ಅಮಿರ್ ಖಾನ್ ಸಿನಿಮಾದಲ್ಲಿ ಪ್ರಭಾಸ್!

ಮುಂಬೈ: ಎರಡು ವರ್ಷಗಳ ಹಿಂದೆ ತೆರೆಕಂಡಿದ್ದ ಬಾಹುಬಲಿ ಚಿತ್ರ ಭಾರತೀಯ ಸಿನಿರಂಗದಲ್ಲಿ ಹಲವು ದಾಖಲೆಗಳನ್ನು ಬರೆದಿತ್ತು. ಬಾಹುಬಲಿಯ ಸಕ್ಸಸ್ ಬಳಿ ನಟ ಪ್ರಭಾಸ್ ಗೆ ಬಾಲಿವುಡ್ ನಿಂದ ಹಲವು ಆಫರ್ ಗಳು ಸಹ ಬಂದಿದ್ದವು. ಕಥೆಗೆ ಮೊದಲ ಪ್ರಾಧನ್ಯತೆ ನೀಡುವ ಪ್ರಬಾಸ್ ಇದೂವರೆಗೂ ಬಾಲಿವುಡ್ ಯಾವ ಸಿನಿಮಾಗಳನ್ನು ಒಪ್ಪಿಕೊಂಡಿಲ್ಲ. ಆದ್ರೆ ಬಾಲಿವುಡ್ ಅಂಗಳದಲ್ಲಿ ತಾಜಾ ಸುದ್ದಿಯೊಂದು ಹರಿದಾಡುತ್ತಿದ್ದು, ಅಮಿರ್ ಖಾನ್ ನಿರ್ಮಾಣದ ‘ಮಹಾಭಾರತ’ ಬಿಗ್ ಬಜೆಟ್ ಚಿತ್ರದಲ್ಲಿ ಪ್ರಭಾಸ್ ನಟಿಸಲಿದ್ದಾರಂತೆ.

ಈ ಬಗ್ಗೆ ಅಮಿರ್ ಖಾನ್ ಅಥವಾ ಪ್ರಭಾಸ್ ಅಧಿಕೃತವಾಗಿ ಎಲ್ಲಿಯೂ ಹೇಳಿಕೊಂಡಿಲ್ಲ. ‘ಮಹಾಭಾರತ’ ಒಟ್ಟು ಐದು ಭಾಗಗಳಲ್ಲಿ ಬಿಡುಗಡೆ ಆಗಲಿದ್ದು, ಪ್ರಭಾಸ್ ಗೆ ಚಿತ್ರದ ಪ್ರಮುಖ ಪಾತ್ರದಲ್ಲಿ ನಟಿಸಲು ಅಮಿರ್ ಖಾನ್ ಆಹ್ವಾನ ನೀಡಿದ್ದಾರೆ ಎನ್ನಲಾಗುತ್ತಿದೆ. ಒಟ್ಟು 1000 ಕೋಟಿ ರೂ. ಬಂಡವಾಳದಲ್ಲಿ ಸಿನಿಮಾ ನಿರ್ಮಾಣವಾಗಲಿದೆ. ಈಗಾಗಲೇ ಚಿತ್ರತಂಡ ಕಲಾವಿದರನ್ನು ಆಯ್ಕೆ ಮಾಡಿಕೊಳ್ಳಲಾರಂಭಿಸಿದ್ದು ಮತ್ತು ವಿಶೇಷ ಪಾತ್ರಗಳಿಗಾಗಿ ಆಡಿಷನ್ ಕೂಡ ನಡೆಸಲಾಗುತ್ತಿದೆ.

ಸದ್ಯ ಅಮಿರ್ ಖಾನ್ ‘ಥಗ್ಸ್ ಆಫ್ ಹಿಂದೋಸ್ತಾನ್’ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಇತ್ತ ಪ್ರಭಾಸ್ ಸಹ ‘ಸಾಹೋ’ ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯೂಸಿ ಆಗಿದ್ದಾರೆ. ಥಗ್ಸ್ ಆಫ್ ಹಿಂದೋಸ್ತಾನ್ ಚಿತ್ರದ ಬಳಿಕವೇ ಅಮಿರ್ ಖಾನ್ ‘ಮಹಾಭಾರತ’ದತ್ತ ಮುಖ ಮಾಡಲಿದ್ದಾರೆ. ಮಹಾಭಾರತದ ಎಲ್ಲರಿಗೂ ಗೊತ್ತಿರುವ ಕಥೆ. ಹಾಗಾಗಿ ಹೊಸತನ ರೂಪದಲ್ಲಿ ಚಿತ್ರವನ್ನು ಪ್ರೇಕ್ಷಕರ ಮುಂದಿಡಲು ಅಮಿರ್ ಪ್ಲಾನ್ ಮಾಡ್ತಿದ್ದಾರೆ.

2018ರ ಆರಂಭದಲ್ಲಿಯೇ ‘ಮಹಾಭಾರತ’ ಚಿತ್ರದ ಫೋಟೋ ಶೂಟ್ ನಡೆಯಬೇಕಿತ್ತು. ಆ ವೇಳೆ ದೀಪಿಕಾ ಪಡುಕೋಣೆ ಅಭಿನಯದ ‘ಪದ್ಮಾವತ್’ ಸಾಕಷ್ಟು ವಿವಾದವಾಗಿತ್ತು. ಈ ಹಿನ್ನೆಲೆಯಲ್ಲಿ ಮೂಲ ಕಥೆಗೆ ಯಾವುದೇ ಧಕ್ಕೆ ತರದಂತೆ ಸಿನಿಮಾ ನಿರ್ಮಿಸಲಾಗ್ತಿದೆ ಎಂದು ಹೇಳಲಾಗಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv