ಮನೋರಂಜನೆಯ ಜೊತೆಗೇ ಜಾಗೃತಿ ಮೂಡಿಸೋ ಫೇಸ್ ಟು ಫೇಸ್!

ಕನ್ನಡ ಚಿತ್ರರಂಗಕ್ಕೆ ಸಾಲು ಸಾಲಾಗಿ ಹೊಸ ನಿರ್ದೇಶಕರ ಆಗಮನವಾಗುತ್ತಿದೆ. ಅದೇ ಸಾಲಿನಲ್ಲಿ ಫೇಸ್ ಟು ಫೇಸ್ ಚಿತ್ರದ ನಿರ್ದೇಶಕ ಸಂದೀಪ್ ಜನಾರ್ಧನ್ ಕೂಡಾ ಸೇರಿಕೊಳ್ಳುತ್ತಾರೆ. ಪಕ್ಕಾ ಕಮರ್ಷಿಯಲ್ ಶೈಲಿಯ ಕಥೆ ಹೊಂದಿದ್ದರೂ ಅದರಲ್ಲಿಯೇ ಸಾಮಾಜಿಕ ಸಂದೇಶವನ್ನೂ ಕೂಡಾ ಹೊಂದಿರೋದು ಈ ಸಿನಿಮಾದ ನಿಜವಾದ ಆಕರ್ಷಣೆ. ಇದೂ ಸೇರಿದಂತೆ ಈ ಸಿನಿಮಾವನ್ನು ನೋಡಲೇ ಬೇಕೆಂಬುದಕ್ಕೆ ಹಲವಾರು ಕಾರಣಗಳಿವೆ.

ಇದು ಓರ್ವ ಯುವಕ ಮತ್ತು ಆತನಿಗೆದುರಾಗೋ ಸಮಸ್ಯೆಗಳನ್ನು ಹೇಗೆ ಫೇಸ್ ಮಾಡುತ್ತಾನೆಂಬುದರ ಸುತ್ತ ನಡೆಯೋ ಕಥೆ ಹೊಂದಿರುವ ಚಿತ್ರ. ಆದರೆ ಇದನ್ನು ಗೆಸ್ ಮಾಡಲಾಗದಂಥಾ ಟ್ವಿಸ್ಟ್, ರೋಮಾಂಚನಗೊಳಿಸುವ ಸನ್ನಿವೇಶಗಳ ಮೂಲಕ ನಿರ್ದೇಶಕರು ಕಟ್ಟಿಕೊಟ್ಟಿದ್ದಾರಂತೆ. ಇನ್ನುಳಿದಂತೆ ತಾಂತ್ರಿಕವಾಗಿ ಹಾಗೂ ಸ್ಕ್ರೀನ್ ಪ್ಲೇ ವಿಚಾರದಲ್ಲಿಯೂ ಈ ಚಿತ್ರ ಗಮನ ಸೆಳೆಯಲಿದೆ.

ಹೀಗೆ ಓರ್ವ ಹುಡುಗನ ಸುತ್ತ ಸುತ್ತೋ ಕಥೆಯನ್ನ ಇಡೀ ಬದುಕನ್ನೇ ಬಳಸಿ ಬರುವಂತೆ ಮಾಡೋ ಕಲಾತ್ಮಕ ಕುಸುರಿಯೂ ಈ ಚಿತ್ರದಲ್ಲಿದೆ. ಭರ್ಜರಿ ಮನೋರಂಜನೆಯ ಜೊತೆಗೇ ಎಲ್ಲರಿಗೂ ಅನ್ವಯವಾಗುವಂಥಾ ಸಾಮಾಜಿಕ ಸಂದೇಶವನ್ನೂ ಕೂಡಾ ಕೊಡಲಾಗಿದೆ. ಈಗಾಗಲೇ ಒಟ್ಟಾರೆ ಚಿತ್ರದ ಹೂರಣ ಹೇಗಿರಬಹುದೆಂಬ ಅಂದಾಜನ್ನು ಟ್ರೈಲರ್ ರವಾನಿಸಿದೆ. ಈ ಕಾರಣದಿಂದಲೇ ಫೇಸ್ ಟು ಫೇಸ್ ಗಾಗಿ ಪ್ರೇಕ್ಷಕರು ಕಾಯುವಂತಾಗಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv