ಬಿಗ್ ಬಾಸ್ ಮನೆಯ(Bigg Boss House) ರಂಗು ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಅದರಲ್ಲೂ ವೀಕೆಂಡ್ ಪಂಚಾಯಿತಿಯಲ್ಲಿ ಕಿಚ್ಚನ ಕ್ಲಾಸ್‌ಗೆ ಬಿಗ್ ಬಾಸ್ ಮನೆಯೇ ಗಪ್‌ಚುಪ್ ಎಂದಿದೆ. ಕ್ಯಾಪ್ಟೆನ್ಸಿ ವಿಚಾರದಲ್ಲಿ ಸಾನ್ಯ ಅಯ್ಯರ್ (Sanya Iyer) ವರ್ತನೆಗೆ ಕಿಚ್ಚ ಮತ್ತೆ ಖಡಕ್ ಕ್ಲಾಸ್ ತೆಗೆದುಕೊಂಡಿದ್ದಾರೆ. ಬಿಗ್ ಬಾಸ್ ಮನೆ ಮಂದಿಗೂ ಅವರವರ ತಪ್ಪುಗಳನ್ನ ಸುದೀಪ್ (Kiccha Sudeep) ಮನವರಿಕೆ ಮಾಡಿಸಿದ್ದಾರೆ.
ದೊಡ್ಮನೆಯ ಆಟ ಕುತೂಹಲಕಾರಿಯಾಗಿ ನಡೆಯುತ್ತಿದೆ. ಕಳೆದ ವಾರ ಕಿಚ್ಚನ ಅನುಪಸ್ಥಿತಿಯಲ್ಲಿ ವೀಕೆಂಡ್ ಎಲಿಮಿನೇಷನ್(Elimination) ನಡೆದಿತ್ತು. ಸುದೀಪ್ ಮದುವೆ ವಾರ್ಷಿಕೋತ್ಸವದ ಪ್ರಯುಕ್ತ ವಿದೇಶಕ್ಕೆ ಪತ್ನಿಯ ಜತೆ ತೆರಳಿದ್ದರು. ಹಾಗಾಗಿ ಕಳೆದ ವಾರದ ಮಾತುಕತೆಯ ಜೊತೆ ಈ ವಾರದ ಭರ್ಜರಿ ಕ್ಲಾಸ್ ಅನ್ನ ಮನೆಮಂದಿಗೆ ಸುದೀಪ್ ತೆಗೆದುಕೊಂಡಿದ್ದಾರೆ. ಅದರಲ್ಲೂ ಕ್ಯಾಪ್ಟೆನ್ಸಿ ವೇಳೆಯಲ್ಲಿ ಸಾನ್ಯ ಮತ್ತು ದೀಪಿಕಾ ನಡೆದುಕೊಂಡ ರೀತಿಗೆ ಕಿಚ್ಚ ಜಬರ್‌ದಸ್ತ್ ಕ್ಲಾಸ್ ಮಾಡಿದ್ದಾರೆ. ಉಡುಗೊರೆ ಯಾರಿಗೆ ಬಂದಿದೆಯೋ, ಅವರಿಗೆ ಆಡೋಕೆ ಅವಕಾಶ ಇಲ್ಲ ಎನ್ನುವ ವಾತಾವರಣ ಕ್ರಿಯೇಟ್ ಆಗಿರೋದರ ಬಗ್ಗೆ ಸುದೀಪ್ ವಾರಾಂತ್ಯದಲ್ಲಿ ಪ್ರಸ್ತಾಪ ಮಾಡುತ್ತಾರೆ. ಇದನ್ನೂ ಓದಿ:ಒಂದೇ ದಿನದಲ್ಲಿ ಕಾಡಿನಲ್ಲಿ ಶೂಟಿಂಗ್ – ಟವೆಲ್ ಸುತ್ತಿಡು ಕೊಂಅಭಿನಯಿಸಿದ್ದೆ
ಸಾನ್ಯ ಅಯ್ಯರ್ ಕ್ಯಾಪ್ಟನ್ ಆಗಿದ್ದಾಗ ಹಲವು ನಿರ್ಧಾರಗಳು ತಪ್ಪಾಗಿದ್ವು. ಆಗ ಮನೆಯವರು ಅವರ ಕ್ಯಾಪ್ಟೆನ್ಸಿ ಇಷ್ಟ ಆಗಿಲ್ಲ ಎಂದು ಕಳಪೆ ಕೊಟ್ಟಿದ್ದರು. ಸಾನ್ಯ ನಿಮ್ಮ ದಾಟಿಯಿಂದ ಎಲ್ಲರಿಗೂ ನೋವಾಗಿದೆ. ನಿಮ್ಮ ನಿರ್ಧಾರದಿಂದ ಹಲವು ಗೊಂದಲಕ್ಕೆ ಎಡೆಮಾಡಿ ಕೊಟ್ಟಿದೆ. ಈ ಬಗ್ಗೆ ಸರಿಪಡಿಸಿಕೊಳ್ಳಿ ಎಂದು ಸಾನ್ಯಗೆ ಸುದೀಪ್ ಮನವರಿಕೆ ಮಾಡಿಸಿದ್ದರು.
ದೀಪಿಕಾ ಕ್ಯಾಪ್ಟನ್ ಆಗಿದ್ದಾಗ ಒಂದು ತಂಡಕ್ಕೆ ಫೇವರಿಸಂ ಆಗಿದೆ ಎಂಬ ಚರ್ಚೆ ನಡೆದಿದೆ. ರೂಪೇಶ್ ರಾಜಣ್ಣ ಮತ್ತು ದಿವ್ಯಾ ಉರುಡುಗ, ದೀಪಿಕಾ ಒಂದು ತಂಡಕ್ಕೆ ಫೇವರಿಸಂ ಮಾಡಿದ್ದಾರೆ ಎಂದು ಸುದೀಪ್‌ಗೆ ಹೇಳ್ತಾರೆ. ಆಗ ನೇಹಾ ಗೌಡ, ಕ್ಯಾಪ್ಟೆನ್ಸಿ ವೇಳೆ ದೀಪಿಕಾ ಅವರು ನಡೆದುಕೊಂಡ ರೀತಿ ನನಗೆ ಇಷ್ಟ ಆಗಲಿಲ್ಲ ಎಂದು ಹೇಳ್ತಾರೆ. ದೀಪಿಕಾ(Deepika Das) ಕ್ಯಾಪ್ಟೆನ್ಸಿಯಲ್ಲಿ ಒಂದು ತಂಡಕ್ಕೆ ಗೇಮ್ ವೇಳೆ, ಎಲ್ಲೋ ಒಂದು ಕಡೆ ಫೇವರಿಸಂ ಆಗಿದೆ ಎಂದು ಕಿಚ್ಚ ದೀಪಿಕಾಗೆ ತಿದ್ದಿದ್ದಾರೆ. ಬಳಿಕ ದೀಪಿಕಾ, ಫೇವರಿಸಂನಿಂದ ನನಗೇನೂ ಸಿಗಲ್ಲ ಅಂತಾ ನನಗೆ ಗೊತ್ತು. ಗೊಂದಲಗಳಿಂದ ಹೀಗೆ ಆಗಿದೆ ಎಂದು ಎಲ್ಲರಲ್ಲಿ ಕ್ಷಮೆ ಕೇಳಿದ್ದಾರೆ.
Live Tv
[brid partner=56869869 player=32851 video=960834 autoplay=true]
