ಒಂದು ಕಾಲದಲ್ಲಿ “ಇದು ಹಳೆಯ ಸ್ಟೈಲ್” ಅಂತ ಬದಿಗೆ ಸರಿಸಿದ್ದ ವಸ್ತುಗಳೇ ಈಗ Gen Z ಯುವಜನರಿಗೆ ಫುಲ್ ಫೇವರಿಟ್ ಆಗಿವೆ. 90 ಮತ್ತು 2000 ಇಸ್ವಿ ಕಾಲದ ಫ್ಯಾಷನ್, ವೈರ್ ಇಯರ್ಫೋನ್ಸ್, ಸಿಂಪಲ್ ಲುಕ್, ಓಲ್ಡ್ ಮನಿ ಸ್ಟೈಲ್ ಮಾತ್ರವಲ್ಲ, ಕೀಪ್ಯಾಡ್ ಫೋನ್ಗಳಿಗೂ ಮತ್ತೆ ಕ್ರೇಜ್ ಶುರುವಾಗಿದೆ. ಅಂದರೆ ಹಳೆಯದ್ದೇ ಈಗ ಹೊಸ ಟ್ರೆಂಡ್ ಆಗುತ್ತಿದೆ.
ವೈರ್ ಇಯರ್ಫೋನ್ಸ್ ಕಮಾಲ್
ವೈರ್ಲೆಸ್ ಇಯರ್ಬಡ್ಸ್ ಬಂದ ಮೇಲೆ ವೈರ್ ಇಯರ್ಫೋನ್ಸ್ ಬಹುತೇಕ ಮೂಲೆ ಸೇರಿದ್ದವು. ಆದರೆ ಈಗ ಸೀನ್ ರಿವರ್ಸ್ ಆಗಿದೆ. Gen Z ಯುವಜನರು ವೈರ್ ಇಯರ್ಫೋನ್ಸ್ ಅನ್ನು ಮತ್ತೆ ಬಳಸುತ್ತಿದ್ದಾರೆ. ಕೆಲವರಿಗೆ ಇದು ಕೇವಲ ಹಾಡು ಕೇಳಲು ಇರುವ ಸಾಧನವಲ್ಲ, ರೆಟ್ರೋ ಫ್ಯಾಷನ್ ಆಕ್ಸೆಸರೀಸ್ ಕೂಡ ಆಗಿದೆ. ಅಷ್ಟೇ ಅಲ್ಲ ಫೇಮಸ್ ಫುಟ್ಬಾಲರ್ ಕ್ರಿಶ್ಚಿಯಾನೋ ರೊನಾಲ್ಡೋ ಕೂಡ ತಾನು ವಯರ್ಡ್ ಇಯರ್ಪೋನ್ಗಳನ್ನೇ ಬಳಸುತ್ತೇನೆ ಎಂದು ಹೇಳಿದ್ದರು. ಜೊತೆಗೆ ಅನೇಕ ಸೆಲೆಬ್ರಿಟಿಗಳು ಕೂಡ ಈ ರೀತಿಯ ಇಯರ್ಫೋನ್ಗಳನ್ನು ಬಳಸಿದ್ದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
2026ರಲ್ಲಿ ವೈರ್ಡ್ ಇಯರ್ಫೋನ್ಸ್ ಮತ್ತೆ ಯುವಜನರ ನಡುವೆ ಕಾಣಿಸಿಕೊಳ್ಳುತ್ತಿರುವ ಟ್ರೆಂಡ್ ಬಗ್ಗೆ ಹಲವು ವರದಿಗಳು ಬಂದಿವೆ.
ಸಿಂಪಲ್ ಲುಕ್ಗೆ ಆದ್ಯತೆ
ಹೆಚ್ಚು ಬ್ರ್ಯಾಂಡ್ ಹೆಸರು, ದೊಡ್ಡ ಲೋಗೋ, ತುಂಬಾ ಆಕ್ಸೆಸರೀಸ್ ಹಾಕಿಕೊಳ್ಳುವುದಕ್ಕಿಂತ ಕ್ಲೀನ್ ಮತ್ತು ಸಿಂಪಲ್ ಲುಕ್ ಕಡೆ Gen Zಯ ಒಂದು ಭಾಗ ಹೆಚ್ಚು ಗಮನ ಕೊಡುತ್ತಿದೆ. ಸರಳ ಶರ್ಟ್, ಬೇಸಿಕ್ ಜೀನ್ಸ್, ನ್ಯೂಟ್ರಲ್ ಕಲರ್ಸ್, ಮಿನಿಮಲ್ ಆಕ್ಸೆಸರೀಸ್ ಹೀಗೆ ಕಡಿಮೆ ವಸ್ತುಗಳಲ್ಲಿ ನೀಟ್ ಆಗಿ ಕಾಣಿಸಿಕೊಳ್ಳುವ ಸ್ಟೈಲ್ ಕೂಡ ಜನಪ್ರಿಯವಾಗಿದೆ. ಆದರೆ ಇದೇ ಸಮಯದಲ್ಲಿ ಭಾರತೀಯ Gen Z ಟ್ರಡಿಷನಲ್ ವೇರ್ ಮತ್ತು ಬೋಲ್ಡ್ ಇಂಡಿಯನ್ ಎಲಿಮೆಂಟ್ಸ್ನ್ನೂ ತಮ್ಮದೇ ರೀತಿಯಲ್ಲಿ ಮಿಕ್ಸ್ ಮಾಡುತ್ತಿದೆ.
