ಬಹುಭಾಷಾ ನಟಿ ಹರಿಪ್ರಿಯಾ ತಮ್ಮ ಮುದ್ದು ನಟನೆ ಮೂಲಕ ಕನ್ನಡಿಗರ ಗಮನ ಸೆಳೆದಿದ್ದಾರೆ. ನಟನೆ ಜೊತೆಗೆ ಪ್ರಾಣಿಗಳ ಮೇಲೆ ಹೆಚ್ಚು ಕಾಳಜಿ ಇರುವ ಈ ನಟಿ ತಮ್ಮ ಮನೆಗೆ ಹೊಸದಾಗಿ ತಂದಿರುವ ಮುದ್ದು ಸದಸ್ಯನನ್ನು ಅಭಿಮಾನಿಗಳಿಗೆ ಪರಿಚಯ ಮಾಡಿಕೊಟ್ಟಿದ್ದಾರೆ.
ಪ್ರಾಣಿಗಳ ಜೊತೆ ಮನುಷ್ಯರ ಸಂಬಂಧ ಮೀರಿಸಲು ಯಾರಿಂದಲೂ ಸಾಧ್ಯವಾಗುವುದಿಲ್ಲ. ತಮ್ಮ ವೈಯಕ್ತಿಕ ಜೀವನಕ್ಕೆ ಹೆಚ್ಚು ಸ್ಪಂದಿಸುವ ಜೀವಗಳಾಗಿ ಈ ಮುದ್ದು ಪ್ರಾಣಿಗಳು ಮನುಷ್ಯರಲ್ಲಿ ಬೆರೆತು ಹೋಗಿರುತ್ತೆ. ಇದಕ್ಕೆ ಹರಿಪ್ರಿಯಾ ಸಹ ಹೊರತಲ್ಲ. ಅವರು ಎಲ್ಲೇ ಹೋದರು ಪ್ರಾಣಿಗಳ ಜೊತೆ ಕಾಲ ಕಳೆಯುತ್ತಾ ಇರುತ್ತಾರೆ. ಇದನ್ನೂ ಓದಿ: ಡ್ಯಾನ್ಸ್ ಮಾಸ್ಟರ್‌ಗೆ ದುಬಾರಿ ಗಿಫ್ಟ್ ಕೊಟ್ಟ ಕಿಚ್ಚ
Meet Crystal ????newest addition 2 our family,3.5 months old blue-eyed husky????Wn I was missing Lucky,Crystal came in home 2 months ago as a surprise gift☺️It’s as though I’m meeting Lucky all over again????He was also born on d same day as Lucky-Dec 6th!❤️Shower ur blessings 2 him ???? pic.twitter.com/BJSvcoDx0w
— HariPrriya (@HariPrriya6) March 25, 2022
ಈ ನಟಿ ತಮ್ಮ ಮನೆಗೆ ಹೊಸದಾಗಿ ಸೇರುತ್ತಿರುವ ಮುದ್ದು ಸದಸ್ಯನ ಬಗ್ಗೆ ಟ್ವಟ್ಟರ್‌ನಲ್ಲಿ, ಕ್ರಿಸ್ಟಲ್‍ನನ್ನು ಮೀಟ್ ಮಾಡಿ. ನಮ್ಮ ಕುಟುಂಬಕ್ಕೆ ಹೊಸ ಸೇರ್ಪಡೆ. 3.5 ತಿಂಗಳ ವಯಸ್ಸಿನ ನೀಲಿ ಕಣ್ಣಿನ ಹಸ್ಕಿ. ನಾನು ನನ್ನ ಲಕ್ಕಿಯನ್ನು ಕಳೆದುಕೊಂಡ ನಂತರ, ನಮ್ಮ ಮನೆಗೆ 2 ತಿಂಗಳ ಹಿಂದೆ ಸರ್ಪ್ರೈಸ್ ಗಿಫ್ಟ್ ಆಗಿ ಇವನು ಬಂದನು. ನಾನು ಮತ್ತೆ ನಿಮಗೆ ಲಕ್ಕಿಯನ್ನು ಭೇಟಿ ಮಾಡಿಸುತ್ತಿದ್ದೇನೆ. ಏಕೆಂದರೆ ಲಕ್ಕಿ ಕೂಡ ಡಿಸೆಂಬರ್ 6 ರಂದು ಜನಿಸಿದ್ದು, ಕ್ರಿಸ್ಟಲ್ ಸಹ ಅದೇ ದಿನ ಜನಿಸಿದ್ದಾನೆ. ನಿಮ್ಮ ಆಶೀರ್ವಾವಾದವನ್ನು ಕ್ರಿಸ್ಟಲ್‍ಗೆ ನೀಡಿ ಎಂದು ಬರೆದು ಫೋಟೋವನ್ನು ಟ್ವೀಟ್ ಮಾಡಿದ್ದಾರೆ.
ಈ ಫೋಟೋದಲ್ಲಿ ಮುದ್ದು ಹಸ್ಕಿ ಕ್ಯಾಮರಾ ಕಡೆ ನೋಡುತ್ತಿದ್ದು, ಮುದ್ದಾಗಿ ಕಾಣಿಸುತ್ತಿದೆ. ಹರಿಪ್ರಿಯಾ ತಮ್ಮ ಮನೆಯಲ್ಲಿ ಸಾಕು ಪ್ರಾಣಿಗಳ ಜೊತೆ ಕಾಲಕಳೆಯುವ ವೀಡಿಯೋ ಮತ್ತು ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡುತ್ತಿರುತ್ತಾರೆ. ಅಲ್ಲದೆ ಶಿವರಾತ್ರಿ ಸಮಯದಲ್ಲಿ ಉಡುಪಿ ಮಠಕ್ಕೆ ಹೋಗಿದ್ದ ಈ ನಟಿ ಆನೆಗಳ ಜೊತೆ ಸಮಯ ಕಳೆದಿದ್ದು, ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಇದನ್ನೂ ಓದಿ: ಸಿನಿಜರ್ನಿಯನ್ನ ಕೊನೆಗೊಳಿಸುತ್ತಾರಾ ನಾಟ್ಯಸುಂದರಿ ಸಾಯಿ ಪಲ್ಲವಿ?
ಹರಿಪ್ರಿಯಾ ತಮ್ಮ ಬೋಲ್ಡ್ ನಟನೆ ಮೂಲಕ ಅಭಿಮಾನಿಗಳ ಮನಸ್ಸು ಗೆದ್ದಿದ್ದರು ಪ್ರಸ್ತುತ ಯಾವುದೇ ಹೊಸ ಸಿನಿಮಾಗಳನ್ನು ಘೋಷಣೆ ಮಾಡಿಲ್ಲ.
