ಬೀದರ್: 71 ಲಕ್ಷ ನಗದು ಹಾಗೂ ಕಾರು ಸಮೇತ ಕಾರು ಚಾಲಕ ಪರಾರಿಯಾದ ಘಟನೆ ಬೀದರ್ ನ ಮನ್ನಾಏಖೇಳಿಯಲ್ಲಿ ನಡೆದಿದೆ.
ಉದ್ಯಮಿ ರಾಜೇಶ್ ಎಂಬವರೇ ಹಣ ಕಳೆದುಕೊಂಡ ವ್ಯಕ್ತಿ. ರಾಜೇಶ್ ಕಾರಿನಲ್ಲಿ 71 ಲಕ್ಷ ಹಣವುಳ್ಳ ಬ್ಯಾಗ್ ಇಟ್ಟು ರೈತ ಸಂಪರ್ಕ ಕೇಂದ್ರಕ್ಕೆ ಹೋಗಿದ್ದರು. ಈ ವೇಳೆ ಕಾರ್ ಚಾಲಕ ಮಾರುತಿ ಹಣ ತೆಗೆದುಕೊಂಡು ಕಾರಿನ ಸಮೇತ ಪರಾರಿಯಾಗಿದ್ದಾನೆ.
ರಾಜೇಶ್ ಬಳ್ಳಾರಿ ಮೂಲದ ಉದ್ಯಮಿಯಾಗಿದ್ದು, ಸೋಯಾ ಸೀಡ್ಸ್ ವ್ಯಾಪಾರ ಮಾಡುತ್ತಿದ್ದರು. ಆದರೆ ರಾಜೇಶ್ ರೈತ ಸಂಪರ್ಕ ಕೇಂದ್ರದಿಂದ ವಾಪಸ್ ಬರೋವಷ್ಟರಲ್ಲಿ ಚಾಲಕ ಬ್ಯಾಗ್ ಸಮೇತ ಪರಾರಿಯಾಗಿದ್ದಾನೆ.
ಕೆಎ – 34, ಎನ್ -5427 ನಂಬರ್ ನ ಕಾರ್, ಪರಾರಿಯಾದ ಚಾಲಕ ಹೈದರಾಬಾದ್ ಕಡೆ ಹೋಗಿದ್ದಾನೆ ಎಂದು ಪೊಲೀಸರು ಶಂಕಿಸಿದ್ದಾರೆ. ಈ ಕುರಿತು ಮನ್ನಾಖೇಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
