ಕೋಲಾರ: ಜಿಲ್ಲೆಯ ಕೆಜಿಎಫ್ನ (KGF) ಆಂಡರ್ಸನ್ ಪೇಟೆ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಬಂಧಿತನನ್ನು ಮಣಿಗಂಡನ್ ಅಲಿಯಾಸ್ ಮಣಿ (36) ಎಂದು ಗುರುತಿಸಲಾಗಿದ್ದು, ಆಂಡರ್ಸನ್ ಪೇಟೆಯ (Andersonpet) 2ನೇ ಬ್ಲಾಕ್ ಹಾಗೂ ಫ್ರಾಂಕ್ ಕಂಪನಿ ಮಧ್ಯೆ ಇರುವ ಕೆರೆಯ ಕಟ್ಟೆ ಬಳಿ ಗಾಂಜಾ ಮಾರಾಟ ಮಾಡುತ್ತಿದ್ದ ವೇಳೆ, ಖಚಿತ ಮಾಹಿತಿ ಮೇರೆಗೆ ಪೊಲೀಸರು ದಾಳಿ ನಡೆಸಿ ಆರೋಪಿಯನ್ನು ವಶಕ್ಕೆ ಪಡೆದಿದ್ದಾರೆ. ಇದನ್ನೂ ಓದಿ: ಡ್ಯಾಂ ಭರ್ತಿಯಾಗಿದ್ದರಿಂದಲೇ ಕಬಿನಿಯಿಂದ ನೀರು ಬಿಡಲಾಗಿದೆ, ಆತಂಕ ಬೇಡ: ಡಿ ಕೆ ಶಿವಕುಮಾರ್
ಬಂಧಿತನಿಂದ ಸುಮಾರ 8 ಸಾವಿರ ರೂ. ಬೆಲೆ ಬಾಳುವ 160 ಗ್ರಾಂ ಗಾಂಜಾವನ್ನು ವಶಪಡಿಸಿಕೊಳ್ಳಲಾಗಿದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಆಂಡರ್ಸನ್ ಪೇಟೆ ಪೊಲೀಸರು ಮುಂದಿನ ತನಿಖೆ ಮುಂದುವರಿಸಿದ್ದಾರೆ. ಇದನ್ನೂ ಓದಿ: ‘ವಿಕಸಿತ ಭಾರತಕ್ಕೆ ಮಾದಕ ವ್ಯಸನ ಮುಕ್ತ ಯುವಜನತೆ ಅಗತ್ಯ’ – ‘ನಶಾ ಮುಕ್ತ ಯುವ’ ಅಭಿಯಾನಕ್ಕೆ ಮೋದಿ ಚಾಲನೆ
