Latest

ಯುವಕ, ಯುವತಿಯನ್ನ ನಗ್ನವಾಗಿ ಮೆರವಣಿಗೆ ಮಾಡಿದ ಗ್ರಾಮಸ್ಥರು- ವಿಡಿಯೋ ವೈರಲ್ ಆದ ಬಳಿಕ ಕೇಸ್ ದಾಖಲು

Published

on

Share this

ಜೈಪುರ: ಗ್ರಾಮದಿಂದ ಓಡಿಹೋಗಿದ್ದ ಕಾರಣಕ್ಕೆ ಯುವಕ ಹಾಗೂ ಯುವತಿಯನ್ನು ಅಮಾನವೀಯವಾಗಿ ಥಳಿಸಿ, ಅವರನ್ನ ನಗ್ನವಾಗಿ ಮೆರವಣಿಗೆ ಮಾಡಿಸಿದ ಘಟನೆ ರಾಜಸ್ಥಾನದ ಗ್ರಾಮವೊಂದರಲ್ಲಿ ನಡೆದಿದೆ.

20 ವರ್ಷದ ಯುವತಿಯ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿ ಕೋಲಿನಿಂದ ಅಮಾನವೀಯವಾಗಿ ಥಳಿಸಲಾಗಿದೆ. ಈ ಘಟನೆಯ ವಿಡಿಯೋ ವೈರಲ್ ಆದ ನಂತರ ಪೊಲೀಸರು ಯುವಕ, ಯುವತಿಯ ತಂದೆ ಸೇರಿದಂತೆ ಐವರನ್ನ ಬಂಧಿಸಿ ಎಫ್‍ಐಆರ್ ದಾಖಲಿಸಿದ್ದಾರೆ. ಅಲ್ಲದೆ ಘಟನೆಗೆ ಸಂಬಂಧಿಸಿದಂತೆ 4 ಜನರನ್ನ ವಶಕ್ಕೆ ಪಡೆದಿದ್ದಾರೆ.

ಹಿರಿಯ ಅಧಿಕಾರಿ ಅನಂದ್ ಶರ್ಮಾ ಅವರು ವಿಡಿಯೋ ನೋಡಿದ ನಂತರ ಈ ಘಟನೆ ಬಗ್ಗೆ ಮಾಹಿತಿ ಪಡೆದು ಕ್ರಮಕ್ಕೆ ಮುಂದಾದ್ರು ಎಂದು ಪೊಲೀಸರು ಹೇಳಿದ್ದಾರೆ. ಬನ್ಸ್ವಾರಾ ಜಿಲ್ಲೆಯ ಈ ಗ್ರಾಮದಿಂದ ಯಾರೊಬ್ಬರೂ ಘಟನೆಯ ಬಗ್ಗೆ ದೂರು ದಾಖಲಿಸಿರಲಿಲ್ಲ. ಪೊಲೀಸರಿಗೆ ದೂರು ನಿಡುವುದಿಲ್ಲ ಎಂದು ಯುವಕ, ಯುವತಿಯಿಂದ ಮುಚ್ಚಳಿಕೆಗೆ ಸಹಿ ಹಾಕಿಸಿಕೊಂಡಿದ್ದರು ಎಂದು ವರದಿಯಾಗಿದೆ. ಬಂಧಿತರ ಮೇಲೆ ಕೊಲೆ ಯತ್ನ, ಬಂಧನ ಹಾಗೂ ಅತ್ಯಾಚಾರ ಆರೋಪಗಳಡಿ ಪ್ರಕರಣ ದಾಖಲಾಗಿದೆ.

ನಾವು ಯುವಕನನ್ನು ಪೊಲೀಸ್ ಠಾಣೆಗೆ ಕರೆತಂದು ಸಮಾಧಾನಪಡಿಸಿದೆವು. ಆಗ ಅವರು ನಡೆದ ಘಟನೆಯನ್ನು ವಿವರಿಸಿದರು. ಯುವತಿಯನ್ನ ಬೇರೋಬ್ಬರೊಂದಿಗೆ ಮದುವೆ ಮಾಡಿಸಲಾಗಿತ್ತು. ಲಿಮ್ತಾನ್ ಎಂಬ ಗ್ರಾಮದಲ್ಲಿ ಬಂಧನದಲ್ಲಿಸಿಕೊಂಡಿದ್ದ ಆ ಯುವತಿಯನ್ನು ರಕ್ಷಣೆ ಮಾಡಲಾಗಿದೆ ಎಂದು ಪೊಲೀಸ್ ಅಧಿಕಾರಿ ಶರ್ಮಾ ತಿಳಿಸಿದ್ದಾರೆ.

ಮಾರ್ಚ್ 22 ರಂದು ಈ ಜೋಡಿ ಗ್ರಾಮದಿಂದ ಗುಜರಾತ್‍ಗೆ ಓಡಿಹೋಗಿದ್ದರು. ಇವರು ಬುಡಕಟ್ಟು ಸಮುದಾಯವೊಂದಕ್ಕೆ ಸೇರಿದವರಾಗಿದ್ದು ಇಬ್ಬರ ಮಧ್ಯೆ ಸೋದರ ಸಂಬಂಧವಿದ್ದ ಕಾರಣ ಇವರ ಪ್ರೀತಿಗೆ ವಿರೋಧವಿತ್ತು. ಹೀಗಾಗಿ ಗ್ರಾಮ ಬಿಟ್ಟು ಓಡಿಹೋಗಿದ್ದ ಇವರನ್ನು ಪತ್ತೆಹಚ್ಚಿ ಗ್ರಾಮಕ್ಕೆ ವಾಪಸ್ ಕರೆತಂದು ಥಳಿಸಿ, ಸಾರ್ವಜನಿಕವಾಗಿ ಅವಮಾನಿಸಲಾಗಿದೆ.

