ಬೆಂಗಳೂರು: ನಗರದಲ್ಲಿ ಓಲಾ (Ola), ಉಬರ್ (Uber) ಆಟೋದಲ್ಲಿ (Auto) ಓಡಾಡ್ತಿರೋರಿಗೆ ಇನ್ಮುಂದೆ ಆ್ಯಪ್ನಲ್ಲಿ (APP) ಸಿಗೋದು ಡೌಟ್. ದುಪ್ಪಟ್ಟು ದರ ವಿಧಿಸುತ್ತಿದ್ದ ಆ್ಯಪ್ ಆಟೋಗಳ ವಿರುದ್ಧ ಸಾರಿಗೆ ಇಲಾಖೆಯೇ ಖುದ್ದು ಸಮರ ಸಾರಿ, ನೋಟಿಸ್ ಜಾರಿ ಮಾಡಿದೆ.
ಆಟೋಗಳ ಮಿನಿಮಮ್ ಜಾರ್ಜ್ 30 ರೂ. ಇದೆ. ಆದರೆ, ಓಲಾ-ಉಬರ್ ಆಟೋಗಳು 100 ರೂಪಾಯಿ ವಸೂಲಿ ಮಾಡುತ್ತಿವೆ. ಈ ಬಗ್ಗೆ, ಸಾರ್ವಜನಿಕ ವಲಯದಲ್ಲಿ ಸಾಕಷ್ಟು ಟೀಕೆ ದೂರು ಕೇಳಿಬಂದಿತ್ತು. ಹೀಗಾಗಿ ರಸ್ತೆ ಸುರಕ್ಷತಾ ವಿಭಾಗದಲ್ಲಿ ಆ್ಯಪ್ ಸಂಸ್ಥೆಗಳಿಗೆ ನೋಟಿಸ್ ನೀಡಿದೆ. ಇದನ್ನೂ ಓದಿ: ಕಾಂಗ್ರೆಸ್ PayCM ಕ್ಯಾಂಪೇನ್ – ಬಿಜೆಪಿ ನಾಯಕರಿಗೆ ಹೈಕಮಾಂಡ್ ಕ್ಲಾಸ್
3 ದಿನದೊಳಗೆ ವಿವರಣೆ ಸಲ್ಲಿಸಬೇಕು. ಇಲ್ಲದೇ ಇದ್ದರೆ ಕಾನೂನು ಕ್ರಮ ಜರುಗಿಸುತ್ತೇವೆ ಎಂದು ಎಚ್ಚರಿಸಿದೆ. ಸಾರಿಗೆ ಇಲಾಖೆಯ ನೋಟಿಸ್ ಸ್ವಾಗತಾರ್ಹ ಎಂದು ಆಟೋ ಚಾಲಕರು, ಓಲಾ-ಉಬರ್ ಕ್ಯಾಬ್ ಡ್ರೈವರ್ ಅಸೋಸಿಯೇಷನ್ ಹೇಳಿದೆ. ಅಂದಹಾಗೆ, ಓಲಾ-ಉಬರ್ ಆಟೋಗಳ ಸುಲಿಗೆ ಬಗ್ಗೆ ಕ್ರಮ ಕೈಗೊಳ್ಳುವಂತೆ ಸಿಎಂ ಬಸವರಾಜ ಬೊಮ್ಮಾಯಿಗೆ (Basavaraj Bommai) ಸಂಸದ ತೇಜಸ್ವಿ ಸೂರ್ಯ (Tejasvi Surya) ಮನವಿ ಮಾಡಿದ್ದರು. ಇದನ್ನೂ ಓದಿ: ಗರ್ಭಿಣಿಯರು ಹೆರಿಗೆಗೆ ಕೈಲಾಸಕ್ಕೆ ಬನ್ನಿ: ನಿತ್ಯಾನಂದನ ಕರೆಯೋಲೆ