ಹಾಸನ: ನಾಗರ ಹಾವೊಂದು ದಡೂತಿ ಗಾತ್ರದ ವಿಷಕಾರಿ ಮಂಡಲ ಹಾವನ್ನು ಕೆಲವೇ ನಿಮಿಷಗಳ ಅಂತರದಲ್ಲಿ ಆಪೋಷಣೆ ಮಾಡಿದ ವಿಚಿತ್ರ ಘಟನೆ ಹಾಸನದ ಹೊರವಲಯದಲ್ಲಿ ನಡೆದಿದೆ.
ರಾಷ್ಟ್ರೀಯ ಹೆದ್ದಾರಿ ಪಕ್ಕದಲ್ಲಿರುವ ಸಮುದ್ರವಳ್ಳಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಕೇವಲ 6 ನಿಮಿಷದಲ್ಲಿ ಮಂಡಲ ಹಾವನ್ನು ನುಂಗಿ ನಾಗರ ಹಾವು ಹೊಟ್ಟೆ ತುಂಬಿಸಿಕೊಂಡಿದೆ. ಹೌದು ಹರಿವ ನೀರಿನಲ್ಲಿದ್ದುಕೊಂಡು ಸರಾಗವಾಗಿ ಮಂಡಲ ಹಾವು ನುಂಗಿ ನಾಗರಾಜ ಮೈ ಮುರಿದಿದ್ದಾನೆ.
ಮಂಡಲ ಹಾವು ಅತ್ಯಂತ ವಿಷಕಾರಿ ಸರೀಸೃಪ ಎನ್ನಲಾಗುತ್ತೆ. ಆದರೆ ಇಂತಹ ಹಾವನ್ನು ನಾಗರ ಹಾವು ತಲೆ ಭಾಗದಿಂದಲೇ ಸಲೀಸಾಗಿ ನುಂಗಿರುವುದು ವಿಚಿತ್ರ ಸಂಗತಿಯಾಗಿದೆ.
ಈ ವಿಚಿತ್ರ ದೃಶ್ಯವನ್ನು ಕಂಡ ಜನತೆ ಅಚ್ಚರಿ ಪಟ್ಟಿದ್ದಾರೆ. ಅಲ್ಲದೆ ಈ ದೃಶ್ಯವನ್ನು ಸ್ಥಳದಲ್ಲಿದ್ದವರು ಮೊಬೈಲ್‍ನಲ್ಲಿ ಸೆರೆ ಹಿಡಿದಿದ್ದಾರೆ.
https://www.youtube.com/watch?v=DWkZx1IelsY
