ಭೇಟಿ ಮಾಡಿದ್ರೆ ನಿಮ್ಮನ್ನು ಅಪ್ಪಿಕೊಳ್ಳುವ ಆಸೆ: ರಶ್ಮಿಕಾಗೆ ಪುಟ್ಟ ಅಭಿಮಾನಿಯ ಪತ್ರ

ಬೆಂಗಳೂರು: ಕಿರಿಕ್ ಬೆಡಗಿ ರಶ್ಮಿಕಾ ಮಂದಣ್ಣ ಅವರಿಗೆ 8 ವರ್ಷದ ಪುಟ್ಟ ಅಭಿಮಾನಿಯೊಬ್ಬ ಪತ್ರ ಬರೆದಿರುವ ಫೋಟೋ ವೈರಲ್ ಆಗುತ್ತಿದೆ.

ರಶ್ಮಿಕಾ ಅವರ ಫ್ಯಾನ್ ಕ್ಲಬ್ ತನ್ನ ಟ್ವಿಟ್ಟರಿನಲ್ಲಿ, “ಮಹಾರಾಣಿ ರಶ್ಮಿಕಾ ಅವರಿಗೆ ನ್ಯೂ ಯಾರ್ಕ್‍ನಿಂದ ಪುಟ್ಟ ಅಭಿಮಾನಿಯೊಬ್ಬರು ನಿಮಗೆ ಸಣ್ಣ ಪತ್ರವೊಂದನ್ನು ಬರೆದಿದ್ದಾನೆ. ಈತನಿಗೆ ಕೇವಲ 8 ವರ್ಷ ಹಾಗೂ ನೀವು ಆತನ ಮೊದಲ ಕ್ರಶ್. ಅವನು ನೀವು ನಟಿಸಿದ ಗೀತಾ ಗೋವಿಂದಂ ಚಿತ್ರ ನೋಡುವುದನ್ನು ಹಾಗೂ ಹಾಡುಗಳನ್ನು ಕೇಳುವುದನ್ನು ಬಿಡಲ್ಲ. ಏಕೆಂದರೆ ಅವನು ನಿಮ್ಮನ್ನು ನೋಡಬೇಕು ಹಾಗೂ ನಿಮಗೆ ಹಾಯ್ ಹೇಳಬೇಕು ಎಂದುಕೊಂಡಿದ್ದಾನೆ” ಎಂದು ಟ್ವೀಟ್ ಮಾಡಿ ರಶ್ಮಿಕಾ ಅವರಿಗೆ ಟ್ಯಾಗ್ ಮಾಡಿದ್ದಾರೆ.

This is a small letter to you Queen @iamRashmika from a little fan here in NYC. He’s an 8-year-old and you’re his first crush! He can’t stop watching Geetha Govindam and listening to the songs because all he wants is to see you. So he wanted to say hi to you. ???? pic.twitter.com/aWiYSWc5t3

— RashmikaUSAFC ???????? (@RashmikaUSAFC) February 10, 2019

ಪತ್ರದಲ್ಲಿ ಏನಿದೆ?
ನೀವು ತುಂಬಾ ಅದ್ಭುತವಾದ ಮಹಿಳೆ. ನೀವು ನೀವಾಗಿ ನಟನೆ ಮಾಡುವುದು ನನಗೆ ತುಂಬಾ ಇಷ್ಟ. ನಿಮ್ಮ ಮುಖ ತುಂಬಾ ಚೆನ್ನಾಗಿ ಇದೆ. ನನಗೆ ನಿಮ್ಮ ಸಿನಿಮಾಗಳು ಹಾಗೂ ಹಾಡುಗಳು ಎಂದರೆ ಇಷ್ಟ. ನಿಮ್ಮ ‘ಗೀತಾ ಗೋವಿಂದಂ’ ಸಿನಿಮಾ ನೋಡಿ ಮಹಿಳೆಯರನ್ನು ಹೇಗೆ ಗೌರವಿಸಬೇಕು ಎಂದು ಕಲಿತುಕೊಂಡೆ. ನೀವು ಮಾತನಾಡುವ ಶೈಲಿ ಹಾಗೂ ನಿಮ್ಮ ಅಭಿನಯ ನನಗೆ ತುಂಬಾ ಇಷ್ಟ. ನಿಮ್ಮ ಚಿತ್ರದ ಹಾಡುಗಳನ್ನು ಕೇಳಲು ನನಗೆ ಖುಷಿ ಆಗುತ್ತಿದೆ. ನಿಮ್ಮ ಚಿತ್ರದ ಹಾಡುಗಳು ಹಾಸ್ಯವಾಗಿ, ಶಾಂತಿಯುತವಾಗಿ ಇರುತ್ತದೆ. ನನಗೆ ತುಂಬಾ ಇಷ್ಟವಾಗುತ್ತದೆ. ನಾನು ಗೀತಾ ಗೋವಿಂದಂ ಚಿತ್ರ ಹಾಗೂ ಆ ಚಿತ್ರದ ಹಾಡುಗಳನ್ನು ಕೇಳಿದ್ದೇನೆ. ಅದೊಂದು ಅದ್ಭುತ ಚಿತ್ರ. ನೀವು ಹೆಚ್ಚು ಸಿನಿಮಾ ಹಾಗೂ ಹಾಡಗಳನ್ನು ಮಾಡುತ್ತೀರಾ ಎಂದು ನನಗೆ ಗೊತ್ತು. ಮುಂದೆ ನಿಮ್ಮನ್ನು ಭೇಟಿ ಮಾಡಿದರೆ ನಾನು ನಿಮ್ಮನ್ನು ತಬ್ಬಿಕೊಳ್ಳಬೇಕು ಎಂದು ಬರೆದಿದ್ದಾನೆ.

ಅಭಿಮಾನಿ ಬರೆದ ಈ ಪತ್ರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv