ಲಕ್ನೋ: ಇತ್ತೀಚೆಗೆ ಯೂಟ್ಯೂಬ್, ಇನ್‌ಸ್ಟಾಗ್ರಾಮ್ ರೀಲ್ಸ್ಗಳಲ್ಲಿ ಕೇಳಿ ಬರುತ್ತಿರುವ ವೈರಲ್ ಶಿವನ ಸ್ತುತಿಯ ಹಾಡು ಹರ್ ಹರ್ ಶಂಭು ಎಲ್ಲರ ಮನ ಗೆದ್ದಿದೆ. ಆದರೆ ಹಾಡು ಹಾಡಿದವರು ಯಾರು ಎಂಬ ಬಗ್ಗೆ ಹೆಚ್ಚಿನವರಿಗೆ ಗೊತ್ತಿಲ್ಲ. ವೈರಲ್ ಆದ ಬೆನ್ನಲ್ಲೇ ಹಾಡನ್ನು ಹಾಡಿದ ಗಾಯಕಿಗೆ ಮುಸ್ಲಿಮರಿಂದ ಅಪಸ್ವರ ವ್ಯಕ್ತವಾಗಿದೆ.
ಇತ್ತೀಚಿನ ವೈರಲ್ ಹಾಡು ಹರ್ ಹರ್ ಶಂಭು ಹಾಡಿದ ಉತ್ತರ ಪ್ರದೇಶ ಮೂಲದ ಮುಸ್ಲಿಂ ಮಹಿಳೆ ಫರ್ಮಾನಿ ನಾಜ್‌ಗೆ ದೇಶಾದ್ಯಂತ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಅವರು ಜುಲೈ 24 ರಂದು ಯೂಟ್ಯೂಬ್‌ಗೆ ಪೋಸ್ಟ್ ಮಾಡಿದ ಹಾಡು ಇದುವರೆಗೆ 7 ಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಪಡೆದುಕೊಂಡಿದೆ. ಅವರ ಸಾಮಾಜಿಕ ಮಾಧ್ಯಮ ಖಾತೆಗಳ ಅನುಯಾಯಿಗಳು ಹೆಚ್ಚಾಗುತ್ತಿರುವುದರೊಂದಿಗೆ ಬೆಂಬಲ ವ್ಯಕ್ತವಾಗಿದೆ.
Advertisement
Advertisement
ಫರ್ಮಾನಿ ನಾಜ್‌ಗೆ ಹಿಂದೂಗಳಿಂದ ಬೆಂಬಲ ವ್ಯಕ್ತವಾಗುತ್ತಿದ್ದರೂ ಮುಸ್ಲಿಮರಿಂದ ವಿರೋಧ ವ್ಯಕ್ತವಾಗುತ್ತಿದೆ. ದಿಯೋಬಂದ್ ಮೂಲದ ಧರ್ಮಗುರು ಮುಫ್ತಿ ಅಸದ್ ಖಾಸ್ಮಿ ಷರಿಯಾ ಕಾನೂನಿನ ಅಡಿಯಲ್ಲಿ ಹಿಂದೂ ದೇವತೆಯ ಹಾಡನ್ನು ಹಾಡಲು ಮುಸ್ಲಿಮರಿಗೆ ಅನುಮತಿಯಿಲ್ಲ ಎಂದು ಹೇಳಿದ್ದಾರೆ. ಆಕೆ ತನ್ನನ್ನು ಮುಸ್ಲಿಂ ಎಂದು ಭಾವಿಸುತ್ತಾಳಾದರೆ ಹಿಂದೂ ಹಾಡನ್ನು ಹಾಡಬಾರದು ಎಂದಿದ್ದಾರೆ.
Advertisement
ಫರ್ಮಾನಿ ನಾಜ್ ಯಾರು?
