ಬೆಂಗಳೂರು: ಕನ್ನಡ ಚಿತ್ರರಂಗದಲ್ಲಿ (Kannada Film Industry) ಮೋಡಿ ಮಾಡಿದ `ಬಾನಲ್ಲೆ ಮಧುಚಂದ್ರಕೆ’ (Baa Nalle Madhuchandrake) ಸಿನಿಮಾ ನೋಡಿರದವರೇ ಇಲ್ಲ. ಆ ಚಿತ್ರದಲ್ಲಿ ಕಥಾ ನಾಯಕ ತನ್ನ ಹೆಂಡ್ತಿಯನ್ನ ಕೊಲೆ ಮಾಡಿ ಹೇಗೆ ಸಿಕ್ಕಿಬಿದ್ನೊ ಹಾಗೆಯೇ ಬೆಂಗಳೂರಿನಲ್ಲೊಬ್ಬ (Bengaluru) ತನ್ನ ಹೆಂಡತಿಯನ್ನ ಕೊಲೆ ಮಾಡಿ ಸಿಕ್ಕಿಬಿದ್ದಿದ್ದಾನೆ.
ಸಿನಿಮಾದಲ್ಲಿ (Cinema) `ಹೆಂಡ್ತಿ ನಡತೆ ಸರಿಯಿಲ್ಲ ಅಂತಾ ಕಥಾನಾಯಕ ಹನಿಮೂನ್‌ಗೆ ಕರೆದೊಯ್ದು ಕೊಲೆ ಮಾಡಿರುತ್ತಾನೆ. ಹನಿಮೂನ್‌ಗೆ ಹೊರಡುವಾಗ 2 ಟಿಕೆಟ್, ವಾಪಸ್ ಬರೋವಾಗ ಒಂದೇ ಟಿಕೆಟ್ ಬುಕ್ ಮಾಡಿ ಲಾಕ್ ಆಗ್ತಾನೆ. ಈ ಪ್ರಕರಣದಲ್ಲೂ ಆರೋಪಿ ನಾಸಿರ್ ಹುಸೇನ್ ಹೆಂಡ್ತಿ ನಡತೆ ಮೇಲೆ ಸಂಶಯಪಟ್ಟು ಕೊಲೆ ಮಾಡಿ, ಫ್ಲೈಟ್‌ (Flight) ಟಿಕೆಟ್ ಬುಕ್ಕಿಂಗ್‌ನಿಂದ ಲಾಕ್ ಆಗಿದ್ದಾನೆ. ಇದನ್ನೂ ಓದಿ: ಕಾಂಗ್ರೆಸ್‌ DNAಯಲ್ಲಿ ನಿವೃತ್ತಿ, ಪ್ರಾಮಾಣಿಕತೆ ಅನ್ನೋದೆ ಇಲ್ಲ: ಪ್ರಹ್ಲಾದ್ ಜೋಶಿ
Advertisement
Advertisement
ಕಳೆದ ಸೋಮವಾರ ತಾವರೆಕೆರೆಯ ಫ್ಲಾಟ್‌ನಲ್ಲಿ 6 ತಿಂಗಳ ಗರ್ಭಿಣಿ ನಾಝ್ ಎಂಬಾಕೆಯನ್ನ ಉಸಿರುಗಟ್ಟಿಸಿ ಕೊಲೆ ಮಾಡಿದ್ದ ಆರೋಪಿ ನಾಸಿರ್ ಹುಸೇನ್ ಭಾನುವಾರ ಅರೆಸ್ಟ್ ಆಗಿದ್ದಾನೆ.
Advertisement
ಸದ್ದುಗುಂಟೆ ಪಾಳ್ಯ ಪೊಲೀಸರು ಪಶ್ಚಿಮ ಬಂಗಾಳದಲ್ಲಿ (West Bengal) ಅರೆಸ್ಟ್ ಮಾಡಿ ಬೆಂಗಳೂರಿಗೆ ಕರೆತಂದಿದ್ದಾರೆ. ಆರೋಪಿ ಕೊಲೆ ಮಾಡುವ ಮೊದಲು ದೆಹಲಿಗೆ ವಿಮಾನ ಬುಕ್ ಮಾಡಿದ್ದ. ಕೊಲೆ ಮಾಡಿದ ಬಳಿಕ ಕ್ಯಾಬ್ ನಲ್ಲಿ ಏರ್‌ಪೋರ್ಟ್‌ಗೆ ಹೋಗಿ ಚಾಲಕನಿಗೆ 4,000 ಹಣ ಹಾಕಿ 3,500 ನಗದು ವಾಪಸ್ ಪಡೆದಿದ್ದ. ಇನ್ನೇನು ವಿಮಾನ ಟೇಕ್ ಆಫ್ ಆಗುವಾಗ ನಿನ್ನ ತಂಗಿಯನ್ನ ಕೊಲೆ ಮಾಡಿದ್ದೀನಿ ಅಂತಾ ಬಾಮೈದನಿಗೆ ಮೆಸೇಜ್ ಹಾಕಿದ್ದ. ನಂತರ ದೆಹಲಿಯಿಂದ ಪಶ್ಚಿಮ ಬಂಗಾಳಕ್ಕೆ ಹೋಗಿ ತಲೆ ಮರೆಸಿಕೊಂಡಿದ್ದ. ಭಾನುವಾರ ಪೊಲೀಸರು ಅವನ ಆಟಕ್ಕೆ ಹೆಡೆಮುರಿ ಕಟ್ಟಿದ್ದಾರೆ.
Advertisement
ನಾಸಿರ್ ಹುಸೇನ್ ವೃತ್ತಿಯಲ್ಲಿ ಸಾಫ್ಟ್ವೇರ್ ಇಂಜಿನಿಯರ್ ಆಗಿದ್ದ. ಒಳ್ಳೆಯ ಹುಡುಗ ಅಂತಾ 6 ತಿಂಗಳ ಹಿಂದೆಯಷ್ಟೇ ನಾಝ್ ಕುಟುಂಬಸ್ಥರು ಮದುವೆ ಮಾಡಿಕೊಟ್ಟಿದ್ದರು. ಇದೀಗ ಆರೋಪಿಯನ್ನ ಬಂಧಿಸಲಾಗಿದ್ದು, ನಾಸಿರ್ ಬಂಗಾಳ ಮೂಲದವನಾ ಅಥವಾ ಬಾಂಗ್ಲಾದೇಶ ಮೂಲದವನಾ ಅನ್ನೋ ಬಗ್ಗೆ ಪರಿಶೀಲನೆ ನಡೆಯುತ್ತಿದೆ. ಇದನ್ನೂ ಓದಿ: ಚಪ್ಪಲಿ ಹೆಸರೇಳಿಕೊಂಡು ಜೆಡಿಎಸ್ ವಿರುದ್ಧ ಅವಹೇಳನಕಾರಿ ಹೇಳಿಕೆ ನೀಡಿದ ಕಟೀಲ್‍ ಭಾವಚಿತ್ರಕ್ಕೆ ಚಪ್ಪಲಿ ಸೇವೆ
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
