ಮುಂಬೈ: 2003ರಲ್ಲಿ ಬಿಡುಗಡೆಯಾಗಿ 2019ರವರೆಗೆ 16 ವರ್ಷಗಳ ಕಾಲ ಭಾರತದ ರಸ್ತೆಯನ್ನು ಆಳಿದ್ದ ಕರಿಜ್ಮಾ (Karizma) ಈಗ ಹೊಸ ಅವತಾರದಲ್ಲಿ ಮತ್ತೆ ಎಂಟ್ರಿ ಕೊಟ್ಟಿದೆ. ಬಹುನಿರೀಕ್ಷಿತ ಹೀರೋ ಕರಿಜ್ಮಾ XMR (Hero Karizma XMR) ಬೈಕನ್ನು ಬಾಲಿವುಡ್‌ ನಟ ಹೃತಿಕ್ ರೋಷನ್ (Hrithik Roshan) ಬಿಡುಗಡೆಗೊಳಿಸಿದರು. ಇದರ ಪರಿಚಯಾತ್ಮಕ ಬೆಲೆ ರೂ. 1,72,990. ಈಗಾಗಲೇ ಇದರ ಬುಕ್ಕಿಂಗ್‌ ಆರಂಭವಾಗಿದೆ.
ಹೊಸ ಕರಿಜ್ಮಾ XMR 210 ಸಿಸಿ ಲಿಕ್ವಿಡ್ ಕೂಲ್ಡ್ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದ್ದು 9,250 ಆರ್‌ಪಿಎಂನಲ್ಲಿ 25.15 ಎಚ್‌ಪಿ ಶಕ್ತಿ ಮತ್ತು 7,250 ಆರ್‌ಪಿಎಂನಲ್ಲಿ 20.4 ನ್ಯೂಟನ್‌ ಮೀಟರ್ ಟಾರ್ಕ್‌ ಉತ್ಪಾದಿಸುತ್ತದೆ. ಈ ಎಂಜಿನ್ 6-ಸ್ಪೀಡ್ ಟಾನ್ಸ್‌ಮಿಷನ್‌ ಹೊಂದಿದ್ದು, ಸ್ಲಿಪ್ ಮತ್ತು ಅಸಿಸ್ಟ್ ಕ್ಲಚ್ ಹೊಂದಿದೆ. ಇದರ ಟಾಪ್‌ ಸ್ಪೀಡ್ 143 KMPH ಇದ್ದು, ಒಂದು ಲೀಟರ್ ಪೆಟ್ರೋಲ್‌ಗೆ 32.8 KM ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.
Advertisement
Advertisement
ಹೊಸ ಕರಿಜ್ಮಾ XMR ಬೈಕ್ ಅಡ್ಜಸ್ಟೆಬಲ್ ವಿಂಡ್‌ಶೀಲ್ಡ್, ಟ್ವಿನ್ ಎಲ್‌ಇಡಿ ಡಿಆರ್‌ಎಲ್‌, ಇಂಟೆಲಿಜೆಂಟ್ ಇಲ್ಯುಮಿನೇಷನ್ ಎಲ್‌ಇಡಿ ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್, ಎಲ್‌ಇಡಿ ಟರ್ನ್ ಇಂಡಿಕೇಟರ್‌ಗಳು, ಎಲ್‌ಇಡಿ ಟೈಲ್‌ಲ್ಯಾಂಪ್ ಮತ್ತು 17-ಇಂಚಿನ ಆಲಾಯ್‌ ವ್ಹೀಲ್‌ಗನ್ನು ಹೊಂದಿದೆ. ಇದನ್ನೂ ಓದಿ: ಜಮ್ಮು ಕಾಶ್ಮೀರಕ್ಕೆ ಮರಳಿ ರಾಜ್ಯ ಸ್ಥಾನಮಾನ ಯಾವಾಗ? – ಕಾಲಮಿತಿ ತಿಳಿಸುವಂತೆ ಕೇಂದ್ರಕ್ಕೆ ಸುಪ್ರೀಂ ಸೂಚನೆ
Advertisement
ಹೊಸ ಕರಿಜ್ಮಾ XMR ಕಪ್ಪು, ಹಳದಿ ಮತ್ತು ಕೆಂಪು ಬಣ್ಣಗಳಲ್ಲಿ ಲಭ್ಯವಿದೆ. ಯಮಹಾ R15 V4, ಸುಜುಕಿ Gixxer SF 250, ಬಜಾಜ್ ಪಲ್ಸರ್ ಆರ್‌ಎಸ್ 200 ಮತ್ತು ಕೆಟಿಎಂ ಆರ್‌ಸಿ 200 ಬೈಕ್‌ಗಳು ಹೊಸ ಕರಿಜ್ಮಾಗೆ ಇರುವ ಪ್ರತಿಸ್ಪರ್ಧಿಗಳು.
Advertisement
Web Stories