ಮುಜಾಫರ್‌ನಗರದ ಪ್ರಸಿದ್ಧ ಗಾಯಕಿ ಫರ್ಮಾನಿ ನಾಜ್ ತಮ್ಮ ಯೂಟ್ಯೂಬ್ ಖಾತೆಯಲ್ಲಿ 38 ಲಕ್ಷಕ್ಕೂ ಅಧಿಕ ಫಾಲೊವರ್‌ಗಳನ್ನು ಹೊಂದಿದ್ದಾರೆ. ಅವರ ಪ್ರಸಿದ್ಧಿ ಇಷ್ಟಕ್ಕೇ ಸೀಮಿತವಾಗದೇ ಪ್ರಸಿದ್ಧ ರಿಯಾಲಿಟಿ ಶೋ ಇಂಡಿಯನ್ ಐಡಲ್ ಸೀಸನ್ 12 ರಲ್ಲಿ ಭಾಗವಹಿಸಿದ್ದರು. ಇದನ್ನೂ ಓದಿ: ನೋವಿಗೆ ರಾಜೀನಾಮೆಯೇ ಪರಿಹಾರವಲ್ಲ: ಈಶ್ವರಪ್ಪ
Advertisement
2017ರಲ್ಲಿ ಫರ್ಮಾನಿ ನಾಜ್ ಮದುವೆಯಾಗಿದ್ದರು. ಒಂದು ಮಗುವೂ ಆಕೆಗಿದ್ದು, ಅದು ಅನಾರೋಗ್ಯಕ್ಕೆ ತುತ್ತಾಗಿತ್ತು. ಇರಿಂದ ಆಕೆಯ ಪತಿ ಮಗುವಿನ ಚಿಕಿತ್ಸೆಗೆ ಹಣ ಭರಿಸಲು ಸಾಧ್ಯವಿಲ್ಲವೆಂದು ಆಕೆಯನ್ನು ಬಿಟ್ಟು ಹೋಗಿದ್ದ. ಬಳಿಕ ಆಕೆ ತನ್ನ ತಾಯಿಯ ಮನೆಯಲ್ಲಿಯೇ ವಾಸಿಸಲು ಪ್ರಾರಂಭಿಸಿದರು.
ಇದಾದ ಬಳಿಕ ಗಾಯನವನ್ನು ಪ್ರಾರಂಭಿಸಿದ ಫರ್ಮಾನಿ ನಾಜ್ ತಮ್ಮ ಹಳ್ಳಿಯ ಯುವಕರೊಂದಿಗೆ ಸೇರಿ ಯೂಟ್ಯೂಬ್ ಚಾನೆಲ್ ಅನ್ನು ಪ್ರಾರಂಭಿಸಿದರು. ಬಳಿಕ ಇಂಡಿಯನ್ ಐಡಲ್‌ನಲ್ಲೂ ಭಾಗವಹಿಸಲು ನಿರ್ಧರಿಸಿದರು. ಅವರ ಧ್ವನಿ ತೀರ್ಪುಗಾರರ ಹಾಗೂ ಅಭಿಮಾನಿಗಳ ಮೆಚ್ಚುಗೆಗೂ ಕಾರಣವಾಯಿತು.
ಫರ್ಮಾನಿ ನಾಜ್ ಇತ್ತೀಚೆಗೆ ಹಾಡಿದ ಹರ್ ಹರ್ ಶಂಭು ಕಲಾವಿದರಿಗೆ ಯಾವುದೇ ಧರ್ಮವಿಲ್ಲ ಎಂಬ ಸಂದೇಶವನ್ನು ಸಾರುತ್ತದೆ ಎಂದು ಫರ್ಮಾನಿ ನಾಜ್ ಹೇಳಿದ್ದಾರೆ. ಸಲೀಮ್, ಮೊಹಮ್ಮದ್, ರಫಿಯಂತಹವರೂ ಕೂಡಾ ಭಜನೆ ಹಾಗೂ ಭಕ್ತಿ ಗೀತೆಗಳನ್ನು ಹಾಡಿದ್ದಾರೆ. ಧರ್ಮ ಹಾಗೂ ಸಂಗೀತನ್ನು ಎಂದಿಗೂ ಜೋಡಿಸಬೇಡಿ ಎಂದು ಫರ್ಮಾನಿ ನಾಜ್ ವಿನಂತಿ ಮಾಡಿಕೊಂಡಿದ್ದಾರೆ. ಇದನ್ನೂ ಓದಿ: ನಾಲ್ವರು ಸಂಸದರ ಅಮಾನತು ಹಿಂಪಡೆದ ಸ್ಪೀಕರ್
ಹರ್ ಹರ್ ಶಂಭು ಹಾಡು ವೈರಲ್ ಆಗುತ್ತಿದ್ದಂತೆ ಮೆಚ್ಚುಗೆ ವ್ಯಕ್ತಪಡಿಸಿರುವ ಬಿಜೆಪಿ ಮುಖಂಡ ಸಂಜೀವ್ ಬಲ್ಯಾನ್ ಫರ್ಮಾನಿ ನಾಜ್ ಅವರನ್ನು ಹೊಗಳಿದ್ದು, ಆಕೆಯ ಮಗುವಿಗೆ ಚಿಕಿತ್ಸೆ ಕೊಡಿಸಲು ಸಹಾಯ ಮಾಡುವುದಾಗಿಯೂ ಭರವಸೆ ನೀಡಿದ್ದಾರೆ.
Live Tv
[brid partner=56869869 player=32851 video=960834 autoplay=true]
