ಟೆಹರಾನ್: ಇಸ್ರೆಲ್ ತನ್ನ ಮೋಡ ಮತ್ತು ಹಿಮಗಳನ್ನು ಕದ್ದಿದೆ ಎಂದು ಇರಾನ್ ಬ್ರಿಗೇಡಿಯರ್ ಜನರಲ್ ಗೊಲಾಮ್ ರೆಜ್ ಜಲಾಲಿ ಆರೋಪಿಸಿದ್ದಾರೆ.
ಇರಾನ್ ರಾಜಧಾನಿಯಲ್ಲಿ ನಡೆದ ಕೃಷಿ ಸಮ್ಮೇಳನದಲ್ಲಿ ಈ ಹೇಳಿಕೆಯನ್ನು ನೀಡಿದ್ದು, ಸಭೆಯಲ್ಲಿ ಮಾತನಾಡಿದ ಅವರು, ಇಸ್ರೆಲ್ ಮತ್ತು ನೆರೆಹೊರೆಯ ರಾಷ್ಟ್ರಗಳು ಇರಾನಿಗೆ ಬರುತ್ತಿದ್ದ ಮೋಡಗಳು ಮತ್ತು ಹಿಮವನ್ನು ತಡೆದು, ಕಳ್ಳತನ ಮಾಡಿದ್ದಾರೆ ಎಂದು ಆರೋಪಿಸಿದ್ದಾರೆ.
ಇಸ್ರೇಲ್ ದೇಶದ ಹೆಸರನ್ನು ಪ್ರಸ್ತಾಪಿಸದೆ ಇನ್ನೊದು ದೇಶ ನಮ್ಮ ದೇಶದ ಮೋಡ ಹಾಗೂ ಮಂಜನ್ನು ಕದ್ದಿರಬಹುದೆಂದು ನಾನು ನಂಬಿದ್ದೇನೆ. ಇದರಿಂದಲೇ ನಮ್ಮ ದೇಶದಲ್ಲಿ ತೀವ್ರ ಬರಗಾಲ ಬಂದಿದೆ ಎಂದು ತಿಳಿಸಿದರು.
General sees foreign plots in Iran climate change #Iran #WaterCrisis #Israelhttps://t.co/d97sePQn1j
— Iran (@Iran) July 3, 2018
ನಮ್ಮನ್ನು ಆರ್ಥಿಕವಾಗಿಯೂ ಸೋಲಿಸಬೇಕೆಂದು ನೆರೆಹೊರೆಯ ದೇಶಗಳು ಮೋಡಗಳನ್ನು ನಾಶಮಾಡಿದ್ದಾರೆ. ಇದರಿಂದಾಗಿ ನಮ್ಮಲ್ಲಿ ಬರಗಾಲ ಸೃಷ್ಟಿಯಾಗಿದೆ ಎಂದು ಆರೋಪಿಸಿದ್ದಾರೆ.
ತೀವ್ರ ಬರಗಾಲದಿಂದ ಇರಾನ್ ದೇಶವು ತತ್ತರಿಸಿದ್ದು, ಕುಡಿಯುವ ನೀರಿಗೂ ಸಹ ಹಾಹಾಕಾರ ಸೃಷ್ಟಿಯಾಗಿದೆ ಎಂದು ವರದಿಗಳು ತಿಳಿಸಿವೆ.