ಹೈದರಾಬಾದ್: ಟಾಲಿವುಡ್ ಮಗಧೀರನ ಚೆಲುವೆ ಕಾಜಲ್ ಅಗರ್ವಾಲ್ ಶೀಘ್ರದಲ್ಲಿಯೇ ಮದುವೆ ಮಾಡಿಕೊಳ್ಳುವ ಚಿಂತನೆಯಲ್ಲಿದ್ದಾರೆ.
ಹೌದು, ಇತ್ತೀಚೆಗೆ ಖಾಸಗಿ ವಾಹಿನಿಯ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಕಾಜಲ್, ಮದುವೆ ಬಗ್ಗೆ ಪ್ಲಾನ್ ಮಾಡಿಕೊಳ್ಳುತ್ತಿದ್ದೇನೆ. ಹುಡುಗ ಹೀಗೆಯೇ ಇರಬೇಕೆಂಬ ಕೆಲ ಕನಸುಗಳ್ನು ಕಂಡಿದ್ದೇನೆ ಎಂದು ತಿಳಿಸಿದ್ದಾರೆ. ಇದೇ ವೇಳೆ ರ್ಯಾಪಿಡ್ ರೌಂಡ್ನಲ್ಲಿ ಯಾರನ್ನ ಮದ್ವೆ ಆಗ್ತೀರಿ, ಯಾರನ್ನ ಲವ್ ಮಾಡ್ತೀರಾ ಮತ್ತು ಯಾರನ್ನ ಕೊಲ್ಲುತ್ತೀರಿ ಎಂದು ಕೇಳಲಾಗಿತ್ತು. ಇದನ್ನೂ ಓದಿ: ನಟಿ ಕಾಜಲ್ಗಾಗಿ 60 ಲಕ್ಷ ರೂ. ಕಳೆದುಕೊಂಡ ಅಭಿಮಾನಿ
ರಾಮ್ ಚರಣ್ ಅವರನ್ನು ಕೊಲ್ಲುತ್ತೇನೆ, ಜೂ.ಎನ್ಟಿಆರ್ ಜೊತೆ ಹುಕಪ್ ಮಾಡಿಕೊಳ್ಳುತ್ತೇನೆ. ಕೊನೆಗೆ ಬಾಹುಬಲಿ ಪ್ರಭಾಸ್ ಅವರನ್ನು ಮದುವೆಯಾಗಲು ಇಷ್ಟಪಡುತ್ತೇನೆ ಎಂದು ಉತ್ತರಿಸಿದ್ದಾರೆ. ಇದೇ ವೇಳೆ ನಿಜ ಜೀವನದ ಸಂಗಾತಿಯ ಗುಣಲಕ್ಷಣಗಳನ್ನು ರಿವೀಲ್ ಮಾಡಿದ್ದಾರೆ. ಇದನ್ನೂ ಓದಿ: ಕಾಜಲ್ ಅಗರ್ವಾಲ್ ಹೃದಯದಲ್ಲಿ ಕ್ರಿಕೆಟಿಗ
ನನ್ನನ್ನು ಕಾಳಜಿಯಿಂದ ನೋಡಿಕೊಳ್ಳಬೇಕು ಮತ್ತು ಸೌಮ್ಯವಾಗಿರಬೇಕು. ನಾನು ಹೆಚ್ಚು ಆಧ್ಯಾತ್ಮಕವಾಗಿದ್ದು, ಯಾವಾಗಲೂ ಶಿವನ ಮೂರ್ತಿಯನ್ನು ಜೊತೆಯಲ್ಲಿ ಇಟ್ಟುಕೊಳ್ಳುತ್ತೇನೆ. ಶೂಟಿಂಗ್ ಗಾಗಿ ಮನೆಯಿಂದ ಹೊರ ಹೋದಾಗಲೂ ಶಿವನ ಚಿಕ್ಕ ಮೂರ್ತಿ ನನ್ನ ಬಳಿಯಲ್ಲಿರುತ್ತದೆ. ಹಾಗಾಗಿ ಹುಡುಗ ಸಹ ಸ್ವಲ್ಪ ಆಧ್ಯಾತ್ಮಿಕವಾಗಿರಬೇಕು ಎಂಬುವುದು ನನ್ನ ಆಸೆ ಎಂದು ಕಾಜಲ್ ಹೇಳಿದ್ದಾರೆ. ಇದನ್ನೂ ಓದಿ: ವೇದಿಕೆ ಮೇಲೆ ಬಲವಂತವಾಗಿ ಕಾಜಲ್ಗೆ ಕಿಸ್ ಕೊಟ್ಟ ಸಹನಟ: ವಿಡಿಯೋ ವೈರಲ್
34 ವರ್ಷದ ಕಾಜಲ್ ಆಗರ್ವಾಲ್ ಇದೂವರೆಗೂ ತೆಲಗು, ಹಿಂದಿ ಸೇರಿದಂತೆ 50ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಐದು ಬಾರಿ ಉತ್ತಮ ನಟಿಯಾಗಿ ಸೈಮಾ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದಾರೆ. ರಮೇಶ್ ಅರವಿಂದ್ ನಿರ್ದೇಶನದ ಪ್ಯಾರಿಸ್ ಪ್ಯಾರಿಸ್ ಸಿನಿಮಾದಲ್ಲಿ ಕಾಜಲ್ ನಟಿಸಿದ್ದು, ಚಿತ್ರ ಪೋಸ್ಟ್ ಪ್ರೊಡೆಕ್ಷನ್ ಹಂತದಲ್ಲಿದೆ. ಇದನ್ನೂ ಓದಿ: ಜಮೀನಿನಲ್ಲಿ ಕಾಜಲ್ ಅಗರ್ವಾಲ್ ಕಟೌಟ್ -ಯಶಸ್ವಿಯಾಯ್ತು ರೈತನ ಪ್ರಯೋಗ
