ನಾನಾ ಪಾತ್ರಗಳ ಮೂಲಕ ಅಪಾರ ಅಭಿಮಾನಿಗಳನ್ನು ರಂಜಿಸಿರುವ ಬಾಲಿವುಡ್ ನಟ ನವಾಜುದ್ದೀನ್ ಸಿದ್ದಿಕಿ, ಇದೀಗ ಮಂಗಳಮುಖಿಯಾಗಿ ಬದಲಾಗಿದ್ದಾರೆ. ಮಂಗಳಮುಖಿಯಾದ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಕೂಡ ಆಗಿವೆ. ಇದ್ದಕ್ಕಿದ್ದಂತೆಯೇ ಈ ನಟ ಯಾಕೆ ಹೀಗೆ ಬದಲಾದರು ಎಂದು ಹಲವರು ಪ್ರಶ್ನಿಸಿದ್ದಾರೆ. ನವಾಜುದ್ದೀನ್ ಗೆ ಏನಾಯಿತು ಎಂದು ಕೇಳಿದವರೂ ಇದ್ದಾರೆ. ಹುಡುಕಾಟದ ಮಧ್ಯ ನಂತರ ಗೊತ್ತಾಗಿದ್ದು, ಅವರು ಸಿನಿಮಾಗಾಗಿ ಅಂಥದ್ದೊಂದು ಪಾತ್ರ ಮಾಡಿದ್ದಾರೆ.
ಹೌದು, ನವಾಜುದ್ದೀನ್ ಸಿದ್ದಕಿ ಇದೀಗ ಹಡ್ಡಿ ಹೆಸರಿನಲ್ಲಿ ಸಿನಿಮಾವೊಂದನ್ನು ಮಾಡುತ್ತಿದ್ದು, ಈ ಸಿನಿಮಾದಲ್ಲಿ ಅವರು ಮಂಗಳಮುಖಿಯ ಪಾತ್ರ ಮಾಡಿದ್ದಾರೆ. ಅದಕ್ಕಾಗಿ ಥೇಟ್ ಮಂಗಳಮುಖಿಯಂತೆಯೇ ಅವರ ಗೆಟಪ್ ಕೂಡ ಬದಲಾಗಿದೆ. ಅವರ ಮೊದಲು ನೋಟದ ಫೋಟೋವನ್ನು ರಿಲೀಸ್ ಮಾಡಿದ್ದು, ಅಭಿಮಾನಿಗಳು ಅದನ್ನು ಕಂಡು ಅಚ್ಚರಿ ವ್ಯಕ್ತ ಪಡಿಸಿದ್ದಾರೆ. ಅಲ್ಲದೇ, ನಟನ ಈ ಗಂಭೀರತೆಗೆ ಫಿದಾ ಕೂಡ ಆಗಿದ್ದಾರೆ. ಇದನ್ನೂ ಓದಿ:ಸ್ಯಾಂಡಲ್ವುಡ್ಗೆ ಜ್ಯೂ.ಎನ್ಟಿಆರ್ ಎಂಟ್ರಿ: ಇಲ್ಲಿದೆ ಮಾಹಿತಿ
ಈ ಕುರಿತು ಸ್ವತಃ ಸಿದ್ದಕಿ ತಮ್ಮ ಅನುಭವಗಳನ್ನು ಹಂಚಿಕೊಂಡಿದ್ದು, ಎಂಬತ್ತಕ್ಕೂ ಹೆಚ್ಚು ನಿಜ ಮಂಗಳಮುಖಿಯೊಂದಿಗೆ ಕೆಲಸ ಮಾಡಿದ್ದಾಗಿ ಬರೆದುಕೊಂಡಿದ್ದಾರೆ. ಟ್ರಾನ್ಸ್ ಮಹಿಳೆಯರ ಜೊತೆ ಕೆಲಸ ಮಾಡಿದ್ದು, ಯಾವತ್ತಿಗೂ ಮರೆಯಲಾರದ ಅನುಭವ ನೀಡಿದೆ ಎಂದಿರುವ ಸಿದ್ದಿಕಿ, ಈ ಸಿನಿಮಾದ ಪಾತ್ರ ನೋಡಿ ಸ್ವತಃ ತಮ್ಮ ಮಗಳು ಅಪ್ ಸೆಟ್ ಆಗಿದ್ದ ಸಂಗತಿಯನ್ನೂ ಅವರು ಬಿಚ್ಚಿಟ್ಟಿದ್ದಾರೆ.
ಈ ಪಾತ್ರವನ್ನು ಮಾಡುವಾಗ ಮಂಗಳಮುಖಿಯರ ಬಗ್ಗೆ ಗೌರವವು ಹೆಚ್ಚಾಯಿತು ಅಂದಿರುವ ಅವರು, ತಾನು ಪಾತ್ರ ಮಾಡುತ್ತಿದ್ದೇನೆ ಎಂದು ಮಗಳನ್ನು ನಂಬಿಸಲು ಸಾಕು ಸಾಕಾಯಿತು ಎಂದೂ ಅವರು ಹೇಳಿದ್ದಾರೆ. ಮಂಗಳಮುಖಿಯರ ಮನೆಯ ತಲ್ಲಣಗಳು ನನಗೆ ಈ ಮೂಲಕ ಅರ್ಥವಾಗುತ್ತಾ ಹೋದವು ಎಂದು ಭಾವನಾತ್ಮಕವಾಗಿ ಅವರು ಪೋಸ್ಟ್ ಮಾಡಿದ್ದಾರೆ. ಇದೊಂದು ಮರೆಯಲಾರದ ಅನುಭವ ಎಂದು ಅವರು ಅಭಿಮಾನಿಗಳ ಜೊತೆ ಹಲವು ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ.
