳೆಯಿತು.
Advertisement
ಕುಂಭಹೊತ್ತು ಮಹಿಳೆಯರು ಮೆರವಣಿಗೆ ಗೆ ಮತ್ತಷ್ಟು ಮೆರಗು ತಂದರು. ಮೆರವಣಿಗೆ ನಂತರ ಅನ್ನ ಪ್ರಸಾದದ ವ್ಯವಸ್ಥೆಯನ್ನು ಮಾಡಲಾಗಿತ್ತು. ನಂತರ ಸಂಜೆ ಸಮಯದಲ್ಲಿ ಧರ್ಮಸಭೆ, ಪುರಾಣ ಮಹಾಮಂಗಲೋತ್ಸವ ದಾಸೋಹಿಗಳಿಗೆ ಸನ್ಮಾನ, ಶರಣರ ವಚನ ಕಂಠಪಾಠ ಸ್ಪರ್ಧೆಯ ವಿಜೇತರಿಗೆ ಬಹುಮಾನ ವಿತರಣೆ ಕಾರ್ಯಕ್ರಮ ಜರುಗಿದವು.
Web Stories
