ಬೆಂಗಳೂರು: ಜೆಡಿಎಸ್ ವರಿಷ್ಠ ಎಚ್.ಡಿ ದೇವೇಗೌಡ ಅವರ ಕುಟುಂಬದಲ್ಲಿ ಅಳಿಯ ಹಾಗೂ ಅತ್ತೆ ನಡುವೆ ಟಿಕೆಟ್ ಲೆಕ್ಕಾಚಾರ ನಡೆಯುತ್ತಿದೆ.
ನಿಖಿಲ್ ಜೊತೆಗೆ ಮಾಜಿ ಸಿಎಂ ಎಚ್.ಡಿ ಕುಮಾರಸ್ವಾಮಿ ಸಹೋದರಿ ಶೈಲಜಾ ಅವರ ಹೆಸರು ಕೇಳಿ ಬಂದಿದೆ. ನಿಖಿಲ್ಗೆ ಮುನ್ನವೇ ಕೆ.ಆರ್ ಪೇಟೆಯಲ್ಲಿ ಅತ್ತೆ ಶೈಲಜಾ ಓಡಾಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಅಲ್ಲದೆ ಕ್ಷೇತ್ರದಲ್ಲಿ ಅವಕಾಶ ಸಿಕ್ಕರೆ ಒಂದು ಕೈ ನೋಡೋಣ ಎನ್ನುವುದು ಶೈಲಜಾ ಅವರಿಗೆ ಆಸೆ ಇದೆ ಎಂಬ ಮಾಹಿತಿ ಲಭ್ಯವಾಗಿದೆ.
ಶೈಲಜಾ ಅವರ ಸ್ಪರ್ಧೆ ಬಗ್ಗೆ ಕಾರ್ಯಕರ್ತರಲ್ಲಿ ದೊಡ್ಡ ಚರ್ಚೆ ಆಗುತ್ತಿದೆ. ಆದರೆ ನಿಖಿಲ್ ಎಂಟ್ರಿಯಿಂದ ಯಾರಿಗೆ ಟಿಕೆಟ್ ಎನ್ನುವುದು ದೊಡ್ಡ ಗೊಂದಲ ಶುರುವಾಗಿದೆ.
ಕುಮಾರಸ್ವಾಮಿ ಅವರು ಸಹೋದರಿ ಶೈಲಜಾ ಜೊತೆ ಹೆಚ್ಚಿನ ಆತ್ಮೀಯತೆ ಹೊಂದಿದ್ದಾರೆ. ಅಲ್ಲದೆ ಕಷ್ಟ-ಸುಖ ಏನೇ ಇದ್ದರೂ ಸಹೋದರಿ ಶೈಲಜಾ ತಮ್ಮ ಕುಮಾರಸ್ವಾಮಿ ಅವರ ಜೊತೆ ಹಂಚಿಕೊಳ್ಳುತ್ತಿದ್ದರು. ಹೀಗಾಗಿ ಕುಮಾರಸ್ವಾಮಿ ಮಗನಿಗಾಗಿ ಸಹೋದರಿ ಶೈಲಜಾ ಕ್ಷೇತ್ರ ತ್ಯಾಗ ಮಾಡುತ್ತಾರಾ ಎಂಬ ಪ್ರಶ್ನೆ ಶುರುವಾಗಿದೆ.
ಒಟ್ಟಿನಲ್ಲಿ ರಾಜಕೀಯ ವಲಯದಲ್ಲಿ ಟಿಕೆಟ್ ಲೆಕ್ಕಾಚಾರ ಪ್ರಾರಂಭವಾಗಿದೆ. ಸದ್ಯ ದೇವೇಗೌಡರ ನಿರ್ಧಾರವೇ ಅಂತಿಮವಾಗಿದೆ.