ಬೆಂಗಳೂರು: ಇಂಪ್ಯಾಕ್ಟ್ ಪ್ಲೇಯರ್ಗಳ ಜೇಕಬ್ ಡಫಿ ಅವರ ಭರ್ಜರಿ ಬೌಲಿಂಗ್ ನಂತರ ದೇವದತ್ ಪಡಿಕ್ಕಲ್ ಅವರ ಸ್ಫೋಟಕ ಆಟ, ಕೊನೆಯಲ್ಲಿ ವಿರಾಟ್ ಕೊಹ್ಲಿ ಅವರ `ಚಿನ್ನʼದ ಆಟದ ನೆರವಿನಿಂದ ಸನ್ ರೈಸರ್ಸ್ ಹೈದರಾಬಾದ್ (SRH) ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) 6 ವಿಕೆಟ್ಗಳ ಜಯ ಸಾಧಿಸಿ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ.
ಟಾಸ್ ಸೋತು ಮೊದಲು ಬ್ಯಾಟ್ ಬೀಸಿದ ಹೈದರಾಬಾದ್ 9 ವಿಕೆಟ್ ನಷ್ಟಕ್ಕೆ 201 ರನ್ ಗಳಿಸಿತು. ಸವಾಲಿನ ಮೊತ್ತವನ್ನು ಬೆನ್ನಟ್ಟಿದ ಆರ್ಸಿಬಿ 15.4 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 203 ರನ್ ಹೊಡೆದು ಜಯ ಗಳಿಸಿತು.
ಆರಂಭದಲ್ಲಿ 2 ಬೌಂಡರಿ ಸಿಡಿಸಿ ಫಿಲ್ ಸಾಲ್ಟ್ 8 ರನ್ ಗಳಿಸಿ ಔಟಾದರೂ ಕೊಹ್ಲಿ (Virat Kohli) ಮತ್ತು ದೇವದತ್ ಪಡಿಕ್ಕಲ್ ಬೌಲರ್ಗಳ ಬೆವರಳಿಸಿದರು. ಇವರಿಬ್ಬರು ಎರಡನೇ ವಿಕೆಟಿಗೆ 45 ಎಸೆತಗಳಲ್ಲಿ 101 ರನ್ಗಳ ಜೊತೆಯಾಟವಾಡಿ ಭದ್ರ ಅಡಿಪಾಯ ಹಾಕಿದರು.
Picking up exactly where they left off! ❤️
Defending champions #RCB kick off their #TATAIPL 2026 campaign with a clinical, comprehensive victory over #SRH 👏
Updates ▶️ https://t.co/Eo5z0jh4K4 #KhelBindaas | #RCBvSRH | @RCBTweets pic.twitter.com/q3IAaMP3LK
— IndianPremierLeague (@IPL) March 28, 2026
ಸಿಕ್ಸ್ ಸಿಡಿಸಿ ಖಾತೆ ಆರಂಭಿಸಿದ ಪಡಿಕ್ಕಲ್ (Devdutt Padikkal) ಕೇವಲ 26 ಎಸೆತಗಳಲ್ಲಿ61 ರನ್(7 ಬೌಂಡರಿ, 4 ಸಿಕ್ಸ್) ಹೊಡೆದು ಔಟಾದರು. ನಂತರ ಬಂದ ನಾಯಕ ರಜತ್ ಪಾಟಿದರ್ ನಾನು ಕಡಿಮೆ ಇಲ್ಲ ಎನ್ನುವಂತೆ 12 ಎಸೆತಗಳಲ್ಲಿ 31 ರನ್(2 ಬೌಂಡರಿ, 3 ಸಿಕ್ಸ್) ಹೊಡೆದು ಔಟಾದರು. ಔಟಾಗುವ ಮುನ್ನ ಕೊಹ್ಲಿ ಮತ್ತು ಪಾಟಿದರ್(Rajat Patidar) 22 ಎಸೆತಗಳಲ್ಲಿ53 ರನ್ ಜೊತೆಯಾಟವಾಡಿದರು. ನಂತರ ಬಂದ ಜೇತೇಶ್ ಶರ್ಮಾ ಶೂನ್ಯಕ್ಕೆ ಔಟಾದರು.
ವಿಕೆಟ್ ಉರುಳುತ್ತಿದ್ದರೂ ಬಂಡೆಯಂತೆ ನಿಂತ ಕೊಹ್ಲಿ ಅಜೇಯ 69 ರನ್(38 ಎಸೆತ, 5 ಬೌಂಡರಿ, 5 ಸಿಕ್ಸ್) ಹೊಡೆದು ಜಯ ತಂದು ಕೊಟ್ಟರು. ಟಿಮ್ ಡೇವಿಡ್ ಅಜೇಯ 16 ರನ್(10 ಎಸೆತ, 1 ಬೌಂಡರಿ, 1ಸಿಕ್ಸ್) ಹೊಡೆದರು. ಇದನ್ನೂ ಓದಿ: ಬೌಂಡರಿ ಗೆರೆಯ ಬಳಿ ಪಲ್ಟಿಯಾಗಿ ಸಾಲ್ಟ್ ಕ್ಯಾಚ್ – ಸಿಟ್ಟಿನಿಂದ ಹೊರನಡೆದ ಕ್ಲಾಸೆನ್
ರನ್ ಏರಿದ್ದು ಹೇಗೆ?
