ಸಿಂಪಲ್ ಮೈಸೂರು ಬೋಂಡಾ ಮಾಡುವ ವಿಧಾನ

ನಾಡಿನಾದ್ಯಂತ ದಸರಾ ಹಬ್ಬದ ಸಂಭ್ರಮ ಆರಂಭವಾಗಿದೆ. ಇಂದು ದಸರಾ ಹಬ್ಬದ ಮೂರನೇ ದಿನದ ಹಬ್ಬ-ಆಚರಣೆಗಳು ಶುರುವಾಗಿದೆ. ದಸರಾ ಅಂದರೆ ಒಂಬತ್ತು ದಿನ ಒಂದೊಂದು ದೇವಿಯನ್ನು ಆರಾಧನೆ ಮಾಡಲಾಗುತ್ತದೆ. ಹಬ್ಬ ಅಂದರೆ ಸಿಹಿ ಮಾತ್ರವಲ್ಲದೇ ಬೇರೆ ತಿಂಡಿಯನ್ನು ಮಾಡಬೇಕಾಗುತ್ತದೆ. ಆದ್ದರಿಂದ ನಿಮಗಾಗಿ ಸಿಂಪಲ್ ಆಗಿ ಮೈಸೂರು ಬೋಂಡಾ ಮಾಡುವ ವಿಧಾನ ಇಲ್ಲಿದೆ..

ಬೇಕಾಗುವ ಸಾಮಗ್ರಿಗಳು:
1. ಮೈದಾ ಹಿಟ್ಟು – 1.5 ಬಟ್ಟಲು
2. ಅಕ್ಕಿ ಹಿಟ್ಟು – 1 ಬಟ್ಟಲು
3. ಗಟ್ಟಿ ಮೊಸರು – 1/4 ಲೀಟರ್
4. ಜೀರಿಗೆ -ಸ್ವಲ್ಪ
5. ಉಪ್ಪು – ರುಚಿಗೆ ತಕ್ಕಷ್ಟು
6. ಎಣ್ಣೆ – ಕರಿಯಲು
7. ಅಡುಗೆ ಸೋಡಾ – ಚಿಟಿಕೆ

MYS 1

ಮಾಡುವ ವಿಧಾನ:
* ಒಂದು ಬಟ್ಟಲಿಗೆ ಮೈದಾ ಹಿಟ್ಟು, ಅಕ್ಕಿಹಿಟ್ಟನ್ನು ಜರಡಿ ಹಿಡಿದು ಹಾಕಿಕೊಳ್ಳಿ
* ಅದಕ್ಕೆ ಜೀರಿಗೆ, ಉಪ್ಪು, ಸೋಡಾ ಹಾಕಿ ಮಿಕ್ಸ್ ಮಾಡಿ.
* ಈಗ ಗಟ್ಟಿ ಮೊಸರು ಹಾಕಿ ಬೋಂಡಾ ಹದಕ್ಕೆ ಕಲಸಿ. (ಹಿಟ್ಟು ಕಲಸಲು ನೀರು ಬಳಸಬೇಡಿ)
* ಕಾದ ಎಣ್ಣೆಗೆ ಬೋಂಡಾ ರೀತಿ ಉಂಡೆಗಳನ್ನು ಹಾಕಿ ಗೋಲ್ಡನ್ ಬ್ರೌನ್ ಆಗೋ ತನಕ ಕರಿಯಿರಿ.
* ಸಿಂಪಲ್ ಮೈಸೂರು ಬೋಂಡಾ ಸವಿಯಲು ಸಿದ್ಧ