ವಿಭಿನ್ನ ರೀತಿಯ ಅಡುಗೆಯನ್ನು ಮನೆಯಲ್ಲಿ ತಯಾರಿಸಬೇಕು ಅಥವಾ ಮನೆ ಮಂದಿಗೆ ಭಿನ್ನ ಬಗೆಯ ಅಡುಗೆಯನ್ನು ಮಾಡಿ ಊಣ ಬಡಿಸುತ್ತೀರ, ಎಂದಾದರೆ ಆರೋಗ್ಯಕರವಾದ ಮಜ್ಜಿಗೆ ಇಡ್ಲಿಯನ್ನು ಮಾಡಿ. ಮನೆಮಂದಿಗೆ ಇಷ್ಟವಾಗುತ್ತದೆ. ಈ ಇಡ್ಲಿಯನ್ನು ಮಾಡುವ ವಿಧಾನ ನಿಮಗಾಗಿ.
ಬೇಕಾಗುವ ಸಾಮಾಗ್ರಿಗಳು:
* ಅಕ್ಕಿರವೆ – 1 ಕಪ್
* ಶುಂಠಿ – 2 ಚಮಚ
* ಈರುಳ್ಳಿ – 1
* ಹಸಿಮೆಣಸು – 1
* ಸ್ವಲ್ಪ ಕರಿಬೇವು
* ಕೊತ್ತಂಬರಿ ಸೊಪ್ಪು- ಸ್ವಲ್ಪ
* ಸಾಸಿವೆ – 1 ಚಮಚ
* ಕಡ್ಲೆ ಬೇಳೆ – 1 ಚಮಚ
* ಉದ್ದಿನ ಬೇಳೆ – 1 ಚಮಚ
* ಅರಶಿಣ ಪುಡಿ – 1 ಚಮಚ
* ಇಂಗು- ಸ್ವಲ್ಪ
* ರುಚಿಗೆ ತಕ್ಕಷ್ಟು ಉಪ್ಪು
* ಮಜ್ಜಿಗೆ – 2 ಕಪ್
ಮಾಡುವ ವಿಧಾನ:
* ಬಾಣಲೆಗೆ ಎಣ್ಣೆ, ಸಾಸಿವೆ, ಕಡ್ಲೆಬೇಳೆ, ಉದ್ದಿನ ಬೇಳೆ ಹಾಕಿ ಒಗ್ಗರಣೆಯನ್ನು ತಯಾರಿಸಿಕೊಳ್ಳಬೇಕು. ಇದನ್ನೂ ಓದಿ: ಮಂಗಳೂರು ಸ್ಟೈಲ್ ಚಿಕನ್ ಸುಕ್ಕಾ ಮಾಡೋ ಸುಲಭ ವಿಧಾನ
* ನಂತರ ಇದೇ ಪಾತ್ರೆಗೆ ಈರುಳ್ಳಿ, ಕರಿಬೇವು, ಕೊತ್ತಂಬರಿ ಸೊಪ್ಪು, ಶುಂಠಿ, ಅರಶಿಣ ಪುಡಿ ಹಾಕಿ ಫ್ರೈ ಮಾಡಿಕೊಳ್ಳಬೇಕು.
* ನಂತರ ಅದೇ ಮಿಶ್ರಣಕ್ಕೆ ಅಕ್ಕಿರವೆ ಹಾಕಿ 2 ನಿಮಿಷ ಹುರಿಟ್ಟುಕೊಳ್ಳಬೇಕು.
* ಹುರಿದ ಮಿಶ್ರಣಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು, ನೀರು, ದಪ್ಪ ಮಜ್ಜಿಗೆಯೊಂದಿಗೆ ಕುದಿಸಬೇಕು. ಇದನ್ನೂ ಓದಿ: ಮನೆಮಂದಿಗೆ ಇಷ್ಟವಾಗುವ ಫಿಶ್ ಫ್ರೈ ಮಾಡುವ ಸುಲಭ ವಿಧಾನ
* ನಂತರ ಇಡ್ಲಿ ಪಾತ್ರೆಗೆ ಮಿಶ್ರಣವನ್ನು ಹಾಕಿ ಬೇಯಿಸಿದರೆ ಮಜ್ಜಿಗೆ ಇಡ್ಲಿ ಸವಿಯಲು ಸಿದ್ಧವಾಗುತ್ತದೆ.