50 ರನ್ 20 ಎಸೆತ
100 ರನ್ 49 ಎಸೆತ
150 ರನ್ 69 ಎಸೆತ
200 ರನ್ 94 ಎಸೆತ
Elegance 🤝 Authority
🎥 Virat Kohli treating Bengaluru with his masterclass 👌
Which was your favourite out of the two? ✍️
Updates ▶️ https://t.co/Eo5z0jh4K4 #TATAIPL | #KhelBindaas | #RCBvSRH | @RCBTweets | @imVkohli pic.twitter.com/7PDI6SldbD
— IndianPremierLeague (@IPL) March 28, 2026
ಕೊಹ್ಲಿ ದಾಖಲೆ:
ಅರ್ಧಶತಕ ಹೊಡೆದ ಕೊಹ್ಲಿ ಐಪಿಎಲ್ ಚೇಸಿಂಗ್ನಲ್ಲಿ 4 ಸಾವಿರ ರನ್ ಪೂರ್ಣಗೊಳಿಸಿದ ಮೊದಲ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಈ ಮೂಲಕ ಮತ್ತೆ ತಾನೊಬ್ಬ ಚೇಸ್ ಮಾಸ್ಟರ್ ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ.
ಆರಂಭದಲ್ಲೇ ಆಘಾತ
ಜೇಕಬ್ ಡಫಿ ಆರಂಭದಲ್ಲೇ ಎಸ್ಆರ್ಹೆಚ್ ಆಘಾತ ನೀಡಿದ್ದರು. 29 ರನ್ಗಳಿಗೆ 3 ವಿಕೆಟ್ ಕಳೆದುಕೊಂಡಿದ್ದರೂ ನಾಯಕ ಇಶನ್ ಕಿಶನ್ ಮತ್ತು ಹೆನ್ರಿಕ್ ಕ್ಲಾಸನ್ ನಾಲ್ಕನೇ ವಿಕೆಟಿಗೆ 53 ಎಸೆತಗಳಲ್ಲಿ 97 ರನ್ ಜೊತೆಯಾಟವಾಡಿ ತಂಡಕ್ಕೆ ಚೇತರಿಕೆ ನೀಡಿದರು.
ಕ್ಲಾಸನ್ 31 ರನ್(22 ಎಸೆತ, 2 ಬೌಂಡರಿ, 1 ಸಿಕ್ಸ್) ಗಳಿಸಿದ್ದಾಗ ಸಿಕ್ಸ್ ಸಿಡಿಸಲು ಹೋಗಿ ಬೌಂಡರಿ ಗೆರೆಯ ಬಳಿ ಸಾಲ್ಟ್ ಹಿಡಿದ ಅತ್ಯುತ್ತಮ ಕ್ಯಾಚ್ಗೆ ಬಲಿಯಾದರು.
ಇನ್ನೊಂದು ಕಡೆ ಸ್ಫೋಟಕ ಅರ್ಧಶತಕ ಸಿಡಿಸಿದ್ದ ಇಶನ್ ಕಿಶನ್ 80 ರನ್(38 ಎಸೆತ, 8 ಬೌಂಡರಿ, 5 ಸಿಕ್ಸ್) ಗಳಿಸಿಸದ್ದಾಗ ಸಾಲ್ಟ್ ಒಂದು ಕೈಯಲ್ಲಿ ಡೈವ್ ಮಾಡಿ ಹಿಡಿದ ಕ್ಯಾಚ್ಗೆ ಔಟಾದರು.
MAXIMUM Entertainment 🍿@devdpd07 🤝 @imVkohli doing it in style 🔥#RCB 76/1 after 6 overs in the chase.
Updates ▶️ https://t.co/Eo5z0jh4K4 #TATAIPL | #KhelBindaas | #RCBvSRH | @RCBTweets pic.twitter.com/2A0mt3ktlB
— IndianPremierLeague (@IPL) March 28, 2026
ಕೊಹ್ಲಿ ನೀಡಿದ ಒಂದು ಕ್ಯಾಚ್ ಜೀವದಾನದದಿಂದ ಅನಿಕೇತ್ ವರ್ಮಾ 43 ರನ್(18 ಎಸೆತ, 3 ಬೌಂಡರಿ, 4 ಸಿಕ್ಸ್) ಸಿಡಿಸಿ ಸ್ವಲ್ಪ ಪ್ರತಿರೋಧ ತೋರಿದರು.
ಡಫಿ ಮತ್ತುರೋಮಾರಿಯೋ ಶೆಫರ್ಡ್ ತಲಾ ಮೂರು ವಿಕೆಟ್ ಪಡೆದರೆ ಭುವನೇಶ್ವರ್ ಕುಮಾರ್, ಅಭಿನಂದನ್ ಸಿಂಗ್, ಸುಯೇಶ್ ಶರ್ಮಾ ತಲಾ ಒಂದೊಂದು ವಿಕೆಟ್ ಪಡೆದರು.
ರನ್ ಏರಿದ್ದು ಹೇಗೆ?
50 ರನ್ 28 ಎಸೆತ
100 ರನ್ 69 ಎಸೆತ
150 ರನ್ 95 ಎಸೆತ
200 ರನ್ 120 ಎಸೆತ
