Connect with us

International

ವಿಡಿಯೋ: 3 ಸುಂಟರಗಾಳಿಗಳ ಮಧ್ಯೆಯೂ ಹಾರಿದ ವಿಮಾನ

Published

on

ಮಾಸ್ಕೋ: ವಿಮಾನವೊಂದು ಮೂರು ಸುಂಟರಗಾಳಿಗಳ ಮಧ್ಯೆ ಹಾರಾಡಿದ ಘಟನೆ ರಷ್ಯಾದಲ್ಲಿ ನಡೆದಿದೆ. ವಿಮಾನ ಇಲ್ಲಿನ ಸೋಚಿಯಲ್ಲಿ ಸುರಕ್ಷಿತಾಗಿ ಲ್ಯಾಂಡ್ ಆಗಿದೆ. ಹಲವಾರು ಮಂದಿ ಇದರ ವಿಡಿಯೋವನ್ನ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

ಸ್ಥಳೀಯ ಮಾಧ್ಯಮಗಳ ವರದಿಯ ಪ್ರಕಾರ ಮಂಗಳವಾರದಂದು ಈ ಘಟನೆ ನಡೆದಿದೆ. ಇನ್ನು ಸುಂಟರಗಾಳಿ ಉಂಟಾಗಿದ್ದು ಭೂಮಿಯ ಮೇಲಲ್ಲ, ನೀರಿನ ಮೇಲೆ. ಬ್ಲಾಕ್ ಸೀ ಪ್ರದೇಶದ ಮೇಲೆ ಸುಮಾರು 12 ಸುಂಟರಗಾಳಿಗಳು ಉಂಟಾಗಿದ್ದು, ಮೂರು ಸುಂಟರಗಾಳಿಗಳ ಮಧ್ಯೆಯೇ ವಿಮಾನ ಹಾರಿಹೋಗಿದೆ.

ಸುಂಟರಗಾಳಿಗಳು ಒಂದಕ್ಕೊಂದು ತೀರಾ ಸಮೀಪವಿದ್ದಿದ್ದರಿಂದ ಸಾಕಷ್ಟು ವಿಮಾನಗಳ ಮಾರ್ಗ ಬದಲಾಯಿಸಲಾಗಿತ್ತು ಎಂದು ವರದಿಯಾಗಿದೆ.

ಸುಂಟರಗಾಳಿಗಳ ಮಧ್ಯೆ ಹಾರಿದ ವಿಮಾನ ಸುರಕ್ಷಿತವಾಗಿಯೇ ಲ್ಯಾಂಡ್ ಆಗಿದೆ. ಆದರೂ ಪ್ರಯಾಣಿಕರಿಗೆ ಸುಂಟರಗಾಳಿಯ ಅನುಭವವಾಗಿದೆ. ವಿಮಾನದಲ್ಲಿದ್ದ ಪ್ರಯಾಣಿಕರೊಬ್ಬರು ಸುಂಟರಗಾಳಿಯ ಫೋಟೋ ಕ್ಲಿಕ್ಕಿಸಿದ್ದಾರೆ.

ನೀರಿನ ಮೇಲೆ ಉಂಟಾಗುವ ಸುಂಟರಗಾಳಿಯನ್ನ ವಾಟರ್ ಸ್ಪೌಟ್ಸ್ ಅಂತಾರೆ. ಇದಕ್ಕೆ ಭೂಮಿಯ ಮೇಲೆ ಉಂಟಾಗುವ ಸುಂಟರಗಾಳಿಯಷ್ಟು ತೀವ್ರತೆ ಇರುವುದಿಲ್ಲ. ಆದರೂ ವಾಟರ್ ಸ್ಪೌಟ್ಸ್ ತುಂಬಾ ಅಪಾಯಕಾರಿ ಎಂದು ಹೇಳಲಾಗುತ್ತೆ.

Click to comment

Leave a Reply

Your email address will not be published. Required fields are marked *

www.publictv.in