ಮುಂಬೈ: ಬಾಲಿವುಡ್ ತಾರೆ ಆಲಿಯಾ ಭಟ್ ನಟನೆಯ ಗಂಗೂಬಾಯಿ ಕಾಠಿಯಾವಾಡಿ ಇದೇ ಶುಕ್ರವಾರದಂದು ಬಿಡುಗಡೆ ಆಗಿದೆ. ಬಿಡುಗಡೆಗೊಂಡ ಮೊದಲ ದಿನವೇ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ ಈ ಚಿತ್ರವು ಅಂದಾಜು 7 ಕೋಟಿ ಗಳಿಸಬಹುದು ಎಂಬ ಲೆಕ್ಕಾಚಾರವಿತ್ತು. ಆದರೆ ಅಚ್ಚರಿ ಪಡುವಷ್ಟು ಗಂಗೂಬಾಯಿ ಗಲ್ಲಾಪೆಟ್ಟಿಗೆ ತುಂಬಿಸಿದ್ದಾಳೆ. ಮೊದಲ ದಿನವೇ ಬರೋಬ್ಬರಿ 10.50 ಕೋಟಿ ರೂ. ಈ ಸಿನಿಮಾ ಬಾಚಿಕೊಂಡಿದೆ.
Advertisement
ರಿಲೀಸ್ ಆದ ಎರಡನೇ ದಿನ ಶನಿವಾರ 13.32 ಕೋಟಿ ರೂಪಾಯಿ, ಮೂರನೇ ದಿನ ಭಾನುವಾರ 15.30 ಕೋಟಿ ರೂಪಾಯಿ ಗಳಿಸಿತ್ತು. ಈ ಮೂಲಕ ಮೂರನೇ ದಿನಕ್ಕೆ ಈ ಚಿತ್ರದ ಕಲೆಕ್ಷನ್ 39.12 ಕೋಟಿ ರುಪಾಯಿ ದಾಟಿತ್ತು. ವೀಕೆಂಡ್ ಅಲ್ಲದೇ, ವೀಕ್ ಡೇಸ್ ನಲ್ಲೂ ಅದರ ಲೆಕ್ಕಾಚಾರ ಕೆಳಗಿಳಿಯಲಿಲ್ಲ. ಸೋಮವಾರವೂ ಚಿತ್ರದ ಕಲೆಕ್ಷನ್ ಕುಗ್ಗದೇ, ವಾರದ ಮೊದಲ ದಿನವಾದರೂ ಅಂದಾಜು 8.20 ಕೋಟಿ ರೂಪಾಯಿ ಸಿನಿಮಾ ಗಳಿಸಿದೆ. ಈ ಮೂಲಕ ಚಿತ್ರದ ಕಲೆಕ್ಷನ್ ಅಂದಾಜು 47 ಕೋಟಿ ರೂಪಾಯಿ ಎನ್ನಲಾಗುತ್ತಿದೆ. ಇದನ್ನೂ ಓದಿ : ದುನಿಯಾ ವಿಜಯ್ ಹೊಸ ಚಿತ್ರಕ್ಕೆ ಟೈಟಲ್ ಫಿಕ್ಸ್
Advertisement
Advertisement
ಚಿತ್ರವು ತೆರೆಗೆ ಬಂದು ಇಂದಿಗೆ 4 ದಿನಗಳಾಗಿವೆ. ಅಲ್ಲದೇ, ಮಹಾ ಶಿವರಾತ್ರಿ ನಿಮಿತ್ಯ ದೇಶಾದ್ಯಂತ ಹಬ್ಬಕ್ಕೆ ಸರ್ಕಾರಿ ರಜೆ ಇದೆ. ಈ ಕಾರಣಕ್ಕೆ ಪ್ರೇಕ್ಷಕರು ಹೆಚ್ಚಿನ ಸಂಖ್ಯೆಯಲ್ಲಿ ಚಿತ್ರಮಂದಿರದತ್ತ ಧಾವಿಸಿದ್ದರು. ಹೀಗಾಗಿ, ಈ ಸಿನಿಮಾ ಮಂಗಳವಾರ ಮಧ್ಯಾಹ್ನದವರೆಗೆ 10 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದ ಅಂದಾಜಿದೆ. ಹೀಗೆ ಗಂಗೂಬಾಯಿಯ ನಾಲ್ಕು ದಿನಗಳ ಒಟ್ಟು ಕಲೆಕ್ಷನ್ ಅಂದಾಜು 57 ಕೋಟಿ ದಾಟಬಹುದು ಅಂತಿದೆ ಬಿ ಟೌನ್ ಬಾಕ್ಸ್ ಆಫೀಸ್. ಸಿನಿಮಾದ ಕಲೆಕ್ಷನ್ ಹೀಗೆಯೇ ಮುಂದುವರಿದರೆ ಈ ವಾರಾಂತ್ಯಕ್ಕೆ ಗಂಗೂಬಾಯಿ 100 ಕೋಟಿ ಕ್ಲಬ್ ಗೆ ಸೇರಳಿದ್ದಾಳೆ. ಇದನ್ನೂ ಓದಿ : ಸಿಂಪಲ್ ಸುನಿ ನಿರ್ದೇಶನದ ಸಿನಿಮಾದಲ್ಲಿ ವಾಸ್ಕೋಡಿಗಾಮನ ಕಥೆ
Advertisement
