ಬೆಳಗ್ಗೆ ತಿಂಡಿಗೆ ಏನು ಮಾಡೋದು ಅಂತ ಯೋಚನೆ ಮಾಡ್ತಿದ್ದೀರಾ? ಹೆಚ್ಚು ಸಮಯ ಅಡುಗೆಮನೆಯಲ್ಲಿ ಕಳೆಯಬೇಕಿಲ್ಲ. ಆವಕಾಡೊ, ದಹಿ ಮತ್ತು ಬ್ರೆಡ್ ಇದ್ದರೆ ಸಾಕು, ಕೇವಲ 10 ನಿಮಿಷಗಳಲ್ಲಿ ಟೇಸ್ಟಿ ಹಾಗೂ ಕೆನೆಭರಿತ ಸ್ಯಾಂಡ್ವಿಚ್ ತಯಾರಿಸಬಹುದು.
ಸ್ವಲ್ಪ ಮಸಾಲೆ, ನಿಂಬೆ ರಸ ಮತ್ತು ತರಕಾರಿಗಳನ್ನು ಸೇರಿಸಿದರೆ ಸ್ಯಾಂಡ್ವಿಚ್ಗೆ ಇನ್ನಷ್ಟು ರುಚಿ ಬರುತ್ತದೆ. ಮಕ್ಕಳಿಗೆ ಸ್ನ್ಯಾಕ್ ಆಗಿಯೂ, ಬೆಳಗಿನ ಉಪಾಹಾರಕ್ಕೂ ಇದು ಚೆನ್ನಾಗಿರುತ್ತದೆ.
ಬೇಕಾಗುವ ಪದಾರ್ಥಗಳು
ಮಾಗಿದ ಆವಕಾಡೊ – 1
ಮೊಸರು – 2 ರಿಂದ 3 ಟೇಬಲ್ ಸ್ಪೂನ್
ಬ್ರೆಡ್ ಸ್ಲೈಸ್ – 4
ನಿಂಬೆ ರಸ – 1 ಟೀಸ್ಪೂನ್
ಚಿಲ್ಲಿ ಫ್ಲೇಕ್ಸ್ – ½ ಟೀಸ್ಪೂನ್
ಓರೆಗಾನೊ ಅಥವಾ ಮಿಕ್ಸ್ಡ್ ಹರ್ಬ್ಸ್ – ½ ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ಕರಿಮೆಣಸು – ಸ್ವಲ್ಪ
ಈರುಳ್ಳಿ – ಸಣ್ಣಗೆ ಹೆಚ್ಚಿದ್ದು (ಐಚ್ಛಿಕ)
ಟೊಮ್ಯಾಟೊ ಅಥವಾ ಸೌತೆಕಾಯಿ – ಸಣ್ಣಗೆ ಹೆಚ್ಚಿದ್ದು (ಐಚ್ಛಿಕ)
ಬೆಣ್ಣೆ ಅಥವಾ ತುಪ್ಪ – ಹುರಿಯಲು
ಮಾಡುವ ವಿಧಾನ
ಮೊದಲು ಆವಕಾಡೊವನ್ನು ಸಿಪ್ಪೆ ತೆಗೆದು ಒಂದು ಬೌಲ್ಗೆ ಹಾಕಿ. ಫೋರ್ಕ್ ಸಹಾಯದಿಂದ ಚೆನ್ನಾಗಿ ಮ್ಯಾಶ್ ಮಾಡಿಕೊಳ್ಳಿ.
ಈಗ ಅದಕ್ಕೆ ಮೊಸರು, ನಿಂಬೆ ರಸ, ಉಪ್ಪು, ಚಿಲ್ಲಿ ಫ್ಲೇಕ್ಸ್, ಓರೆಗಾನೊ ಮತ್ತು ಸ್ವಲ್ಪ ಕರಿಮೆಣಸು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ನಿಮಗೆ ಕ್ರಂಚಿ ರುಚಿ ಬೇಕಿದ್ದರೆ ಸಣ್ಣಗೆ ಹೆಚ್ಚಿದ ಈರುಳ್ಳಿ ಅಥವಾ ಟೊಮ್ಯಾಟೊವನ್ನು ಕೂಡ ಸೇರಿಸಬಹುದು.
