ಹೋಟೆಲ್‍ಗೆ ಹೋಗುವ ಬದ್ಲು ಮನೆಯಲ್ಲೇ ಮಾಡಿ ರುಚಿ ರುಚಿಯಾದ ಚಿಕನ್ ಗ್ರೀನ್ ಫ್ರೈ

Public TV
2 Min Read
CHICKEN GREEN FRY 1

ವೀಕೆಂಡ್‍ನಲ್ಲಿ ಮಾಂಸಾಹಾರಿ ಹೋಟೆಲ್‍ಗಳು ಫುಲ್ ರಶ್ ಆಗಿರುತ್ತವೆ. ಅಷ್ಟರ ಮಟ್ಟಿಗೆ ಜನರು ಮಾಂಸಾಹಾರವನ್ನು ಇಷ್ಟಪಡುತ್ತಾರೆ. ಆದರೆ ಹೋಟೆಲ್ ನಲ್ಲಿ ತಿನ್ನೋ ಬದಲು ಮನೆಯಲ್ಲೇ ಮಾಂಸಾಹಾರವನ್ನು ಮಾಡಿ ತಿನ್ನಬಹುದು. ಹೀಗಾಗಿ ತುಂಬಾ ಸರಳವಾಗಿ ಮತ್ತು ಬಹುಬೇಗ ರುಚಿ ರುಚಿಯಾದ ಚಿಕನ್ ಗ್ರೀನ್ ಫ್ರೈ ಮಾಡುವ ಸುಲಭ ವಿಧಾನ ಇಲ್ಲಿದೆ.

CHICKEN GREEN FRY

ಬೇಕಾಗುವ ಸಾಮಾಗ್ರಿಗಳು:
* ಚಿಕನ್- ಅರ್ಧ ಕೆಜಿ
* ಈರುಳ್ಳಿ- 2
* ಅಡುಗೆ ಎಣ್ಣೆ-
* ಹಸಿ ಮೆಣಸಿನಕಾಯಿ- 6 (ಖಾರ ಕಡಿಮೆ ಇರುವ)
* ಪುದಿನ-2 ಎಸಳು
* ಕಾಳು ಮೆಣಸು ಪುಡಿ- 2 ಚಮಚ
* ಅರಿಶಿನ ಪುಡಿ- 1 ಚಿಟಿಕೆ
* ಕೆಂಪು ಮೆಣಸಿನ ಪುಡಿ- 2 ಚಮಚ
* ಶುಂಠಿ ಬೆಳ್ಳುಳ್ಳಿ ಪೇಸ್ಟ್- 2 ಚಮಚ
* ಉಪ್ಪು ರುಚಿಗೆ ತಕ್ಕಷ್ಟು
* ಕೊತ್ತಂಬರಿ ಸೊಪ್ಪು- ಸ್ವಲ್ಪ
* ಹೆವಿ ಕ್ರೀಮ್- ಅರ್ಧ ಕಪ್

ಮಾಡುವ ವಿಧಾನ:
* ಮೊದಲು ಒಂದು ದೊಡ್ಡ ಬೌಲ್‍ಗೆ ತೊಳೆದ ಚಿಕನ್ ಹಾಕಿ, ಅದಕ್ಕೆ ಒಂದು ಟೇಬಲ್ ಸ್ಪೂನ್ ಕಾಳು ಮೆಣಸಿನ ಪುಡಿ, ಕೆಂಪುಮೆಣಸಿನ ಪುಡಿ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಚಿಟಿಕೆ ಅರಿಶಿನ, ಉಪ್ಪು ಹಾಕಿ ಮಿಕ್ಸ್ ಮಾಡಿ ಅರ್ಧ ಗಂಟೆ ನೆನಸಿಡಿ.
* ಒಂದು ಮಿಕ್ಸಿ ಜಾರ್ ಗೆ ಹಸಿಮೆಣಸಿನ ಕಾಯಿ, ಪುದಿನ ಮತ್ತು ಕೊತ್ತಂಬರಿ ಸೊಪ್ಪನ್ನು ಹಾಕಿ ರುಬ್ಬಿಕೊಳ್ಳಿ.
* ನಂತರ ಒಂದು ಪ್ಯಾನ್‍ಗೆ ಎಣ್ಣೆ ಹಾಕಿ ಅದು ಬಿಸಿಯಾದ ನಂತರ ಅದಕ್ಕೆ ಕತ್ತರಿಸಿದ 2 ಈರುಳ್ಳಿಯನ್ನು ಹಾಕಿ ಗೋಲ್ಡ್ ಕಲರ್ ಬರುವವರೆಗೆ ಹುರಿಯಿರಿ.
* ಉಳಿದ ಶುಂಠಿ ಬೆಳ್ಳುಳ್ಳಿ ಪೇಸ್ಟನ್ನು ಹಾಕಿ ಹುರಿಯಿರಿ, ತದನಂತರ ನೆನಸಿಟ್ಟ ಚಿಕನ್‍ನ್ನು ಹಾಕಿ ಅರ್ಧ ಬೇಯಿಸಿಕೊಳ್ಳಿ.

CHICKEN GREEN FRY 2

* ಬಳಿಕ ಅದಕ್ಕೆ ಮಿಕ್ಸಿಯಲ್ಲಿ ರುಬ್ಬಿಕೊಂಡ ಮಿಶ್ರಣ ಮತ್ತು ಹೆವಿ ಕ್ರೀಮ್‍ನ್ನು ಹಾಕಿ ಜೊತೆಗೆ ಅದಕ್ಕೆ ಉಳಿದ ಕಾಳು ಮೆಣಸಿನ ಪುಡಿ, ಕೆಂಪುಮೆಣಸಿನ ಪುಡಿ, ಚಿಟಿಕೆ ಅರಿಶಿನ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಮಿಕ್ಸ್ ಮಾಡಿ. ನಂತರ ಪ್ಯಾನ್‍ನ ಮುಚ್ಚಳವನ್ನು ಮುಚ್ಚಿ 20 ನಿಮಿಷ ಸಣ್ಣ ಉರಿಯಲ್ಲಿ ಬೇಯಿಸಿ.
* ಚೆನ್ನಾಗಿ ಬೆಂದ ಬಳಿಕ ಅದನ್ನು ಕೆಳಗಿಳಿಸಿ ಸರ್ವಿಂಗ್ ಬೌಲ್‍ಗೆ ಹಾಕಿದರೆ ಚಿಕನ್ ಗ್ರೀನ್ ಫ್ರೈ ಸವಿಯಲು ಸಿದ್ಧ.

ಇದನ್ನು ಅಕ್ಕಿ ರೊಟ್ಟಿ, ದೋಸೆ, ಚಪಾತಿ ಮತ್ತು ಅನ್ನದ ಜೊತೆಯೂ ಸವಿಯಬಹುದು.

 

Share This Article
Leave a Comment

Leave a Reply

Your email address will not be published. Required fields are marked *