Connect with us

Latest

ಚುಡಾಯಿಸಿದವನಿಗೆ ನಡುರಸ್ತೆಯಲ್ಲೇ ಹಿಗ್ಗಾಮುಗ್ಗಾ ಥಳಿಸಿದ ಯುವತಿ: ವಿಡಿಯೋ ನೋಡಿ

Published

on

ನವದೆಹಲಿ: ಮಾರ್ಕೆಟ್ ನಲ್ಲಿ ಯುವಕರ ಗುಂಪೊಂದು ಯುವತಿಗೆ ಚುಡಾಯಿಸಿದ್ದಕ್ಕೆ ಗುಂಪಿನಲ್ಲಿದ್ದ ವ್ಯಕ್ತಿಗೆ ಯುವತಿ ನಡುರಸ್ತೆಯಲ್ಲೇ ಹಿಗ್ಗಾಮುಗ್ಗಾ ಥಳಿಸಿದ ಘಟನೆ ಭಾನುವಾರ ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ನಡೆದಿದೆ.

ಯುವತಿ ತನ್ನ ಸ್ನೇಹಿತೆ ಜೊತೆ ಕರೋಲ್ ಬಾಗ್‍ನಲ್ಲಿರುವ ಗಫತರ್ ಮಾರ್ಕೆಟ್‍ಗೆ ಹೋಗುತ್ತಿದ್ದಳು. ಆಗ 4-5 ಯುವಕರ ಗುಂಪೊಂದು ಕೆಟ್ಟ ಸನ್ನೆ ಮಾಡುವ ಮೂಲಕ ಯುವತಿಗೆ ಚುಡಾಯಿಸಿದ್ದಾರೆ. ಯುವಕರ ಈ ವರ್ತನೆ ಕಂಡು ಯುವತಿ ಹಾಗೂ ಆಕೆಯ ಸ್ನೇಹಿತೆ ಆಟೋ ಹತ್ತಿ ಅಲ್ಲಿಂದ ಹೊರಟಿದ್ದಾರೆ.

ಯುವತಿಯರು ಆಟೋ ಹತ್ತಿ ಹೋಗಿದ ಕೂಡಲೇ ಈ ಯುವಕರ ಗುಂಪು ಕೂಡ ಆಟೋವನ್ನು ಫಾಲೋ ಮಾಡಿದ್ದಾರೆ. ಫಾಲೋ ಮಾಡುತ್ತಿರುವಾಗ ಕೆಟ್ಟ ಕಮೆಂಟ್ಸ್ ಗಳನ್ನು ಕೊಟ್ಟಿದ್ದಾರೆ. ಆಗ ಯುವತಿ ತಕ್ಷಣ ಆಟೋದಿಂದ ಇಳಿದು ಯುವಕರಿಗೆ ತರಾಟೆಗೆ ತೆಗೆದುಕೊಂಡಿದ್ದಾಳೆ. ಯುವಕನ ಶರ್ಟ್ ಕಾಲರ್ ಹಿಡಿದು ಹಿಗ್ಗಾಮುಗ್ಗಾ ಥಳಿಸಿದ್ದಾಳೆ.

ಯುವತಿ ಆ ಯುವಕನನ್ನು ಥಳಿಸುತ್ತಿರುವಾಗ ಜನರು ಜಮಾಯಿಸಿದ್ದಾರೆ. ಜನರ ಗುಂಪು ಸೇರುತ್ತಿದ್ದಂತೆ ಯುವಕ ಯುವತಿಯ ಹತ್ತಿರ ಕ್ಷೇಮ ಕೇಳಿದ್ದಾನೆ. ನಂತರ ಯುವತಿಯ ರೌದ್ರ ರೂಪ ನೋಡಿ ತಕ್ಷಣ ಆತ ‘ಅಕ್ಕ ಕ್ಷಮಿಸಿ ಬಿಡಿ’ ಎಂದು ಹೇಳಿದ್ದಾನೆ.

ಯುವಕ ಆಕೆಗೆ ಅಕ್ಕ ಎಂದು ಹೇಳುತ್ತಿದ್ದಂತೆ ಆಕೆ ಇಷ್ಟು ಹೊತ್ತು ನೀನು ನಿನ್ನ ಸ್ನೇಹಿತರ ಜೊತೆ ಸೇರಿ ನನ್ನನ್ನು ಚುಡಾಯಿಸುತ್ತಿದ್ದೆ. ಅಷ್ಟು ಬೇಗ ನಾನು ನಿನಗೆ ಅಕ್ಕ ಆಗಿದ್ದೀನಾ ಎಂದು ಪ್ರಶ್ನಿಸಿ ಯುವತಿ ತರಾಟೆಗೆ ತೆಗೆದುಕೊಂಡಿದ್ದಾಳೆ. ಸದ್ಯ ಈ ಘಟನೆಯನ್ನು ಸ್ಥಳೀಯರು ವಿಡಿಯೋ ಮಾಡಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದಾರೆ.

ವರದಿಗಳ ಪ್ರಕಾರ ಯುವತಿ ಆತನ ಶರ್ಟ್ ಕಾಲರ್ ಹಿಡಿದು ಪೊಲೀಸ್ ಠಾಣೆಗೆ ಕರೆದುಕೊಂಡು ಹೋಗಿ ದೂರು ದಾಖಲಿಸಿದ್ದಾರೆ. ಮನೀಶ್ ಹಾಗೂ ಅಭಿಷೇಕ್ ಹೆಸರಿನ ಇಬ್ಬರೂ ಯುವಕರನ್ನು ಪೊಲೀಸರು ಬಂಧಿಸಿದ್ದು, ಈ ಇಬ್ಬರೂ ಆರೋಪಿಗಳು ದೆಹಲಿಯಿಂದ 100ಕಿ.ಮೀ ದೂರದಲ್ಲಿರುವ ಹರಿಯಾಣದ ಚರಕಿ ದಾದರಿಯುವರು ಎಂಬುದು ತಿಳಿದುಬಂದಿದೆ.

Click to comment

Leave a Reply

Your email address will not be published. Required fields are marked *