ಮೊದಲು ನನ್ನನ್ನು, ನಂತರ ಇಬ್ಬರನ್ನೂ ಕೋಲು ಹಾಗೂ ರಾಡ್‍ಗಳಿಂದ ಹೊಡೆದರು. ನಂತರ ನಗ್ನವಾಗಿ ಮೆರವಣಿಗೆ ಮಾಡಿಸಿದ್ರು. ಅಲ್ಲಿ ನೆರೆದಿದ್ದ ಜನ ಇದನ್ನ ಮೊಬೈಲ್‍ನಲ್ಲಿ ವಿಡಿಯೋ ಮಾಡಿದ್ರು. ಜನರ ಗುಂಪಿನಲ್ಲಿ ಇಬ್ಬರ ತಂದೆಯರೂ ಇದ್ರು ಎಂದು ಥಳಿತಕ್ಕೊಳಗಾದ 21 ವರ್ಷದ ಯುವಕ ಪೊಲೀಸರಿಗೆ ತಿಳಿಸಿದ್ದಾರೆ.

ಏಪ್ರಿಲ್ 17ರಂದು ಯುವತಿಯನ್ನು ಬಲವಂತವಾಗಿ ಹತ್ತಿರದ ಗ್ರಾಮವೊಂದರ ವ್ಯಕ್ತಿಯ ಜೊತೆ ಮದುವೆ ಮಾಡಿಸಲಾಗಿದೆ. ಪೊಲೀಸರು ಯುವತಿಯನ್ನು ಏಪ್ರಿಲ್ 18ರಂದು ರಕ್ಷಿಸಿದ್ದಾರೆ. ನಂತರ ಆಕೆಗೆ ಥಳಿತದಿಂದಾಗಿದ್ದ ಗಾಯಗಳಿಗೆ ಚಿಕಿತ್ಸೆ ಕೊಡಿಸಲಾಗುತ್ತಿದೆ ಎಂದು ಪೊಲೀಸರು ಹೇಳಿದ್ದಾರೆ.

Click to comment

Leave a Reply

Your email address will not be published. Required fields are marked *

Advertisement
Big Bulletin33 mins ago

ಬಿಗ್ ಬುಲೆಟಿನ್ 16 September 2021 ಭಾಗ-1

Bengaluru City39 mins ago

ಬೆಂಗಳೂರಿನಲ್ಲಿ ವಿದೇಶಿಗನ ಡ್ರಗ್ಸ್ ಕಾರ್ಖಾನೆ- ಶೂ ಅಡಿಭಾಗದಲ್ಲಿ ಮಾದಕ ವಸ್ತು ಇಟ್ಟು ಸಪ್ಲೈ

Big Bulletin41 mins ago

ಬಿಗ್ ಬುಲೆಟಿನ್ 16 September 2021 ಭಾಗ-2

Districts51 mins ago

ತನ್ನನ್ನು ಪೋಷಣೆ ಮಾಡುತ್ತಿಲ್ಲವೆಂದು ಮಗನ ಮನೆ ಮುಂದೆ ತಂದೆ ಪ್ರತಿಭಟನೆ

Cinema2 hours ago

ಭೋಜ್‍ಪುರಿ ಸಿನಿಮಾದಲ್ಲಿ ಕನ್ನಡತಿ ಮೇಘಶ್ರೀ ಮಿಂಚು

Bengaluru City2 hours ago

ದೇವಸ್ಥಾನ ಕೆಡವಿರುವುದನ್ನು ವಿಶ್ವ ಹಿಂದೂ ಪರಿಷತ್ ವಿರೋಧಿಸಿ ಸರ್ಕಾರಕ್ಕೆ ಎಚ್ಚರಿಕೆ

Bengaluru City3 hours ago

ಶಾಲೆಗಳಲ್ಲಿ ಫೀಸ್ ಕಡಿತ ಬಗ್ಗೆ ಕೊನೆಗೂ ರೂಲ್ಸ್ – ಶೇ.30ರಷ್ಟು ಶುಲ್ಕ ಕಡಿತ ಆದೇಶ ರದ್ದು!

Bengaluru City3 hours ago

ಎಲ್ಲಾ ಅಡೆತಡೆಗಳಿಗೂ ‘ಗ್ರೂಫಿ’ ಸಕ್ಸಸ್ ಉತ್ತರ – 25 ದಿನದ ಸಂಭ್ರಮದಲ್ಲಿ ಚಿತ್ರತಂಡ

Chikkaballapur3 hours ago

ಆಟೋಗೆ ಕಾರು ಡಿಕ್ಕಿ- ಓರ್ವ ಸಾವು, 6 ಮಂದಿಗೆ ಗಾಯ

Crime3 hours ago

ಚಿಕ್ಕಪ್ಪನ ಜೊತೆಗೆ ಅನೈತಿಕ ಸಂಬಂಧ- ಬರ್ತ್ ಡೇ ಪಾರ್ಟಿಗೆ ತೆರಳ್ತಿದ್ದವಳು ಬರ್ಬರವಾಗಿ ಹೆಣವಾದ್ಳು!