ಯುವತಿಗೆ ಅಶ್ಲೀಲ ಮೇಸೆಜ್ ಮಾಡಿದ್ದಕ್ಕೆ ಬಿತ್ತು ಸಖತ್ ಗೂಸಾ!

ಬಳ್ಳಾರಿ: ಉದ್ಯೋಗಿಯೊಬ್ಬ ಯುವತಿಗೆ ಅಶ್ಲೀಲವಾಗಿ ಮೇಸೆಜ್ ಮಾಡಿದಕ್ಕೆ ಸಖತ್ ಹಿಗ್ಗಾಮುಗ್ಗಾ ಥಳಿಸಿಕೊಂಡ ಘಟನೆ ಜಿಲ್ಲೆಯ ಜಿಂದಾಲ್ ಕಾರ್ಖಾನೆಯ ಹೊರಗಡೆ ನಡೆದಿದೆ. ಗೂಸಾ ನೀಡುತ್ತಿರುವ ವಿಡಿಯೋ ಈಗ ವೈರಲ್ ಆಗಿದೆ.

ಬಳ್ಳಾರಿ ಮೂಲದ ಯುವತಿಯೊಬ್ಬಳಿಗೆ ಜಿಂದಾಲ್ ಕಾರ್ಖಾನೆಯ ಎಚ್‍ಆರ್‍ಡಿ ವಿಭಾಗದ ಪಿಎಫ್ ಆಫೀಸರ್ ಸಂಜೀವ ನಾಯಕ ಎಂಬಾತ ಅಶ್ಲೀಲವಾಗಿ ಮೇಸೆಜ್ ಮಾಡಿದ್ದ. ಹೀಗಾಗಿ ಯುವತಿಯ ಕಡೆಯ ಮೂರು ಮಂದಿ ಮುಗಿಬಿದ್ದು ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.

ಹಲ್ಲೆಗೆ ಒಳಗಾದ ಸಂಜೀವ ತಪ್ಪಾಯ್ತು ಕ್ಷಮಿಸಿ ಅಂತಾ ಕೈ ಮುಗಿದರೂ ಯುವತಿಯ ಕಡೆಯವರು ಹಿಗ್ಗಾಮುಗ್ಗಾ ಗೂಸಾ ನೀಡಿದ್ದಾರೆ. ಹಲ್ಲೆಗೆ ಒಳಗಾದ ಸಂಜೀವನ ಬಾಯಲ್ಲಿ ರಕ್ತ ಬರುವ ಹಾಗೆ ಹಲ್ಲೆ ಮಾಡಿದ್ದಾರೆ.

ತೋರಣಗಲ್ ಪೊಲೀಸರು ಹಲ್ಲೆ ಮಾಡಿದ ಆರೋಪಿಗಳಿಗೆ ಶೋಧ ನಡೆಸುತ್ತಿದ್ದಾರೆ. ಆದರೆ ಹಲ್ಲೆಗೆ ಒಳಗಾದ ಸಂಜೀವ್ ಮಾತ್ರ ಈ ಬಗ್ಗೆ ಪೊಲೀಸರಿಗೆ ಇದೂವರೆಗೂ ಸಹ ದೂರು ನೀಡಿಲ್ಲ.