ಓಲ್ಡ್ ಮನಿ ಫ್ಯಾಷನ್ ಟ್ರೆಂಡ್
“ಓಲ್ಡ್ ಮನಿ” ಸ್ಟೈಲ್ ಕೂಡ ಯುವಜನರ ಫ್ಯಾಷನ್ ಫೀಡ್ಸ್ನಲ್ಲಿ ಗಮನ ಸೆಳೆಯುತ್ತಿದೆ. ದುಬಾರಿ ಬ್ರ್ಯಾಂಡ್ಗಳ ಹೆಸರು ತೋರಿಸುವುದಕ್ಕಿಂತ ಕ್ಲಾಸಿ, ಕ್ಲೀನ್ ಮತ್ತು ಟೈಮ್ಲೆಸ್ ಲುಕ್ ಕೊಡುವ ಬಟ್ಟೆಗಳಿಗೆ ಆದ್ಯತೆ ನೀಡುವ ಎಸ್ಥೆಟಿಕ್ ಇದಾಗಿದೆ. ಪೋಲೋ ಶರ್ಟ್ಸ್, ಸ್ಟ್ರೈಟ್ ಟ್ರೌಸರ್ಸ್, ಸಿಂಪಲ್ ವಾಚಸ್, ಲೋಫರ್ಸ್ ಮತ್ತು ನ್ಯೂಟ್ರಲ್ ಶೇಡ್ಸ್ ಈ ಲುಕ್ನ ಪ್ರಮುಖ ಭಾಗಗಳು. ಇತ್ತೀಚಿನ ವರದಿಗಳ ಪ್ರಕಾರ ಭಾರತೀಯ Gen Z ಲಕ್ಸುರಿ ಬಗ್ಗೆ ಕೂಡ ಬ್ರ್ಯಾಂಡ್ ನೇಮ್ಗಿಂತ ಮೀನಿಂಗ್, ವ್ಯಾಲ್ಯೂ, ಇಂಡಿವಿಜುವಾಲಿಟಿ ಮತ್ತು ರೀವಿಯರ್ಬಿಲಿಟಿಗೆ ಹೆಚ್ಚಿನ ಗಮನ ನೀಡುತ್ತಿದೆ.
ಕೀಪ್ಯಾಡ್ ಫೋನ್ ಮತ್ತೆ ಸಂಚಲನ
ಇನ್ನೊಂದು ಕಡೆ ಸ್ಮಾರ್ಟ್ಫೋನ್ ಕೈಯಲ್ಲಿದ್ದರೂ ಕೆಲ ಯುವಜನರು ಮತ್ತೆ ಕೀಪ್ಯಾಡ್ ಅಥವಾ ಫೀಚರ್ ಫೋನ್ ಕಡೆ ನೋಡುತ್ತಿದ್ದಾರೆ. ಒಮ್ಮೆ “ಅಪ್ಪ-ಅಮ್ಮನ ಕಾಲದ ಫೋನ್” ಅನ್ನಿಸಿಕೊಂಡಿದ್ದ ಕೀಪ್ಯಾಡ್ ಫೋನ್ಸ್ ಈಗ ಡಿಜಿಟಲ್ ಡಿಟಾಕ್ಸ್ಗೆ ಒಂದು ಆಪ್ಷನ್ ಆಗಿ ಕಾಣಿಸುತ್ತಿವೆ. ಸೋಷಿಯಲ್ ಮೀಡಿಯಾ ನೋಟಿಫಿಕೇಷನ್ಸ್, ಎಂಡ್ಲೆಸ್ ಸ್ಕ್ರೋಲಿಂಗ್ ಮತ್ತು ಸ್ಕ್ರೀನ್ ಟೈಮ್ನಿಂದ ಸ್ವಲ್ಪ ದೂರ ಇರಬೇಕು ಅನ್ನೋ ಕಾರಣಕ್ಕೆ ಕೆಲವು ಯುವಜನರು ಬೇಸಿಕ್ ಫೋನ್ಸ್ ಬಳಸಲು ಆಸಕ್ತಿ ತೋರಿಸುತ್ತಿದ್ದಾರೆ. 2026ರಲ್ಲೂ ಭಾರತದಲ್ಲಿ ನೋಕಿಯಾ ಮತ್ತು ಇತರ ಕಂಪನಿಗಳ ಫೀಚರ್ ಫೋನ್ಸ್ ಹೊಸ ಮಾದರಿಗಳೊಂದಿಗೆ ಲಭ್ಯವಿವೆ.
