ತುಮಕೂರು ಡಿಸಿ ಕಚೇರಿ ಮೇಲೆ ‘ಲೋಕಾ’ ದಾಳಿ; ​ಲಂಚ ಪಡೆಯುತ್ತಿದ್ದ ಕಂದಾಯ ಇಲಾಖೆ ಕಚೇರಿ ಸಹಾಯಕ ಬಲೆಗೆ

ತುಮಕೂರು: ಜಿಲ್ಲಾಧಿಕಾರಿ ಕಚೇರಿ ಮೇಲೆ ಲೋಕಾಯುಕ್ತ ದಾಳಿ (Lokayukta Raid) ನಡೆಸಿದ್ದು, ಲಂಚ ಪಡೆಯುತ್ತಿದ್ದ ಕಂದಾಯ ಇಲಾಖೆ ಕಚೇರಿ ಸಹಾಯಕನನ್ನು ಬಂಧಿಸಿದೆ.

​ಜಿಲ್ಲಾಧಿಕಾರಿ ಕಚೇರಿಯ ಸಹಾಯಕ ಬಿ.ಮುರಳಿಧರ್ ಲೋಕಾಯುಕ್ತ ಬಲೆಗೆ ಬಿದ್ದಿದ್ದಾರೆ. ​ಪಟಾಕಿ ಅಂಗಡಿ ಲೈಸೆನ್ಸ್ ನೀಡಲು ಸಿಬ್ಬಂದಿ ಲಂಚಕ್ಕೆ ಬೇಡಿಕೆ ಇಟ್ಟಿದ್ದ. ​ಹೆಗ್ಗೆರೆ ನಿವಾಸಿ ಉಮಾಶಂಕರ್ ಎಂಬವರಿಂದ ಲಂಚ ಪಡೆಯುತ್ತಿದ್ದಾಗ ದಾಳಿ ನಡೆದಿದೆ.

​ಪಟಾಕಿ ಅಂಗಡಿ ಅನುಮತಿಗಾಗಿ ಒಂದು ಲೈಸೆನ್ಸ್‌ಗೆ 2,000 ರೂ. ಬೇಡಿಕೆ ಇಟ್ಟಿದ್ದ. ​ಒಟ್ಟು ಎರಡು ಪಟಾಕಿ ಅಂಗಡಿಗಳ ಲೈಸೆನ್ಸ್‌ಗೆ 4,000 ರೂ. ಲಂಚ ಕೇಳಿದ್ದ. ಮುಂಗಡವಾಗಿ 1,000 ರೂ. ಹಣ ಪಡೆದಿದ್ದ. ​ಬಾಕಿ ಹಣ ಪಡೆಯುತ್ತಿದ್ದ ವೇಳೆ ದಿಢೀರ್ ದಾಳಿ ನಡೆಸಲಾಗಿದೆ. ​ಹಣದ ಸಮೇತ ಲೋಕಾಯುಕ್ತರ ಕೈಗೆ ಜಿಲ್ಲಾಧಿಕಾರಿ ಕಚೇರಿಯ ಸಿಬ್ಬಂದಿ ಸಿಕ್ಕಿಬಿದ್ದಿದ್ದಾನೆ.

​ತುಮಕೂರು ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲೇ ಲೋಕಾಯುಕ್ತ ತಂಡ ಕಾರ್ಯಾಚರಣೆ ನಡೆಸಿದೆ. ​ಆರೋಪಿ ಬಿ.ಮುರಳಿಧರ್‌ನನ್ನು ವಶಕ್ಕೆ ಪಡೆದು ತೀವ್ರ ವಿಚಾರಣೆ ನಡೆಸಲಾಗಿದೆ. ​ತುಮಕೂರು ಲೋಕಾಯುಕ್ತ ಪೊಲೀಸರಿಂದ ಭ್ರಷ್ಟ ಸಿಬ್ಬಂದಿ ವಿರುದ್ಧ ಪ್ರಕರಣ ದಾಖಲಾಗಿದೆ.