Connect with us

ಮಂಗಳೂರು ಸ್ಟೈಲ್ ಚಿಕನ್ ಸುಕ್ಕಾ ಮಾಡೋ ಸುಲಭ ವಿಧಾನ

ಮಂಗಳೂರು ಸ್ಟೈಲ್ ಚಿಕನ್ ಸುಕ್ಕಾ ಮಾಡೋ ಸುಲಭ ವಿಧಾನ

ಕೊರೊನಾ ಲಾಕ್‍ಡೌನ್ ಇರುವುದರಿಂದ ಹೋಟೆಲ್‍ಗಳಿಗೆ ಹೋಗಿ ತಿನ್ನಲು ಸಾಧ್ಯವಿಲ್ಲ, ಪಾರ್ಸೆಲ್ ತರಿಸಬಹುದು ಆದರೆ ಹಣ ತುಂಬಾ ವ್ಯಹಿಸಬೇಕಾಗುತ್ತದೆ. ಹೀಗಾಗಿ ನೀವು ಮನೆಯಲ್ಲಿಯೇ ಮಂಗಳೂರು ಶೈಲಿಯ ಚಿಕನ್ ಸುಕ್ಕಾವನ್ನು ಮಾಡಿ ಸವಿಯ ಬಹುದಾಗಿದೆ.

ಬೇಕಾಗುವ ಸಾಮಾಗ್ರಿಗಳು:
* ಚಿಕನ್- 1 ಕೆ,ಜಿ
* ಈರುಳ್ಳಿ- 2
* ಏಲಕ್ಕಿ- 2 ಟೀ ಸ್ಪೂನ್
* ಅಡುಗೆ ಎಣ್ಣೆ -1 ಕಪ್
* ತೆಂಗಿನ ಕಾಯಿ ತುರಿ- 1/2 ಕಪ್
* ಕೊತ್ತಂಬರಿಕಾಳು – 1 ಟೀ ಸ್ಪೂನ್
* ಸಾಸಿವೆ -1/4 ಟೀ ಸ್ಪೂನ್
* ಕಾಳು ಮೆಣಸು- 1/4 ಟೀ ಸ್ಪೂನ್
* ಲವಂಗ-4
* ಜೀರಿಗೆ- 1 ಟೀ ಸ್ಪೂನ್
* ಒಣಮೆಣಸಿನಕಾಯಿ- 1/4
* ಅರಿಶಿಣ – 1ಟೀ ಸ್ಪೂನ್
* ಬೆಳ್ಳುಳ್ಳಿ – 1
* ಶುಂಠಿ- ಚಿಕ್ಕ ತುಂಡು
* ಉಪ್ಪು- ರುಚಿಗೆತಕ್ಕಷ್ಟು
* ಹುಣಸೆಹಣ್ಣು – ಸ್ವಲ್ಪ

ಮಾಡುವ ವಿಧಾನ:

* ಮೊದಲಿಗೆ ಗ್ಯಾಸ್ ಮೇಲೆ ಬಾಣಲೆ ಇಟ್ಟು ಅದಕ್ಕೆ ತುಸು ಎಣ್ಣೆ ಹಾಕಿ ಕೊತ್ತಂಬರಿಕಾಳು, ಜೀರಿಗೆ , ಸಾಸಿವೆ, ಕಾಳುಮೆಣಸು, ಲವಂಗ, ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿ ಎಲ್ಲವನ್ನು ಹಾಕಿ ಪರಿಮಳ ಬರುವವರೆಗೆ ಹುರಿದುಕೊಳ್ಳಬೇಕು. ಇದನ್ನೂ ಓದಿ:  ಘಮ ಘಮಿಸುವ ಮಸಾಲ ಚಿಕನ್ ಫ್ರೈ

* ಹುರಿದು ಮಸಾಲೆಯನ್ನು ಒಂದು ಮಿಕ್ಸಿ ಜಾರಿಗೆ ಹಾಕಿ ಅದಕ್ಕೆ ಚಿಟಿಕೆ ಅರಿಶಿಣ, ಹುಣಸೆಹಣ್ಣು, ತೆಂಗಿನತುರಿ ಹಾಗೂ ಸ್ವಲ್ಪ ನೀರು ಹಾಕಿ ರುಬ್ಬಿಕೊಳ್ಳಬೇಕು.

* ಅಗಲವಾದ ಪಾತ್ರೆ ಇಟ್ಟುಕೊಂಡು ಅದಕ್ಕೆ ಎಣ್ಣೆ ಹಾಕಿ ನಂತರ ಸಾಸಿವೆ, ಇರುಳ್ಳಿ, ಏಲಕ್ಕಿ ಹಾಕಿ ಚೆನ್ನಾಗಿ ಪ್ರೈ ಮಾಡಬೇಕು.

* ಚಿಕನ್ ಸೇರಿಸಿ ನಂತರ ಉಪ್ಪು ಸೇರಿಸಿ ಬೇಯಲು ಬಿಡಬೇಕು. ಚಿಕನ್ ನೀರು ಬಿಟ್ಟುಕೊಳ್ಳುತ್ತಿದ್ದಂತೆ ರುಬ್ಬಿಕೊಂಡ ಮಸಾಲೆ ಸೇರಿಸಿ ರುಚುಗೆ ತಕ್ಕಷ್ಟು ಉಪ್ಪು ಸೇರಿಸಿದರೆ ರುಚಿಕರವಾದ ಚಿಕನ್ ಸುಕ್ಕಾ ಸವಿಯಲು ಸಿದ್ಧವಾಗುತ್ತದೆ.

Advertisement
Advertisement