ನವದೆಹಲಿ: ಗುಜರಾತ್ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ಜಯಭೇರಿ ಬಾರಿಸಿದೆ. ಆದರೂ ಹಿಂದಿನ ಚುನಾವಣೆಗಳಿಗೆ ಹೋಲಿಸಿದರೆ ಕಾಂಗ್ರೆಸ್ ಉತ್ತಮ ಸಾಧನೆ ಮಾಡಿದೆ ಎಂಬ ವಿಶ್ಲೇಷಣೆ ಶುರುವಾಗಿದೆ. ಗುಜರಾತ್‍ನಲ್ಲಿ ಕಾಂಗ್ರೆಸ್ ಗೆದ್ದಿದ್ದೆಲ್ಲಿ? ಬಿಜೆಪಿ ಸೋತಿದ್ದೆಲ್ಲಿ? ಕಾಂಗ್ರೆಸ್ ಪರವಾಗಿ ಕೆಲಸ ಮಾಡಿದ ಅಂಶಗಳೇನು ಅನ್ನೋದು ಇಲ್ಲಿದೆ.
ಕಾಂಗ್ರೆಸ್ ಗೆದ್ದಿದ್ದೆಲ್ಲಿ?: ಮೋದಿ ಹವಾ ನಡುವೆಯೂ ಕಾಂಗ್ರೆಸ್ ಉತ್ತಮ ಸಾಧನೆ ಮಾಡಿದೆ. 1990ರ ಬಳಿಕ ಕಾಂಗ್ರೆಸ್ಸಿನದು ಅತ್ಯುತ್ತಮ ಸಾಧನೆಯಾಗಿದೆ. ಕಡೆ ಕ್ಷಣದಲ್ಲಿ ಹಿಂದೂ ದೇವಾಲಯಗಳಿಗೆ ರಾಹುಲ್ ಗಾಂಧಿ ಭೇಟಿ ನೀಡಿದ್ದು ವರದಾನವಾಗಿ ಪರಿಣಮಿಸಿದೆ.
30 ಕಡೆ ರಾಹುಲ್ ಗಾಂಧಿ ಕೈಗೊಂಡ ರ‍್ಯಾಲಿಗಳಿಂದ ಚೇತರಿಕೆಯಾಗಿದೆ. ಮತ್ತೊಂದು ಕಡೆ ಜಿಗ್ನೇಶ್ ಮೆವಾನಿ, ಅಲ್ಪೇಶ್ ಠಾಕೂರ್, ಹಾರ್ದಿಕ್ ಪಟೇಲ್ ಪ್ರಚಾರ ವರದಾನವಾಗಿದೆ. ರಾಹುಲ್ ಸೇರಿ, ನಾಲ್ವರು ಯುವ ನಾಯಕರೇ ಕಾಂಗ್ರೆಸ್ಸಿಗೆ ಆನೆಬಲ ಅಂತಾರೆ ರಾಜಕೀಯ ವಿಶ್ಲೇಷಕರು.
ಬಿಜೆಪಿ ಸೋತಿದ್ದೆಲ್ಲಿ?: ಗ್ರಾಮೀಣ ಪ್ರದೇಶಗಳಲ್ಲಿ ಮೋದಿ ತಂತ್ರ ವರ್ಕ್ ಔಟ್ ಆದಂತಿಲ್ಲ. 2012ಕ್ಕೆ ಹೋಲಿಸಿದರೆ ಬಿಜೆಪಿ ಕಳೆದುಕೊಂಡಿದ್ದೇ ಹೆಚ್ಚು. ಮೋರ್ಬಿ, ಅಮ್ರೇಲಿ, ತಾಪಿ, ಡಾಂಗ್ಸ್, ನರ್ಮದಾ ಜಿಲ್ಲೆಗಳಲ್ಲಿ ಶೂನ್ಯ ಸಂಪಾದನೆಯಾಗಿದೆ. 1995ರ ನಂತರ ಇದು ಬಿಜೆಪಿಯ ಕಳಪೆ ಸಾಧನೆ ಅಂತ ವಿಶ್ಲೇಷಿಸಲಾಗಿದೆ.
ಇದನ್ನೂ ಓದಿ: ಗುಜರಾತ್‍ನಲ್ಲಿ ಬಿಜೆಪಿ ಗೆದ್ದಿದ್ದೆಲ್ಲಿ? ಕಾಂಗ್ರೆಸ್ ಸೋತಿದ್ದೆಲ್ಲಿ?
