ಬರ ಪರಿಸ್ಥಿತಿ ಪರಿಶೀಲನೆಗೆ ತಂಡ ಕಳಿಸಿಕೊಡಲು ಮೋದಿಗೆ ಮನವಿ ಮಾಡಿದ್ದೇವೆ: ಸಿಎಂ ಡಿಕೆಶಿ

– ಕುಡಿಯೋ ನೀರಿಗೆ ಕೊರತೆ ಇಲ್ಲ, ಬೆಳೆ ಬೆಳೆಯೋಕೆ ಆಗಲ್ಲ
– 32 ಸಾವಿರ ಕೆರೆಗಳಲ್ಲಿ 50% ಗಿಂತಲೂ ಕಡಿಮೆ ನೀರು; ಸಿಎಂ

ಬೆಂಗಳೂರು: ರಾಜ್ಯದಲ್ಲಿ ಬರ ಪರಿಸ್ಥಿತಿ (Drought Situation) ಬಗ್ಗೆ ಅಧ್ಯಯನ ಮಾಡಲಾಗಿದ್ದು, ಜಿಲ್ಲಾ ಪಂಜಾಯಿತಿ ವ್ಯಾಪ್ತಿಯ 32 ಸಾವಿರ ಕರೆಗಳಲ್ಲಿ 50% ಕಡಿಮೆ ನೀರಿದೆ. ಪ್ರತಿ ತಾಲೂಕಿನಲ್ಲೂ ಅಧ್ಯಯನ ಮಾಡಿ ಪರಿಸ್ಥಿತಿ ಬಗ್ಗೆ ವರದಿ ಕೊಡುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ. ಮುಂದಿನ 15 ದಿನಗಳಲ್ಲಿ ಬರ ಪರಿಸ್ಥಿತಿ ಬಗ್ಗೆ ಕೇಂದ್ರ ಸರ್ಕಾರಕ್ಕೆ ಕೊಡಬೇಕಿದ್ದು, ಬರ ಪರಸ್ಥಿತಿ ಪರಿಶೀಲನೆಗೆ ತಂಡ ಕಳಿಸಲು ಪ್ರಧಾನಿಗಳಿಗೆ ಮನವಿ ಮಾಡಲಾಗಿದೆ ಎಂದು ಸಿಎಂ ಡಿಕೆ ಶಿವಕುಮಾರ್‌ (DK Shivakumar) ಹೇಳಿದರು.

ರಾಜ್ಯದಲ್ಲಿ ಬರ ಪರಿಸ್ಥಿತಿಯ ಕುರಿತು ಜಿಲ್ಲಾಧಿಕಾರಿಗಳೊಂದಿಗೆ ಸಭೆ ನಡೆಸಿದ ಬಳಿಕ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ರಾಜ್ಯಕ್ಕೆ 60% ರಷ್ಟು ಮಳೆ (Rain) ಕಡಿಮೆ ಇದೆ. 128 ತಾಲೂಕಿನಲ್ಲೂ ಮಳೆ ಕೊರತೆ ಇದೆ, 158 ತಾಲೂಕಿನಲ್ಲೂ ಬಹಳ ಸಾಧಾರಣ ಮಳೆ ಇದೆ ಅಂತಾ ಮಾಹಿತಿ ಪಡೆದಿದ್ದೇನೆ. ರಾಜ್ಯದಲ್ಲಿ ಜಲಾಶಯಗಳಲ್ಲಿ 40% ನೀರಿದ್ದು, ಕುಡಿಯುವುದಕ್ಕೆ ಮಾತ್ರ ನೀರಿದೆ. ಕುಡಿಯುವ ನೀರಿಗೆ ಯಾವುದೇ ಸಮಸ್ಯೆ ಇಲ್ಲ. ನೀರು ಬಂದ ಮೇಲೆ ಬೆಳೆ ಹಾಕಬೇಕು, ರೈತರಿಗೆ (Farmers) ನೀರಿನ ಬಗ್ಗೆ ಮನವರಿಕೆ ಮಾಡಬೇಕು. ಬೆಳೆ ಹಾಕಿಕೊಳ್ಳಬಾರದು. ಜಲವಿದ್ಯುತ್ ಗೆ 23% ನೀರಷ್ಟೇ ಇದೆ ಎಂದು ಮಾಹಿತಿ ನೀಡಿದರು.