ಇಲ್ಲಿ ಒಂದು ಇಂಟರೆಸ್ಟಿಂಗ್ ಪಾಯಿಂಟ್ ಏನಂದ್ರೆ, Gen Z ಹಳೆಯ ವಸ್ತುಗಳನ್ನು ಹಾಗೆಯೇ ಕಾಪಿ ಮಾಡುತ್ತಿಲ್ಲ. ಹಳೆಯ ಸ್ಟೈಲ್ಗೆ ತಮ್ಮದೇ ಹೊಸ ಟಚ್ ಕೊಡುತ್ತಿದ್ದಾರೆ. ಹಳೆಯ ಶರ್ಟ್ ಜೊತೆ ಮಾಡರ್ನ್ ಜೀನ್ಸ್, ಟ್ರಡಿಷನಲ್ ಜ್ಯುವೆಲ್ಲರಿ ಜೊತೆ ವೆಸ್ಟರ್ನ್ ಔಟ್ಫಿಟ್, ವೈರ್ಡ್ ಇಯರ್ಫೋನ್ಸ್ ಜೊತೆ ಮಾಡರ್ನ್ ಔಟ್ಫಿಟ್ ಹೀಗೆ ರೆಟ್ರೋ ಮತ್ತು ಮಾಡರ್ನ್ ಎರಡನ್ನೂ ಮಿಕ್ಸ್ ಮಾಡುತ್ತಿದ್ದಾರೆ.
ಹಳೆಯದ್ದೇ ಯಾಕೆ ಮತ್ತೆ ಇಷ್ಟವಾಗುತ್ತಿದೆ?
ಇದಕ್ಕೆ ಮುಖ್ಯ ಕಾರಣ ನಾಸ್ಟಾಲ್ಜಿಯಾ ಮತ್ತು ಇಂಡಿವಿಜುವಾಲಿಟಿ. ದಿನವಿಡೀ ಸ್ಮಾರ್ಟ್ಫೋನ್, ಸೋಷಿಯಲ್ ಮೀಡಿಯಾ, ನೋಟಿಫಿಕೇಷನ್ಸ್ ಮತ್ತು AI ಕಂಟೆಂಟ್ ನಡುವೆ ಇರುವ ಯುವಜನರಿಗೆ ಸ್ವಲ್ಪ ಸಿಂಪಲ್ ಆಗಿರುವ ಲೈಫ್ಸ್ಟೈಲ್ ಆಕರ್ಷಕವಾಗುತ್ತಿದೆ. ಜೊತೆಗೆ ಎಲ್ಲರೂ ಒಂದೇ ರೀತಿಯ ಮಾಡರ್ನ್ ಪ್ರಾಡಕ್ಟ್ಸ್ ಬಳಸುವ ಬದಲು ತಮ್ಮ ಸ್ಟೈಲ್ ವಿಭಿನ್ನವಾಗಿರಬೇಕು ಅನ್ನೋ ಆಸೆಯೂ ಇದೆ. ರೆಟ್ರೋ ಗ್ಯಾಜೆಟ್ಸ್, ವಿಂಟೇಜ್ ಫ್ಯಾಷನ್ ಮತ್ತು ಓಲ್ಡ್-ಸ್ಕೂಲ್ ಆಕ್ಸೆಸರೀಸ್ ಈ ಇಂಡಿವಿಜುವಾಲಿಟಿಯನ್ನು ತೋರಿಸುವ ಒಂದು ಮಾರ್ಗವಾಗಿವೆ.
ಹೀಗಾಗಿ 90sನಲ್ಲಿ ಸಾಮಾನ್ಯವಾಗಿದ್ದ ವೈರ್ ಇಯರ್ಫೋನ್ಸ್, ಸಿಂಪಲ್ ಫ್ಯಾಷನ್, ಕ್ಲಾಸಿಕ್ ಔಟ್ಫಿಟ್ಸ್ ಮತ್ತು ಕೀಪ್ಯಾಡ್ ಫೋನ್ಗಳೆಲ್ಲಾ ಈಗ ಹೊಸ ಪೀಳಿಗೆಯ ಕೈಯಲ್ಲಿ ಹೊಸ ರೂಪ ಪಡೆದುಕೊಳ್ಳುತ್ತಿವೆ.
ಒಟ್ಟಿನಲ್ಲಿ, Gen Z ಹೇಳುತ್ತಿರುವ ಮೆಸೇಜ್ ಸರಳವಾಗಿದೆ — ಹೊಸದು ಮಾತ್ರ ಕೂಲ್ ಅಲ್ಲ; ಹಳೆಯದ್ದಕ್ಕೂ ತನ್ನದೇ ಒಂದು ಸ್ವ್ಯಾಗ್ ಇದೆ.
