ಮನೆ ಕೆಲಸದವಳ ಜೊತೆ ಪತಿ ಸೆಕ್ಸ್ – ಕಿಟಕಿಯಿಂದ ಪತ್ನಿ ವಿಡಿಯೋ ರೆಕಾರ್ಡ್

– ರೆಡ್ ಹ್ಯಾಂಡಾಗಿ ಸಿಕ್ಕಿಬಿದ್ರು ಯಾರಿಗೂ ಹೇಳದ ಪತ್ನಿ

ರಾಯ್ಪುರ್: ವ್ಯಕ್ತಿಯೊಬ್ಬ ಮನೆ ಕೆಲಸದವಳ ಜೊತೆ ಅನೈತಿಕ ಸಂಬಂಧ ಹೊಂದಿದ್ದಾಗ ಪತ್ನಿಯ ಕೈಗೆ ರೆಡ್‍ಹ್ಯಾಂಡ್ ಸಿಕ್ಕಿಬಿದ್ದಿರುವ ಘಟನೆ ಚತ್ತೀಸ್‍ಗಢದಲ್ಲಿ ನಡೆದಿದೆ.

ಆರೋಪಿ ಕಿಶನ್ ರಾಮ್ ಮನೆ ಕೆಲಸದವಳಾದ ಪೂನಂ ಜೊತೆ ಅನೈತಿಕ ಸಂಬಂಧ ಇಟ್ಟುಕೊಂಡಿದ್ದನು. ಪತ್ನಿ ಈ ಕುರಿತು ಸಾಕ್ಷಿ ಸಮೇತ ಪೊಲೀಸರಿಗೆ ದೂರು ನೀಡಿದ್ದು, ಇದೀಗ ಪೊಲೀಸರು ಈ ಕುರಿತು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

ಏನಿದು ಪ್ರಕರಣ?
ಚತ್ತೀಸ್‍ಗಢದ ನಿವಾಸಿ ಕಿಶನ್ ರಾಮ್ ತನ್ನ ಪತ್ನಿ ಕುಸುಮ ಜೊತೆ ವಾಸಿಸುತ್ತಿದ್ದನು. ಅದೇ ಗ್ರಾಮದ ಮಹಿಳೆ ಪೂನಂ ಕೆಲವು ವರ್ಷಗಳಿಂದ ಮನೆಯಲ್ಲಿ ಕೆಲಸ ಮಾಡುತ್ತಿದ್ದಳು. ಇದೇ ವೇಳೆ ರಾಮ್, ಪೂನಂಗೆ ಆರ್ಥಿಕವಾಗಿ ಸಹಾಯ ಮಾಡುವ ಮೂಲಕ ಆಕೆಗೆ ಹತ್ತಿರವಾಗುತ್ತಿದ್ದನು. ಕೊನೆಗೆ ಇಬ್ಬರು ಅನೈತಿಕ ಸಂಬಂಧ ಇಟ್ಟುಕೊಂಡಿದ್ದರು. ಪತ್ನಿ ಕುಸುಮ ಮನೆಯಲ್ಲಿ ಇಲ್ಲದಿದ್ದಾಗ ಇಬ್ಬರು ಬೆಡ್‍ರೂಮಿನಲ್ಲಿ ಸೆಕ್ಸ್ ಮಾಡುತ್ತಿದ್ದರು.

ಒಂದು ದಿನ ಕುಸುಮ ಮನೆಯಿಂದ ಹೊರಹೋದ ತಕ್ಷಣ ಪೂನಂ ಜೊತೆ ಪತಿ ಸೆಕ್ಸ್ ಮಾಡುತ್ತಿದ್ದನು. ತಕ್ಷಣ ಪತ್ನಿ ಕುಸುಮ ಮನೆಗೆ ಬಂದು ಬೆಡ್ ರೂಮಿಗೆ ಹೋಗಿದ್ದಾಳೆ. ಅಲ್ಲಿ ಅವರಿಬ್ಬರು ರೆಡ್‍ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾರೆ. ಆದರೆ ಕುಟುಂಬದ ಗೌರವ ಹಾಳಾಗುತ್ತದೆ ಎಂದು ಈ ವಿಚಾರವನ್ನು ಪತ್ನಿ ಕುಸುಮ ಯಾರಿಗೂ ಹೇಳಿರಲಿಲ್ಲ.

ಪತ್ನಿ ಈ ವಿಚಾರವನ್ನು ಯಾರಿಗೂ ಹೇಳಲ್ಲ ಎಂದು ತಿಳಿದ ರಾಮ್, ಕುಸುಮ ಮನೆಯಲ್ಲಿದ್ದಾಗಲೇ ಪೂನಂ ಜೊತೆ ಸಂಬಂಧ ಹೊಂದುತ್ತಿದ್ದನು. ಆಗ ಕುಸುಮ ಕುಟುಂಬದ ಗೌರವ ಹಾಳಾಗುತ್ತದೆ ಎಂದು ಪತಿಯ ಬಳಿ ಮನವಿ ಮಾಡಿಕೊಂಡಿದ್ದಳು. ಆದರೆ ರಾಮ್ ಆಕೆಗೆ ಹಿಂಸೆ ಕೊಡಲು ಶುರುಮಾಡಿದ್ದನು. ಇದರಿಂದ ಕುಸುಮ ಖಿನ್ನತೆಗೆ ಒಳಗಾಗಿದ್ದಳು. ಕೊನೆಗೆ ಕುಸುಮ ತನ್ನ ಪತಿಯ ಅನೈತಿಕ ಸಂಬಂಧವನ್ನು ಬಹಿರಂಗಪಡಿಸಲು ನಿರ್ಧರಿಸಿದ್ದಳು.

ಅದರಂತೆಯೇ ಶನಿವಾರ ಪೂನಂ ಮತ್ತು ಪತಿ ರಾಮ್ ರೂಮಿನಲ್ಲಿ ಸೆಕ್ಸ್ ಮಾಡುತ್ತಿದ್ದಾಗ ಕುಸುಮ ಕಿಟಕಿಯಿಂದ ಅದನ್ನು ವಿಡಿಯೋ ಮಾಡಿಕೊಂಡು, ಫೋಟೋಗಳನ್ನು ತೆಗೆದುಕೊಂಡಿದ್ದಾಳೆ. ನಂತರ ಸಂಬಂಧಿಕರು ಮತ್ತು ಸ್ಥಳೀಯರಿಗೆ ಫೋನ್ ಮಾಡಿ ಕರೆಸಿ ರೆಡ್ ಹ್ಯಾಂಡಾಗಿ ಇಬ್ಬರನ್ನು ಹಿಡಿದಿದ್ದಾಳೆ. ನಂತರ ಫೋಟೋ ಮತ್ತು ವಿಡಿಯೋ ಸಾಕ್ಷಿ ಸಮೇತ ಪೊಲೀಸ್ ಠಾಣೆಗೆ ಹೋಗಿ ದೂರು ದಾಖಲಿಸಿದ್ದಾರೆ.

ಮಹಿಳೆ ನೀಡಿದ ದೂರಿನ ಆಧಾರದ ಮೇರೆಗೆ ಪೊಲೀಸರು ಈ ಕುರಿತು ದೂರು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.