ಎಲ್ಲಾ ತಾಲೂಕಿನಲ್ಲಿ ಅಂತರ್ಜಲದ ಬಗ್ಗೆ ಮಾಹಿತಿ ಪಡೆಯಲಾಗಿದೆ. ಜಿಲ್ಲಾ ಪಂಜಾಯಿತಿ ವ್ಯಾಪ್ತಿಯ 32 ಸಾವಿರ ಕರೆಗಳಲ್ಲಿ 50% ಕಡಿಮೆ ನೀರಿದೆ. 1 ಕೋಟಿ ಪ್ರತಿ ಕ್ಷೇತ್ರದಲ್ಲಿ ಕುಡಿಯುವ ನೀರಿಗೆ ಬಳಸಲು ಸೂಚನೆ ನೀಡಲಾಗಿದೆ. ದುಡ್ಡಿನ ಕೊರತೆ ಇರದ ಹಾಗೇ ಮಾಡಲಾಗಿದೆ, ಶಾಸಕರ ಅಧ್ಯಕ್ಷತೆ ಕ್ರಮಕ್ಕೆ ಸೂಚನೆ ನೀಡಲಾಗಿದೆ ಎಂದು ತಿಳಿಸಿದ್ರು. ಇದನ್ನೂ ಓದಿ: ವಾಸ್ತುಪ್ರಕಾರವೇ ಚೆನ್ನಮ್ಮ ಅಂತ್ಯಕ್ರಿಯೆಗೆ ಸ್ಥಳ ನಿಗದಿ – 5 ಎಸ್ಪಿಗಳ ನೇತೃತ್ವದಲ್ಲಿ 2,000ಕ್ಕೂ ಹೆಚ್ಚು ಪೊಲೀಸರ ಭದ್ರತೆ

ನರೇಗಾ ವಿಚಾರದಲ್ಲಿ ಪ್ರತಿಭಟನೆ ಮಾಡಲಾಗಿತ್ತು. ವಿಬಿ ಜಿರಾಮ್‌ಜಿಗೆ 40% ಹಣ ಕೊಡಬೇಕಾಗುತ್ತೆ. ಸಮುದಾಯ ಅಭಿವೃದ್ಧಿ ಸೇರಿ ಜನರಿಗೆ ಬೇಕಾಗುವ ಕೆಲಸಕ್ಕೆ ಆದ್ಯತೆ ನೀಡಬೇಕು. ಗುಳೆ ಹೋಗದಂತೆ ಕ್ರಮ ಕೈಗೊಳ್ಳಬೇಕು. ಗ್ರಾಮಸಭೆ ಮಾಡಿ ಕ್ರಮಕ್ಕೆ ಸೂಚನೆ ನೀಡಲಾಗಿದೆ ಎಂದು ವಿವರಿಸಿದ್ರು. ಇದನ್ನೂ ಓದಿ: ನಾಳೆಯಿಂದ ಸಂಸತ್ ಮುಂಗಾರು ಅಧಿವೇಶನ – ಕ್ಷೇತ್ರ ಪುನರ್ ವಿಂಗಡಣೆ, ಒಂದು ರಾಷ್ಟ್ರ ಒಂದು ಚುನಾವಣೆ ಬಿಲ್ ಪಾಸ್‌ಗೆ ಕೇಂದ್ರ ರಣತಂತ್ರ

ಮುಂದುವರಿದು… ಪ್ರತಿ ತಾಲೂಕಿನಲ್ಲಿ ಸ್ಥಳಕ್ಕೆ ಹೋಗಿ ಬರ ಪರಿಸ್ಥಿತಿ ಅಧ್ಯಯನ ಮಾಡಿ ರಿಪೋರ್ಟ್‌ ಕೊಡುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ. ಮೇವು ಸಂಗ್ರಹಕ್ಕೂ ಸೂಚನೆ ಕೊಡಲಾಗಿದೆ, ಮೇವು ಸಮಸ್ಯೆ ಕಾಣುತ್ತಿಲ್ಲ. ಇದರೊಂದಿಗೆ ಸಣ್ಣ ರೈತರ ಹಿತ ಕಾಯ್ದುಕೊಳ್ಳುವಂತೆ ಹಾಗೂ ಜನರು ಗುಳೆ ಹೋಗುವುದನ್ನ ತಡೆಯುವಂತೆ ಅಧಿಕಾರಿಗಳಿಗೆ ಕ್ರಮ ಕೈಗೊಳ್ಳಲು ತಿಳಿಸಿರುವುದಾಗಿ ಹೇಳಿದರು. 15 ದಿನದಲ್ಲಿ ಬರ ಪರಿಸ್ಥಿತಿ ಬಗ್ಗೆ ಕೇಂದ್ರ ಸರ್ಕಾರಕ್ಕೆ ಕೊಡಬೇಕಾಗಿದೆ. ಪ್ರಧಾನಿಗೆ ಬರದ ಪರಸ್ಥಿತಿ ಪರಿಶೀಲನೆಗೆ ತಂಡ ಕಳಿಸಲು ಮನವಿ ಮಾಡಲಾಗಿದೆ.