Connect with us

Latest

ಬರಿಗೈಯ್ಯಲ್ಲೇ 1 ನಿಮಿಷದಲ್ಲಿ 124 ತೆಂಗಿನಕಾಯಿ ಒಡೆದು ವಿಶ್ವದಾಖಲೆ ನಿರ್ಮಿಸಿದ ಭಾರತೀಯ

Published

on

ತಿರುವನಂತಪುರಂ: ಕೇರಳ ಮೂಲದ ವ್ಯಕ್ತಿಯೊಬ್ಬರು 1 ನಿಮಿಷದಲ್ಲಿ ಬರೋಬ್ಬರಿ 124 ತೆಂಗಿನಕಾಯಿಗಳನ್ನ ಒಡೆದು ಹೊಸ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.

ತ್ರಿಶೂರಿನ ಸೋಭಾ ಸಿಟಿ ಮಾಲ್‍ನಲ್ಲಿ ಆಯೋಜಿಸಲಾಗಿದ್ದ ಈ ಕಾರ್ಯಕ್ರಮದಲ್ಲಿ ಕೇರಳದ ಪೂಂಜರ್ ನಿವಾಸಿ ಅಭೀಷ್ ಪಿ ಡೊಮನಿಕ್ ಕೇವಲ ಒಂದು ನಿಮಿಷದಲ್ಲಿ 124 ತೆಂಗಿನಕಾಯಿಗಳನ್ನ ಒಡೆದರು. ಈ ಮೂಲಕ ಡೊಮನಿಕ್ ಈ ಹಿಂದೆ ಜರ್ಮನಿಯ ಮುಹಮದ್ ಕಾಹ್ರಿಮನೋವಿಕ್ ನಿರ್ಮಿಸಿದ್ದ ದಾಖಲೆಯನ್ನು ಮುರಿದರು. ಕಾಹ್ರಿಮನೋವಿಕ್ ಒಂದು ನಿಮಿಷದಲ್ಲಿ 118 ತೆಂಗಿನಕಾಯಿಗಳನ್ನ ಒಡೆದಿದ್ದರು.

ಡೊಮನಿಕ್ 1 ನಿಮಿಷದಲ್ಲಿ 145 ತೆಂಗಿನಕಾಯಿಗಳನ್ನ ಒಡೆದರಾದ್ರೂ ಅದರಲ್ಲಿ ಸಂರ್ಪೂಣವಾಗಿ ಒಡೆದಿದ್ದು 124 ತೆಂಗಿನಕಾಯಿಗಳನ್ನ.

ಕೇರಳ ಸಾರಿಗೆ ಸಂಸ್ಥೆಯಲ್ಲಿ ಮೆಕಾನಿಕ್ ಆಗಿ ಕೆಲಸ ಮಾಡುತ್ತಿರೋ 25 ವರ್ಷದ ಡೊಮನಿಕ್, ಹಾಕಿ ಸ್ಟಿಕ್, ಹೆಲ್ಮೆಟ್ ಮುರಿಯುವುದು ಹಾಗೂ ಹಲ್ಲಿನಿಂದಲೇ 50 ಮೀಟರ್‍ವರೆಗೆ ಬಸ್ ಎಳೆಯುವುದು ಹೀಗೆ ವಿವಿಧ ವಿಭಾಗಗಳಲ್ಲಿ ದಾಖಲೆ ನಿರ್ಮಿಸಿದ್ದು, ಲಿಮ್ಕಾ ಬುಕ್ ಆಫ್ ರೆಕಾಡ್ರ್ಸ್, ಯುನಿವರ್ಸಲ್ ರೆಕಾರ್ಡ್ ಫೋರಂ, ರೆಕಾರ್ಡ್ ಸೆಟ್ಟರ್ ಬುಕ್ ಆಫ್ ವಲ್ರ್ಡ್ ರೆಕಾಡ್ರ್ಸ್ ಹಾಗೂ ಅಸಿಸ್ಟ್ ವಲ್ರ್ಡ್ ರೆಕಾಡ್ರ್ಸ್‍ನಲ್ಲಿ ಇವರ ಹೆಸರಿದೆ.

ಇದೀಗ ಡೊಮನಿಕ್ ಅವರು ತೆಂಗಿನಕಾಯಿ ಒಡೆದಿರುವ ವೀಡಿಯೋವನ್ನು ಗಿನ್ನಿಸ್ ಬುಕ್ ಆಫ್ ರೆಕಾಡ್ರ್ಸ್ ನವರಿಗೆ ಕಳಿಸಲಾಗಿದ್ದು 6 ತಿಂಗಳ ಒಳಗೆ ಡೊಮನಿಕ್ ಅವರ ದಾಖಲೆಯನ್ನು ಪರಿಗಣಿಸಲಿದ್ದಾರೆ.

https://www.youtube.com/watch?v=8E95cXh3c1A

Click to comment

Leave a Reply

Your email address will not be published. Required fields are marked *

www.publictv.in