ತೆಲುಗಿನ ಸೂಪರ್ ಸ್ಟಾರ್ ಪವನ್ ಕಲ್ಯಾಣ್ ಅವರು (Pawan Kalyan) ರಾಜಕೀಯ (Politics) ಮತ್ತು ಚಿತ್ರರಂಗ ಎರಡರಲ್ಲೂ ಬ್ಯುಸಿಯಾಗಿದ್ದಾರೆ. ಸದ್ಯ ಸೋದರಳಿಯ ಸಾಯಿ ಧರಮ್ ತೇಜ್ (Sai Dharam Tej) ಜೊತೆಗಿನ ಹೊಸ ಚಿತ್ರಕ್ಕೆ ಪವನ್ ಕಲ್ಯಾಣ್ ಸಾಥ್ ನೀಡಿದ್ದಾರೆ. ಇಬ್ಬರ ಕಾಂಬಿನೇಷನ್ ಚಿತ್ರದಲ್ಲಿ ಸೊಂಟ ಬಳುಕಿಸಲು ಶ್ರೀಲೀಲಾ (Sreeleela) ಸಜ್ಜಾಗಿದ್ದಾರೆ.
`ಧಮಾಕಾ’ (Dhamaka) ಸೂಪರ್ ಸಕ್ಸಸ್ ನಂತರ ಶ್ರೀಲೀಲಾಗೆ ಬೇಡಿಕೆ ಜಾಸ್ತಿಯಾಗಿದೆ. ಕನ್ನಡದ ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ನಂತರ ಶ್ರೀಲೀಲಾಗೆ ಬಂಪರ್ ಅವಕಾಶಗಳು ಅರಸಿ ಬರುತ್ತಿದೆ. ಪವನ್ ಕಲ್ಯಾಣ್ ನಟನೆಯ ಹೊಸ ಚಿತ್ರದಲ್ಲಿ ಐಟಂ ಡ್ಯಾನ್ಸ್ ಮಾಡಲು ಶ್ರೀಲೀಲಾ ಓಕೆ ಎಂದಿದ್ದಾರೆ.
ತಮಿಳಿನ `ವಿನೋದಾಯ ಸೀತಮ್’ ಚಿತ್ರದ ರೀಮೇಕ್ನಲ್ಲಿ ಪವನ್ ಕಲ್ಯಾಣ್- ಸಾಯಿ ಧರಮ್ ತೇಜ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ನಿರ್ದೇಶಕ ಸಮುದ್ರಖನಿ ಡೈರೆಕ್ಷನ್ ಮಾಡ್ತಿದ್ದಾರೆ. ಕಾಲಿವುಡ್ನಲ್ಲಿ ಗಮನ ಸೆಳೆದ ಈ ಚಿತ್ರ, ಇದೀಗ ತೆಲುಗಿನಲ್ಲಿ ಕಮಾಲ್ ಮಾಡಲು ರೆಡಿಯಾಗಿದೆ. ಇದನ್ನೂ ಓದಿ: ವಿನಯ್ ರಾಜ್ಕುಮಾರ್ಗೆ ನಾಯಕಿಯಾದ `ರಾಧಾ ಕೃಷ್ಣ’ ಸೀರಿಯಲ್ ನಟಿ
ಕನ್ನಡದ ನಟಿ ಶ್ರೀಲೀಲಾ (Sreeleela) ನಟನೆಯ ಜೊತೆ ಡ್ಯಾನ್ಸ್ನಲ್ಲೂ ಸೈ ಎನಿಸಿಕೊಂಡಿದ್ದಾರೆ. ಕಿಸ್, ಭರಾಟೆ, ಧಮಾಕಾ ಚಿತ್ರಗಳಲ್ಲಿ ಡ್ಯಾನ್ಸ್ಗೆ ಹೆಚ್ಚಿನ ಒತ್ತು ನೀಡಲಾಗಿತ್ತು. ಇದೀಗ ಪವನ್ ಕಲ್ಯಾಣ್ ಜೊತೆ ಸೊಂಟ ಬಳುಕಿಸಲು ʻಭರಾಟೆʼ ಬ್ಯೂಟಿ ಗ್ರೀನ್ ಸಿಗ್ನಲ್ ನೀಡಿದ್ದಾರೆ. ಸದ್ಯದಲ್ಲೇ ಈ ಕುರಿತು ಅಧಿಕೃತ ಅಪ್ಡೇಟ್ ಸಿಗಲಿದೆ.