ನಂತರ ಎರಡು ಬ್ರೆಡ್ ಸ್ಲೈಸ್ಗಳನ್ನು ತೆಗೆದುಕೊಂಡು ಅದರ ಮೇಲೆ ಆವಕಾಡೊ-ದಹಿ ಮಿಶ್ರಣವನ್ನು ಚೆನ್ನಾಗಿ ಹರಡಿ. ಬೇಕಿದ್ದರೆ ಮೇಲೆ ಟೊಮ್ಯಾಟೊ ಅಥವಾ ಸೌತೆಕಾಯಿ ಹಾಕಿ ಮತ್ತೊಂದು ಬ್ರೆಡ್ ಸ್ಲೈಸ್ನಿಂದ ಮುಚ್ಚಿ.
ಈಗ ಪ್ಯಾನ್ ಅಥವಾ ಸ್ಯಾಂಡ್ವಿಚ್ ಮೇಕರ್ಗೆ ಸ್ವಲ್ಪ ಬೆಣ್ಣೆ ಅಥವಾ ತುಪ್ಪ ಹಾಕಿ ಬಿಸಿ ಮಾಡಿ. ಸ್ಯಾಂಡ್ವಿಚ್ ಅನ್ನು ಹಾಕಿ ಮಧ್ಯಮ ಉರಿಯಲ್ಲಿ ಎರಡೂ ಬದಿಯನ್ನು ಸುಮಾರು 2 ರಿಂದ 3 ನಿಮಿಷ ಗೋಲ್ಡನ್ ಬ್ರೌನ್ ಆಗುವವರೆಗೆ ಟೋಸ್ಟ್ ಮಾಡಿ.
ಬ್ರೆಡ್ ಚೆನ್ನಾಗಿ ಕ್ರಿಸ್ಪಿ ಆದ ನಂತರ ಹೊರತೆಗೆದು ಕರ್ಣಾಕಾರದಲ್ಲಿ ಕತ್ತರಿಸಿ ಬಿಸಿಬಿಸಿಯಾಗಿ ಸರ್ವ್ ಮಾಡಿ.
ರುಚಿ ಹೆಚ್ಚಿಸುವ ಟಿಪ್ಸ್
ಆವಕಾಡೊ ಚೆನ್ನಾಗಿ ಮಾಗಿದ್ದರೆ ಸ್ಯಾಂಡ್ವಿಚ್ ಇನ್ನಷ್ಟು ಕ್ರೀಮಿ ಆಗಿರುತ್ತದೆ.
ಮೊಸರು ತುಂಬಾ ನೀರಾಗಿರಬಾರದು. ಯೋಗರ್ಟ್ ಬಳಸಿದರೆ ಸ್ಪ್ರೆಡ್ ಚೆನ್ನಾಗಿ ಬರುತ್ತದೆ.
ಖಾರ ಇಷ್ಟವಿದ್ದರೆ ಚಿಲ್ಲಿ ಫ್ಲೇಕ್ಸ್ ಪ್ರಮಾಣವನ್ನು ಹೆಚ್ಚಿಸಬಹುದು. ಈರುಳ್ಳಿ, ಟೊಮ್ಯಾಟೊ ಅಥವಾ ಸೌತೆಕಾಯಿ ಸೇರಿಸಿದರೆ ಸ್ಯಾಂಡ್ವಿಚ್ಗೆ ಒಳ್ಳೆಯ ಕ್ರಂಚ್ ಸಿಗುತ್ತದೆ.
ಬ್ರೌನ್ ಅಥವಾ ಮಲ್ಟಿಗ್ರೇನ್ ಬ್ರೆಡ್ ಬಳಸಿದರೂ ರುಚಿಯಾಗಿರುತ್ತದೆ.
ಹೀಗೆ 10 ನಿಮಿಷಗಳಲ್ಲಿ ಮನೆಯಲ್ಲೇ ಆವಕಾಡೊ ದಹಿ ಸ್ಯಾಂಡ್ವಿಚ್ ರೆಡಿ. ಬೆಳಗಿನ ತಿಂಡಿ ಅಥವಾ ಸಂಜೆ ಸ್ನ್ಯಾಕ್ಗೆ ಒಮ್ಮೆ ಟ್ರೈ ಮಾಡಿ ನೋಡಿ.
